სს „ოზურგეთის ნავთობპროდუქტების“ კრედიტორთა კრების მოწვევის შესახებ

სხდომის მდივანი: ია დვალიშვილი

განმცხადებელი /მოვალე/ – სს „ოზურგეთის ნავთობპროდუქტები„

მოთხოვნა – გაკოტრების საქმის წარმოება.

 

სასამართლომ იხელმძღვანელა „გადახდისუუნარობის საქმეთა წარმოების შესახებ“ საქართველოს კანონის მე-5, მე-7, მე-8, 25-ე, 27-ე, 30-ე მუხლებით, საქართველოს სამოქალაქო საპროცესო კოდექსის 284-285-ე მუხლებით,

 

დაადგინა:

1. სს „ოზურგეთის ნავთობპროდუქტების“ კრედიტორთა პირველი კრება გადაიდოს და მოწვეულ იქნეს 2018 წლის 21 ივნისს 12:00 საათზე.

2. კრედიტორთა კრება შედგება ქუთაისის საქალაქო სასამართლოს შენობაში (ქალაქი ქუთაისი, კუპრაძის ქ. №11, მესამე სართული, სხდომის დარბაზი №3).

3. დაევალოს სსიპ – აღსრულების ეროვნულ ბიუროს კრედიტორებისათვის კრების ჩატარების შესახებ შეტყობინებების გაგზავნა. მასვე დაევალოს განჩინების გამოქვეყნება „საქართველოს საკანონმდებლო მაცნეს“ ვებგვერდზე. განჩინება ასევე გამოქვეყნდეს სასამართლოს დაფაზე და სასამართლოს ვებგვერდზე.

4. გადახდისუუნარობის საქმის წარმოების პროცესის მხარეებს განჩინებაზე შეუძლიათ კერძო საჩივრის შეტანა განჩინების გადაცემიდან ან გაცნობიდან 5 (ხუთი) დღის ვადაში.

მოსამართლე                                                       დარინა აბულაძე

სხდომის მდივანი                                              ია დვალიშვილი