„სახელმწიფო საკუთრებაში არსებული უძრავი ქონების შპს „ლიტ ჯეო ინვესტისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 18 დეკემბრის №2337 განკარგულებაში ცვლილების შეტანისა და შპს „საბურთალო პალასის“ საქმიანობის ხელშესაწყობად რიგ ღონისძიებათა განხორციელების თაობაზე

„ბ) პირადად ან/და მესამე პირის მეშვეობით, ამ განკარგულების პირველი პუნქტით გათვალისწინებულ უძრავ ქონებაზე ან/და მის ნაწილზე მრავალბინიანი საცხოვრებელი სახლის/კომპლექსის მშენებლობა და კანონით დადგენილი წესით ექსპლუატაციაში მიღება 2018 წლის 30 დეკემბრამდე;

გ) ამ პუნქტის „ბ“ ქვეპუნქტით ნაკისრი ვალდებულების შესრულების მიზნით, პირადად ან/და მესამე პირის მეშვეობით, არანაკლებ 2 600 000 (ორი მილიონ ექვსასი ათასი) ლარის ინვესტიციის განხორციელება არა უგვიანეს 2018 წლის 12 თებერვლისა.“.

2. შპს „საბურთალო პალასი“ (ს/კ: 400149335, შპს „ლიტ ჯეო ინვესტის“ (ს/კ №204531088) უფლებამონაცვლე) გათავისუფლდეს საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოსა და შპს „ლიტ ჯეო ინვესტს“ შორის 2015 წლის 12 თებერვალს დადებული ნასყიდობის ხელშეკრულების შესაბამისად 2017 წლის 13 ივლისიდან ამ განკარგულების საფუძველზე შესაბამისი ცვლილების ხელშეკრულების გაფორმებამდე დაკისრებული/დასაკისრებელი პირგასამტეხლოსგან, იმ პირობით, რომ შპს „საბურთალო პალასი“ შეასრულებს „სახელმწიფო საკუთრებაში არსებული უძრავი ქონების შპს „ლიტ ჯეო ინვესტისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 18 დეკემბრის №2337 განკარგულების მე-2 პუნქტის „ბ“ და „გ“ ქვეპუნქტებით გათვალისწინებულ საპრივატიზებო პირობებს.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                              გიორგი კვირიკაშვილი