„საქართველოს სასჯელაღსრულებისა და პრობაციის სამინისტროში სამსახურის გავლის წესის დამტკიცების შესახებ“ საქართველოს სასჯელაღსრულებისა და პრობაციის მინისტრის 2017 წლის 3 ივლისის №52 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს სასჯელაღსრულებისა და პრობაციის მინისტრის ბრძანება №114 |
|
2018 წლის 6 ივლისი ქ. თბილისი |
1. მე-14 მუხლის მე-2 პუნქტი ჩამოყალიბდეს შემდეგი რედაქციით:
„2. ამ მუხლის პირველი პუნქტით გათვალისწინებული დოკუმენტების წარუდგენლობა შეიძლება გახდეს პირის სამსახურში მიღებაზე უარის საფუძველი. ამასთან, სამსახურში მიღების მსურველ პირს შეიძლება მოეთხოვოს ჯანმრთელობის შესახებ ცნობის წარდგენა სამინისტროს მიერ წინასწარ განსაზღვრულ შესაბამის სამედიცინო დაწესებულებიდან, ასევე, საქართველოს განათლებისა და მეცნიერების სამინისტროს სსიპ – განათლების ხარისხის განვითარების ეროვნული ცენტრის მიერ დადასტურებული ან აღიარებული დიპლომის წარმოდგენა.“.
2. 21-ე მუხლის:
ა) პირველი პუნქტი ჩამოყალიბდეს შემდეგი რედაქციით:
„1. წინასწარ ცნობილი მიზეზით სამსახურში გამოუცხადებლობის, დაგვიანების ან სამსახურიდან გასვლის შემთხვევაში, სამინისტროს მოსამსახურე თავისუფლდება სტრუქტურული ქვედანაყოფის/ტერიტორიული ორგანოს/ დაწესებულების დირექტორის/ დაწესებულების დირექტორის მოადგილის, ხოლო პენიტენციური დეპარტამენტის მოსამსახურის შემთხვევაში სტრუქტურული ერთეულის ხელმძღვანელის თანხმობის საფუძველზე, რაც ფიქსირდება სპეციალურ ელექტრონულ პროგრამაში, ასეთის არსებობის შემთხვევაში. ამ პუნქტით გათვალისწინებულ შემთხვევაში, სავალდებულოა სამინისტროს მოსამსახურის მიერ უშუალო ხელმძღვანელის ინფორმირება.“;
ბ) მე-5 პუნქტი ჩამოყალიბდეს შემდეგი რედაქციით:
„5. არასაპატიო მიზეზით სამსახურში დაგვიანებისას ან/და არგამოცხადებისას, სამინისტროს მოსამსახურისათვის შესაძლებელია დისციპლინური პასუხისმგებლობის დაკისრება.“.
3. 55-ე მუხლს მე-3 პუნქტის შემდეგ დაემატოს შემდეგი შინაარსის 31 პუნქტი:
„31. საიდუმლო დოკუმენტაციაზე პასუხისმგებელი სამინისტროს მოსამსახურე სამსახურიდან გათავისუფლების, თანამდებობრივი გადაყვანის ან/და სამინისტროში რეორგანიზაციის შემთხვევაში ვალდებულია მასზე რიცხული საიდუმლო დოკუმენტები მიღება-ჩაბარების აქტით გადასცეს მის უშუალო ხელმძღვანელს, ხოლო აღნიშნული აქტი წარუდგინოს სამინისტროს ადმინისტრაციული დეპარტამენტის საიდუმლო საქმისწარმოების სამმართველოში.“.
|