რეგისტრირებული კოოპერატივის საკრედიტო კავშირის ,,საწმისის“ (საიდენტიფიკაციო ნომერი: 200169236) გადახდისუუნაროდ გამოცხადებისა და გაკოტრების საქმის წარმოების გახსნის თაობაზე

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის, ამავე კანონის 49-ე მუხლის მე-5 პუნქტის, „არასაბანკო სადეპოზიტო დაწესებულებების – საკრედიტო კავშირების შესახებ“ საქართველოს კანონის 26-ე მუხლის მე-3 პუნქტის, „არასაბანკო სადეპოზიტო დაწესებულებების – საკრედიტო კავშირების გადახდისუუნაროდ და გაკოტრებულად გამოცხადების წესის დამტკიცების თაობაზე“ საქართველოს ეროვნული ბანკის პრეზიდენტის 2002 წლის 16 ოქტომბრის N266 ბრძანებით დამტკიცებული წესის მე-8 მუხლის პირველი პუნქტის ,,ა’’ ქვეპუნქტის, ამავე მუხლის მე-2 და მე-3 პუნქტების, ამავე წესის მე-9 მუხლის და ,,საქართველოს ეროვნული ბანკის პრეზიდენტს, ვიცე- პრეზიდენტებსა და აღმასრულებელ დირექტორს შორის ფუნქციების განაწილების შესახებ’’ საქართველოს ეროვნული ბანკის პრეზიდენტის 2019 წლის 28 იანვრის №13/04 ბრძანების საფუძველზე:

 1. რეგისტრირებული კოოპერატივი საკრედიტო კავშირი ,,საწმისი“ (საიდენტიფიკაციო ნომერი: 200169236, იურიდიული მისამართი: თბილისი, გლდანი-ნაძალადევის რაიონი, მუხიანი, IVბ მ/რ, კორ. №31, ბ. 65) გამოცხადდეს გადახდისუუნაროდ და გაიხსნას გაკოტრების საქმის წარმოება ამ განკარგულების ამოქმედებისთანავე.

 2. რეგისტრირებული კოოპერატივის საკრედიტო კავშირი ,,საწმისს“ (საიდენტიფიკაციო ნომერი: 200169236) ეკრძალება თავისი ქონების მართვა და განკარგვა.

 3. რეგისტრირებული კოოპერატივის საკრედიტო კავშირი ,,საწმისის“ (საიდენტიფიკაციო ნომერი: 200169236) კრედიტორები ვალდებულნი არიან ამ განკარგულების გამოქვეყნებიდან 10 დღის ვადაში წარუდგინონ ლიკვიდატორს თავიანთი მოთხოვნები შესაბამისი ვალუტით თანხისა და ვალის საფუძვლის ჩვენებით. აღნიშნული პუნქტით გათვალისწინებული მოთხოვნების დადგენილ ვადაში წარუდგენლობის შემთხვევაში განაწილება მოხდება მათი მოთხოვნების გაუთვალისწინებლად.

4. ყველა იმ პირმა, რომელიც ფლობს რეგისტრირებული კოოპერატივის საკრედიტო კავშირი ,,საწმისის“ (საიდენტიფიკაციო ნომერი: 200169236) ქონების მიკუთვნებულ რაიმე ნივთს ან ვალდებულია მის მიმართ რაიმეს შესრულებისათვის, უნდა უზრუნველყოს ამ ნივთის დაბრუნება ან ვალდებულების შესრულება უშუალოდ არასაბანკო სადეპოზიტო დაწესებულებისათვის.

5. რეგისტრირებული კოოპერატივის საკრედიტო კავშირი ,,საწმისის“ ლიკვიდატორად დანიშნულია ნუგზარი მურუსიძე (პირადი ნომერი: 60002004766).

6. დაევალოს ლიკვიდატორს ნუგზარი მურუსიძეს (პირადი ნომერი: 60002004766) რეგისტრირებული კოოპერატივის საკრედიტო კავშირი ,,საწმისის“ (საიდენტიფიკაციო ნომერი: 200169236) კრედიტორთა პირველი საერთო კრება მოიწვიოს 2022 წლის 5 ივლისს;