„ბაღდათის მუნიციპალიტეტის სოციალური და ჯანმრთელობის დაცვის სამსახურის 2022 წლის პროგრამა და სოციალური დახმარების გაცემის წესის დამტკიცების შესახებ“ ბაღდათის მუნიციპალიტეტის საკრებულოს 2021 წლის 27 დეკემბრის №22 დადგენილებაში ცვლილების შეტანის თაობაზე

1. პირველი მუხლის, (სოციალურად შეჭირვებულ მოქალაქეთა სამედიცინო დახმარება (საოპერაციო, სამკურნალო და გამოკვლევების ხარჯების თანადაფინანსება, პ/კ 06 02 01)) „1.ა“ ქვეპუნქტი ჩამოყალიბდეს შემდეგი რედაქციით:

„ა) ბაღდათის მუნიციპალიტეტში რეგისტრირებული და ამავდროულად ფაქტობრივად მცხოვრები მოქალაქეები, რომელთაც სოციალური მომსახურების სააგენტოს მიერ მინიჭებული აქვთ უმწეობის სტატუსის განმსაზღვრელი 65 000-მდე სარეიტინგო ქულა ან წარმოადგენენ (საცხოვრებელი ადგილის შესაბამისად) მერის წარმომადგენლის მიერ გაცემულ შუამდგომლობას რომელშიც დადასტურებული იქნება მოქალაქის დახმარების საჭიროება“.“

2.  მე-4 მუხლის (უფასო სასადილოს დაფინანსება, პ/კ 06 02 04) პირველი პუნქტი ჩამოყალიბდეს შემდეგი რედაქციით:

„1. პროგრამის ფარგლებში, ყოველდღიური უფასო ერთჯერადი კვებით ისარგებლებენ ბაღდათის მუნიციპალიტეტში რეგისტრირებული უმწეო და სოციალურად შეჭირვებული მოქალაქეები (არაუმეტეს 60 ბენეფიციარისა)“.“

3. მე-14 მუხლის (მარტოხელა მშობლის ფინანსური დახმარება პ/კ 06 02 14) პირველი მუხლი ჩამოყალიბდეს შემდეგი რედაქციით:

„1. პროგრამით ისარგებლებენ ბაღდათის მუნიციპალიტეტში რეგისტრირებული მარტოხელა მშობლები, ერთჯერადად 300 ლარის ოდენობით“.“

4. მე-15 მუხლის (მრავალშვილიანი ოჯახების ფინანსური დახმარება პ/კ 06 02 15) პირველი პუნქტი ჩამოყალიბდეს შემდეგი რედაქციით:

„1. პროგრამით ისარგებლებენ ბაღდათის მუნიციპალიტეტში რეგისტრირებული მრავალშვილიანი ოჯახები (4 და მეტი 18 წლამდე ასაკის ბავშვი), ერთჯერადი ფინანსური დახმარების სახით, თითოეულ ბავშვზე 50 ლარის ოდენობით“.“

5.  მე-17 მუხლის ( მედიკამენტების დაფინანსება, პ/კ 06 02 17):

ა) პირველი პუნქტი ჩამოყალიბდეს შემდეგი რედაქციით:

„1. სამკურნალო მედიკამენტების დაფინანსებით ისარგებლებენ ბაღდათის მუნიციპალიტეტში რეგისტრირებული და ამავდრულად ფაქტობრივად მცხოვრები ეკონომიურად შეჭირვებული შემდეგი დაავადების მქონე მოქალაქეები:

ა) ონკოლოგიური და ონკო-ჰემატოლოგიური;

ბ) თირკმლის უკმარისობა;

გ) ინსულტის შემდგომი პერიოდი;

დ) შაქრიანი დიაბეტი;

ე) პარკინსონის დაავადება;

ვ) ეპილეფსია;

ზ) ბრონქული ასთმა, ქრონიკული ობსტრუქციული ბრონქიტი;

თ) მიასთენია;

ი) ფენილკეტონურია და ცელიაკია (სამკურნალო კვების თანხა);

კ) ცერებრალური დამბლა;

ლ) ფსორიაზი;

მ) გულსისხლძარღვთა დაავადებები;

ნ) პნევმონია;

ო) წითელი მგლურა;

პ) გლაუკომა, კატარაქტა;

ჟ) ტრავმის შედეგად მიყენებული ზიანის შემდგომი მკურნალობა;

რ) ოჯახური ხმელთაშუა ზღვის ცხელება;

ს) წითელი ქარი;

ტ) სეფსისი, პერიტონიტი;

უ) ანემია;

ფ) ფარისებრი ჯირკვლის დაავადება;

ქ) გაფანტული სკლეროზი;

ღ) კოვიდის შემდგომი გართულება;

ყ) ღვიძლის დაავადება (ციროზი);

შ) პრადერ-ვილის სინდრომი;

ჩ) სოციალურად დაუცველი 18 წლამდე ასაკის ბავშვები მედიკამენტების დაფინანსებით  ისარგებლებენ მიუხედავად მათი დიაგნოზისა“.

ბ) მე-3 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ონკოლოგიური სენით, ფენილკეტონურიითა და ცელიაკიით დაავადებული პაციენტები თავისუფლდებიან ამ მუხლის მე-3 პუნქტის „დ“ ქვეპუნქტით გათვალისწინებული დოკუმენტაციის წარმოდგენის ვალდებულებისაგან“.“