„ქალაქ ხაშურში, კოსტავას ქ. №1-ში მდებარე 1617. 00 კვ. მ არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობა №1-ის (განაშენიანების ფართი 1237 კვ. მ) ელექტრონული აუქციონის ფორმით პრივატიზების შესახებ“ საქართველოს ეკონომიკისა და მდგრადი განვითარების მინისტრის 2011 წლის 2 მაისის №1-1/665 ბრძანებით განსაზღვრულისგან განსხვავებული პირობის დადგენისა და შპს „ლიტ ჯეო ინვესტის“ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება № 10

2017 წლის 11 იანვარი

ქ. თბილისი

 „ქალაქ ხაშურში, კოსტავას ქ. №1-ში მდებარე 1617. 00 კვ. მ არასასოფლო-  სამეურნეო დანიშნულების მიწის ნაკვეთის და მასზე განთავსებული  შენობა-ნაგებობა №1-ის (განაშენიანების ფართი 1237 კვ. მ) ელექტრონული აუქციონის ფორმით პრივატიზების შესახებ“ საქართველოს ეკონომიკისა და მდგრადი განვითარების მინისტრის 2011 წლის 2 მაისის №1-1/665 ბრძანებით განსაზღვრულისგან განსხვავებული პირობის დადგენისა და  შპს „ლიტ ჯეო ინვესტის“ საქმიანობის ხელშესაწყობად რიგ   ღონისძიებათა განხორციელების შესახებ

1. „სახელმწიფო ქონების შესახებ“ საქართველოს კანონის 49¹ მუხლის პირველი და მე-3 პუნქტების შესაბამისად, დადგინდეს „ქალაქ ხაშურში, კოსტავას ქ. №1-ში მდებარე 1617. 00 კვ. მ არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობა №1-ის (განაშენიანების ფართი 1237 კვ.მ) ელექტრონული აუქციონის ფორმით პრივატიზების შესახებ“ საქართველოს ეკონომიკისა და მდგრადი განვითარების მინისტრის 2011 წლის 2 მაისის №1-1/665 ბრძანების მე-3 პუნქტის „ბ“ ქვეპუნქტით განსაზღვრულისგან განსხვავებული შემდეგი საპრივატიზებო პირობა:

„№69.08.58.127 მიწის (უძრავი ქონების) საკადასტრო კოდით რეგისტრირებულ უძრავ ქონებაზე სამშენებლო სამუშაოების ჩატარების მიზნით არანაკლებ 1 000 000 (ერთი მილიონი) ლარის ოდენობის ინვესტიციის განხორციელება არაუგვიანეს 2017 წლის 22 ივნისისა.“.

2. „სახელმწიფო ქონების შესახებ“ საქართველოს კანონის 49¹ მუხლის პირველი და მე-3 პუნქტების შესაბამისად, შპს „ლიტ ჯეო ინვესტი“ (ს/კ: 243859749) გათავისუფლდეს საქართველოს ეკონომიკისა და მდგრადი განვითარების სამინისტროსა და შპს „ველაჯიოს“ (ს/კ: 204469413) (უფლებამონაცვლე: შპს „ლიტ ჯეო ინვესტი“ (ს/კ: 243859749)) შორის 2011 წლის 22 ივნისს დადებული ნასყიდობის ხელშეკრულების 2.1.5 მუხლით გათვალისწინებული ვალდებულების დარღვევის გამო ამ განკარგულების პირველი პუნქტის საფუძველზე ცვლილების ხელშეკრულების გაფორმებამდე დაკისრებული/დასაკისრებელი პირგასამტეხლოსგან, იმ პირობით, რომ იგი შეასრულებს ამ განკარგულების პირველი პუნქტით გათვალისწინებულ საპრივატიზებო პირობას.

3. ამ განკარგულების პირველი პუნქტით განსაზღვრული საპრივატიზებო პირობის შესრულების (მათ შორის, შესაბამისი ხელშეკრულებით გათვალისწინებული ვალდებულებ(ებ)ის შეუსრულებლობისათვის დაკისრებული პირგასამტეხლოს გადახდის) უზრუნველყოფის მიზნით, შპს „ლიტ ჯეო ინვესტმა“ ამ განკარგულების საფუძველზე შესაბამისი ცვლილების ხელშეკრულების გაფორმებამდე წარადგინოს 100 000 (ასი ათასი) ლარის ოდენობის, არა ნაკლებ 2017 წლის 24 ოქტომბრამდე მოქმედი, უპირობო და გამოუხმობი, ახალი ან ვადაგაგრძელებული საბანკო გარანტია.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა − სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

 

პრემიერ-მინისტრი                                                  გიორგი კვირიკაშვილი