სსიპ - სამოქალაქო ავიაციის სააგენტოს დირექტორის 2017 წლის 22 თებერვლის №22 ბრძანებით დამტკიცებულ „ფრენის პროცედურების დიზაინის წესში“ ცვლილების შეტანის თაობაზე

სსიპ – სამოქალაქო ავიაციის სააგენტოს დირექტორის

2022 წლის 13 სექტემბერი

ქ. თბილისი

1. მე-8 მუხლი ჩამოყალიბდეს შემდეგი რედაქციით:

„მუხლი 8. ფრენის პროცედურის შექმნის პროცესი

ამ წესის მე-7 მუხლში განსაზღვრული ინფორმაციის გათვალისწინებით, სამსახური უზრუნველყოფს:

ა) ფრენის პროცედურის კონცეპტუალური დიზაინის შექმნას;

ბ) ფრენის პროცედურის კონცეპტუალური დიზაინის განხილვას და შეთანხმებას ყველა დაინტერესებულ მხარესთან;

გ) ფრენის პროცედურის პროექტის შექმნას, დაინტერესებულ მხარესთან განხილვის დასრულების შემდეგ;

დ) ფრენის პროცედურის პროექტის უსაფრთხოების შეფასებას;

ე) ფრენის პროცედურის პროექტის ვალიდაციას;

ვ) ფრენის პროცედურის პროექტის ვერიფიკაციას დამოუკიდებელი დიზაინერის მიერ, რომელიც არ იღებდა მონაწილეობას აღნიშნული პროცედურის შექმნაში ან განახლებაში;

ზ) არსებული ფრენის პროცედურების, სულ მცირე, 5 წელიწადში ერთხელ გადახედვას და საჭიროებისამებრ, მის განახლებას, ამ წესით დადგენილი მოთხოვნების დაცვით“.

2. მე-9 მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) რუკას, რომელიც ასახავს:

ა.ა) სანავიგაციო საშუალებებს;

ა.ბ) რელიეფის შემაღლებას და დაბრკოლებებს, მათ შორის კრიტიკული დაბრკოლების ჩვენებით“.

3. მე-12 მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ფრენის პროცედურის უსაფრთხოების შეფასების ანგარიში“.