საჯარო სამართლის იურიდიული პირის – ქ. ქუთაისის სამუსიკო კოლეჯის ლიკვიდაციის შესახებ

1. ლიკვიდირებულ იქნეს საჯარო სამართლის იურიდიული პირი – ქ. ქუთაისის სამუსიკო კოლეჯი.

2. საჯარო სამართლის იურიდიული პირის – ქ. ქუთაისის სამუსიკო კოლეჯის უფლებამონაცვლედ განისაზღვროს საჯარო სამართლის იურიდიული პირი – აკაკი წერეთლის სახელმწიფო უნივერსიტეტი.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ უზრუნველყოს საჯარო სამართლის იურიდიული პირის – ქ. ქუთაისის სამუსიკო კოლეჯის ლიკვიდაციის შედეგად დარჩენილი უძრავი ქონების საჯარო სამართლის იურიდიული პირისათვის – აკაკი წერეთლის სახელმწიფო უნივერსიტეტისათვის გადაცემა, საქართველოს კანონმდებლობით დადგენილი წესის შესაბამისად.

4. საჯარო სამართლის იურიდიული პირის – ქ. ქუთაისის სამუსიკო კოლეჯის ლიკვიდატორად განისაზღვროს საქართველოს განათლების, მეცნიერების, კულტურისა და სპორტის სამინისტრო.

5. საჯარო სამართლის იურიდიული პირის – ქ. ქუთაისის სამუსიკო კოლეჯის ლიკვიდაციასთან დაკავშირებული ღონისძიებები დასრულდეს 2020 წლის 1 ივნისამდე.

6. საქართველოს განათლების, მეცნიერების, კულტურისა და სპორტის სამინისტრომ ამ დადგენილების ამოქმედებიდან 1 თვის ვადაში უზრუნველყოს „საჯარო სამართლის იურიდიული პირის – ქ. ქუთაისის სამუსიკო კოლეჯის წესდების დამტკიცების შესახებ“ საქართველოს კულტურისა და ძეგლთა დაცვის მინისტრის 2014 წლის 19 ივნისის №05/88 ბრძანების საქართველოს კანონმდებლობით დადგენილი წესით ძალადაკარგულად გამოცხადება.