1. მოხელეთა რეზერვში ჩარიცხვას ექვემდებარება:
ა) მოხელე, რომელიც სამსახურიდან გათავისუფლდა საქსტანდარტის სისტემის დაწესებულების ლიკვიდაციის, შტატების შემცირების, ხანგრძლივი შრომისუუნარობის ან ჯანმრთელობის მდგომარეობის, სავალდებულო სამხედრო სამსახურში ან არასამხედრო ალტერნატიულ სამსახურში გაწვევის, აგრეთვე არაკანონიერად გათავისუფლებული მოხელის სამსახურში აღდგენის გამო;
ბ) საკონკურსო-საატესტაციო კომისიის მიერ ვაკანტურ თანამდებობაზე დასანიშნად წამოყენებული პირი, რომელიც მისგან დამოუკიდებელი მიზეზების გამო არ დაინიშნა თანამდებობაზე;
გ) პირი, რომელიც საკონკურსო-საატესტაციო კომისიის მიერ მოწონებული იქნა როგორც შესაბამისი აღნიშნული თანამდებობისათვის.
2. მოხელეთა რეზერვში არ ჩაირიცხება:
ა) მოხელე, რომელსაც სამსახურიდან გათავისუფლების შემდეგ უფლება აქვს, მაგრამ არ სურს ჩაირიცხოს რეზერვში;
ბ) მოხელე, რომელიც სამსახურიდან გათავისუფლდა სამსახურის გასვლის გამო და უკანასკნელი თანამდებობის დაკავებამდე მუშაობდა განუსაზღვრელი ვადით სახელმწიფო ან ადგილობრივი თვითმმართველობის დაწესებულებაში;
გ) მოხელე, რომელიც სამსახურიდან გათავისუფლდა დისციპლინური გადაცდომის გამო;
დ) პირი, რომელმაც წარმატებით ჩააბარა გამოცდა საკონკურსო-საატესტაციო კომისიას, მაგრამ არ სურს ჩაირიცხოს რეზერვში