„საქართველოს შინაგან საქმეთა სამინისტროს ადამიანური რესურსების მართვის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2019 წლის 4 იანვრის №1 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2022 წლის 8 აპრილი

ქ. თბილისი

„მუხლი 7

1. ადამიანური რესურსების მართვის განვითარებისა და კოორდინაციის სამმართველოს შემადგენლობაშია:

ა) პროექტების მართვისა და მონიტორინგის განყოფილება;

ბ) სპეციალური კონკურსების ორგანიზებისა და სტატისტიკის განყოფილება.

2. ადამიანური რესურსების მართვის განვითარებისა და კოორდინაციის სამმართველო კომპეტენციის ფარგლებში:

ა) ადამიანური რესურსების მართვის განვითარების მიზნით, უზრუნველყოფს სამინისტროს სისტემაში მოკლე, საშუალო და გრძელვადიანი სტრატეგიის შემუშავებას და განსაზღვრავს ერთიან პოლიტიკას;

ბ) ახორციელებს სამინისტროს სისტემაში ადამიანური რესურსების მართვის რეგულარულ და სტრატეგიულ ანალიზს;

გ) სამინისტროში ადამიანური რესურსების მართვის ხელშეწყობის მიზნით, შეისწავლის საუკეთესო პრაქტიკას, ამზადებს შესაბამის ინიციატივებსა და წინადადებებს;

დ) აწარმოებს აღწერით სტატისტიკას და ამზადებს პრეზენტაციებს;

ე) უზრუნველყოფს კვალიფიციური ადამიანური რესურსების მოზიდვას, ასევე, სამინისტროს სტრუქტურულ ქვედანაყოფებსა და ტერიტორიულ ორგანოებში არსებულ ვაკანტურ თანამდებობებზე, კანონმდებლობით დადგენილ შემთხვევაში, სპეციალური კონკურსის გამოცხადებას, აპლიკაციების გადარჩევას, ტესტირებაზე წარდგენას, გასაუბრების ორგანიზებას, კომისიის გადაწყვეტილებებისა და ოქმების მომზადებას;

ვ) ამზადებს სამინისტროს საშტატო ნუსხით დადგენილი თანამდებობებისთვის სამუშაო აღწერილობებს;

ზ) უზრუნველყოფს სამინისტროს მოსამსახურეთა პროფესიული/კარიერული განვითარებისა და სამინისტროს მოსამსახურეთათვის სამოტივაციო სისტემების შემუშავებას, განახლებასა და იმპლემენტაციას;

თ) ახორციელებს კოორდინაციას და, საჭიროების შემთხვევაში, მონიტორინგს უწევს სამინისტროს მმართველობის სფეროში შემავალი სახელმწიფო საქვეუწყებო დაწესებულებებისა და სამინისტროს მმართველობის სფეროში მოქმედი საჯარო სამართლის იურიდიული პირების ადამიანური რესურსების მართვის სტრუქტურული ერთეულების საქმიანობას;

ი) მინისტრის ან კურატორი მინისტრის მოადგილის (არსებობის შემთხვევაში) ბრძანების, ხოლო ცალკეულ შემთხვევებში, დეპარტამენტის დირექტორის თანხმობის საფუძველზე, ამოწმებს სამინისტროს დანაყოფების საკადრო საქმიანობას და ამზადებს დასკვნებს სამსახურებრივი შემოწმების შედეგად გამოვლენილ დარღვევებზე, მათი შემდგომი აღმოფხვრის მიზნით;

კ) ახორციელებს სამინისტროდან დათხოვნილ მოსამსახურეთა წელთა ნამსახურობის ვადის გაანგარიშებას და სახელმწიფო კომპენსაციის დანიშვნის მიზნით, ამზადებს ანგარიშებს/დასკვნებს;

ლ) შესაბამისი რეაგირების მიზნით, განიხილავს სამინისტროს მოსამსახურეთა განცხადებებს/პატაკებს, სხვადასხვა დაწესებულებებისა და ორგანიზაციების, აგრეთვე, მოქალაქეების განცხადებებსა და წერილებს;

მ) ასრულებს საქართველოს კანონმდებლობით განსაზღვრულ სხვა ფუნქციებს, აგრეთვე, დეპარტამენტის დირექტორის/დირექტორის მოადგილის მიერ საქართველოს კანონმდებლობის საფუძველზე დაკისრებულ დავალებებს.“.