მუხლი 3. კონტროლი ინსტრუქციით დადგენილი წესების შესრულებაზე

1. კონტროლს ინსტრუქციით დადგენილი პროცედურების შესრულებაზე ახორციელებს ზუგდიდის მუნიციპალიტეტის  ადგილობრივი თვითმმართველობის ორგანოები: საკრებულოში – საკრებულოს საქმისწარმოების საკითხთა განყოფილება, მერიაში – ადმინისტრაციული სამსახური (ტექსტში შემდგომ –  შესაბამისი სამსახურები).

2. საქმისწარმოების და ინსტრუქციით დადგენილი პროცედურების დაცვისთვის პასუხისმგებლობა ეკისრება მუნიციპალიტეტის შესაბამის სამსახურებს, რომლის მოვალეობაში შედის:

ა) შემოსული და ადგილზე შექმნილი დოკუმენტების აღრიცხვა;

ბ) დოკუმენტების გადაცემა ქვედანაყოფის უფროსისა და შემსრულებლისთვის;

გ) დოკუმენტების  შესრულების  კონტროლი  და შესრულების  მიმდინარეობის  შესახებ ინფორმაციის მომზადება;

დ) გასული დოკუმენტების გაგზავნა;

ე) საქმეთა მომზადება არქივისთვის ჩასაბარებლად;

ვ) საქმეთა ნომენკლატურის შედგენა;

ზ) თვითმმართველობის მოხელეთათვის საქმისწარმოების წესის გაცნობა. დოკუმენტების შედგენა და გაფორმება.