„ქართული ღვინის პოპულარიზაციის ხელშეწყობის სახელმწიფო პროგრამის დამტკიცების შესახებ“ საქართველოს მთავრობის 2021 წლის 7 სექტემბრის №453 დადგენილებაში ცვლილების შეტანის თაობაზე

1. მე-3 მუხლს  დაემატოს შემდეგი შინაარსის „ი“ ქვეპუნქტი:

„ი) სუამის ქვეყნები – დემოკრატიისა და ეკონომიკური განვითარების ორგანიზაციაში შემავალი ქვეყნები: საქართველო, უკრაინა, აზერბაიჯანი, მოლდოვა.“.

2. მე-4 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. პროგრამის ფარგლებში ბენეფიციარებს აუნაზღაურდებათ მარკეტინგული ხარჯები (გარდა საქართველოს, სუამისა და დსთ-ის ქვეყნებში გაწეული მარკეტინგული ხარჯებისა), შემდეგი პირობების დაკმაყოფილების შემთხვევაში:

ა) ბენეფიციარი მოახდენს მეტი (ლიტრი) ღვინის ექსპორტს მიმდინარე კალენდარულ წელს, ვიდრე ექსპორტირებული აქვს წინა კალენდარულ წელს;

ბ) ბენეფიციარი მიმდინარე საანგარიშო პერიოდში უზრუნველყოფს მეტი მარკეტინგული ხარჯის გაწევას, ვიდრე გასწია წინა საანგარიშო პერიოდში.“;

ბ) მე-3 პუნქტის  შემდეგ დაემატოს შემდეგი შინაარსის „3¹“ პუნქტი:

„3¹. თითოეულ ბენეფიციარზე, მცირე ზომის მარნის შემთხვევაში,  კალენდარული წლის მანძილზე ამ პროგრამის  5¹ მუხლის „ბ“ ქვეპუნქტის შესაბამისად წარმოსადგენი დოკუმენტის მისაღებად გაწეული ხარჯი ანაზღაურდება არაუმეტეს 300 (სამასი) ლარის ოდენობით.“;

გ) მე-4 პუნქტი ჩამოყალიბდეს შემდეგი რედაქციით:

„4. პროგრამის ფარგლებში არ დაიანგარიშება საქართველოში რეალიზებული და სუამისა და დსთ-ის ქვეყნებში ექსპორტირებული (ლიტრი) ღვინის მოცულობა და გაწეული მარკეტინგული ხარჯები.“.

3. ამოღებულ იქნეს მე-5 მუხლის „ე“ და „ვ“ ქვეპუნქტები.

4. მე-5 მუხლის შემდეგ დაემატოს შემდეგი შინაარსის 5¹  მუხლი:

„მუხლი 5¹.  ბენეფიციარის მიერ ანაზღაურებისათვის წარმოსადგენი დოკუმენტაცია

სააგენტოსა და ბენეფიციარს შორის ანაზღაურების ხელშეკრულების გაფორმების შემდგომ თანხის ასანაზღაურებლად ბენეფიციარმა სააგენტოში უნდა წარადგინოს შემდეგი დოკუმენტაცია:

ა) ცნობა სსიპ – შემოსავლების სამსახურიდან შესაბამისი კალენდარული წლების განმავლობაში ექსპორტირებული ღვინის (ლიტრი) მოცულობის შესახებ;

ბ) საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ აუდიტორების/აუდიტორული ფირმების სახელმწიფო რეესტრში რეგისტრირებული პირის მიერ გაცემული ანგარიში შესაბამის საანგარიშო პერიოდებში გაწეული მარკეტინგული ხარჯების ოდენობების შესახებ, რომელიც მომზადებულია სამსახურის მიერ სამოქმედოდ შემოღებული საერთაშორისო სტანდარტების შესაბამისად;

გ) მცირე ზომის მარნის შემთხვევაში, ამ მუხლის „ბ“ ქვეპუნქტით გათვალისწინებული დოკუმენტის მისაღებად გაწეული ხარჯის დამადასტურებელი დოკუმენტი.“.