1. კომუნალური მიწისზედა ტრანსპორტის საგანგებო სიტუაციებში მუშაობის ორგანიზება ევალებათ ადგილობრივი თვითმმართველობის (მმართველობის) შესაბამის ორგანოებს, რომლებსაც გააჩნიათ სათანადო უფლება-მოვალეობანი სამოქალაქო თავდაცვის, საგანგებო სიტუაციების და სტიქიური უბედურებების შედეგების აღმოფხვრის საქმეში. ეს ორგანოები წინასწარ შეიმუშავებენ და აცნობენ გადამზიდავს საგანგებო სიტუაციებში მოქმედების გეგმას და შესაბამის ინსტრუქციებს, აგრეთვე ქმნიან რესურსთა აუცილებელ ავარიულ მარაგებს.
2. კომუნალური მიწისზედა ტრანსპორტით გადამზიდავი, საგანგებო სიტუაციების წარმოქმნის შემთხვევაში, ვალდებულია დაუყოვნებლივ შეასრულოს იმ ორგანოთა მითითებები, რომლებიც კანონის შესაბამისად ახორციელებენ ტრანსპორტის საქმიანობის ორგანიზებას. დაუშვებელია გადამზიდავის მხრივ მოვალეობათა თვითნებური უარყოფა. გადამზიდავი ვალდებულია გამოიყენოს მის ხელთ არსებული ყველა რესურსი და საშუალება მასზე დაკისრებული სამუშაოების შესასრულებლად.
3. საგანგებო სიტუაციებში შესრულებულ სამუშაოთა ღირებულება გადამზიდავს უნაზღაურდება კანონის შესაბამისად