„საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულების – საქართველოს სასაზღვრო პოლიციის მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №1001 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს შინაგან საქმეთა მინისტრის ბრძანება №67 |
|
2018 წლის 14 ივნისი ქ. თბილისი |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ: |
| მუხლი 1 |
„საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულების – საქართველოს სასაზღვრო პოლიციის მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №1001 ბრძანებით (ვებგვერდი 31/12/13, სარეგისტრაციო კოდი: 140130000.22.034.016251) დამტკიცებულ დანართში შეტანილ იქნეს ცვლილება და დანართის №43 და №44 პლანშეტები ჩამოყალიბდეს თანდართული რედაქციით. |
| მუხლი 2 |
ბრძანება ამოქმედდეს გამოქვეყნებისთანავე.
|
|
📎 დანართები (1)
67 danarti.doc ⬇
დანართი
პლანშეტი №43
„თ“ კლასი
„თ“ კლასი (საგაზაფხულო-საშემოდგომო) – ხაკისფერი ქურთუკი, ხაკისფერი შარვალი, ხაკისფერი კეპი, თეთრი გრძელსახელოებიანი მაისური, თეთრი მოკლესახელოებიანი მაისური, ხაკისფერი საშუალოყელიანი ფეხსაცმელი, შესაბამისი ატრიბუტიკა.
„თ“ კლასი (საზაფხულო) – ხაკისფერი მოკლესახელოებიანი მაისური (პოლო), ხაკისფერი შარვალი, ხაკისფერი კეპი, მფრინავის საზაფხულო ხელთათმანი, მფრინავის მზის სათვალე, ხაკისფერი დაბალყელიანი საზაფხულო ფეხსაცმელი, შესაბამისი ატრიბუტიკა.
„თ“ კლასი (ზამთრის) – მუქი ლურჯი დათბილული ქურთუკი, ლურჯი საწვიმარი და მუქი ლურჯი შარვალი, პოლარტეკის ტიპის თბილი მუქი ლურჯი სვიტერი, ზამთრის შავი ნაქსოვი ქუდი, საცვალი ზამთრის, მფრინავის ზამთრის ხელთათმანი, შავი დათბილული მაღალყელიანი ფეხსაცმელი, შესაბამისი ატრიბუტიკა.
პლანშეტი №44
„ი“ კლასი
„ი“კლასი (საგაზაფხულო-საშემოდგომო) – მუქი ლურჯი ქურთუკი, მუქი ლურჯი შარვალი, მუქი ლურჯი კეპი, შავი გრძელსახელოებიანი მაისური, შავი მოკლესახელოებიანი მაისური, შავი საშუალოყელიანი ფეხსაცმელი, შესაბამისი ატრიბუტიკა.
„ი“კლასი (საზაფხულო) – მუქი ლურჯი შარვალი, მუქი ლურჯი მოკლესახელოებიანი მაისური (პოლო), მუქი ლურჯი კეპი, შავი დაბალყელიანი საზაფხულო ფეხსაცმელი, შესაბამისი ატრიბუტიკა.
„ი“კლასი (ზამთრის) – მუქი ლურჯი საწვიმარი, მუქი ლურჯი დათბილული ქურთუკი, მუქი ლურჯი თბილი შარვალი, პოლარტეკის ტიპის თბილი შავი სვიტერი, ზამთრის შავი ნაქსოვი ქუდი, საცვალი ზამთრის, ხელთათმანი ზამთრის, შავი დათბილული მაღალყელიანი ფეხსაცმელი, შესაბამისი ატრიბუტიკა.
„ი“კლასი – მანათობელი (ამრეკლი) ჟილეტი.
