1.  საჯარო კონკურსს მოხელის ვაკანტური თანამდებობის დასაკავებლად საქართველოს სტატისტიკის სახელმწიფო დეპარტამენტის თავმჯდომარის წინადადებით ოფიციალურ ბეჭდვით ორგანოში აცხადებს სახელმწიფო სამსახურის ბიუროს უფროსი.
2.  შეტყობინება კონკურსის შესახებ უნდა შეიცავდეს შემდეგ მონაცემებს:
ა)  საქართველოს სტატისტიკის სახელმწიფო დეპარტამენტის სტრუქტურული ქვედანაყოფისა და კონკურსის წესით დასაკავებელი თანამდებობის დასახელება;
ბ)  კანდიდატისათვის წაყენებული მოთხოვნები (კვალიფიკაცია, გამოცდილება, ასაკი);
გ)  თანამდებობრივი სარგოს ოდენობა;
დ)     განცხადებისა და სხვა აუცილებელი დოკუმენტების წარდგენის ვადა;
ე)  საკონკურსო-საატესტაციო კომისიის მისამართი.
3.  კონკურსში მონაწილე კანდიდატებს განცხადების შესატანად ეძლევათ ორკვირიანი ვადა შეტყობინების გამოქვეყნების დღიდან.
4.  საკონკურსო-საატესტაციო კომისიის სხდომა ტარდება არა უგვიანეს სამი კვირისა კონკურსის შესახებ შეტყობინების გამოქვეყნების დღიდან