„საგადახდო მომსახურების შესახებ ანგარიშგების ფორმებისა და მისი შევსების ინსტრუქციის დამტკიცების თაობაზე“ საქართველოს ეროვნული ბანკის პრეზიდენტის 2017 წლის 4 ივლისის №99/04 ბრძანებაში ცვლილების შეტანის შესახებ

საქართველოს ეროვნული ბანკის პრეზიდენტის

2023 წლის 25 იანვარი

ქ. თბილისი

1. ბრძანების დანართი №1-ით დამტკიცებული:

ა) „ფორმა 3. პროვაიდერებს შორის გადახდების“:

ა.ა) სტრიქონი 2 ჩამოყალიბდეს შემდეგი რედაქციით:

„გადამხდელის პროვაიდერის (ანგარიშმგები პროვაიდერის) მიერ შუამავალი ან/და მიმღების პროვაიდერისათვის გადარიცხული თანხები“;

ა.ბ)  სტრიქონი 3 ჩამოყალიბდეს შემდეგი რედაქციით:

„ანგარიშმგები პროვაიდერის მიერ სხვა პროვაიდერისაგან მიღებული ფულადი სახსრები, რომელიც ჩაერიცხა სხვა პროვაიდერს“;

ბ) „ფორმა 9. ინფორმაცია საგადახდო მომსახურებაში ჩართული სხვა პროვაიდერების შესახებ“ ფორმით გათვალისწინებული ცხრილი 9.1-ის სათაური ჩამოყალიბდეს შემდეგი რედაქციით:

„ცხრილი 9.1: ანგარიშმგები პროვაიდერის შუამავალი ან/და მიმღების პროვაიდერები“

2. ბრძანების დანართი №2-ით დამტკიცებული „საგადახდო მომსახურების შესახებ ანგარიშგების ფორმების შევსების ინსტრუქციის“:

ა) მე-3 მუხლს დაემატოს შემდეგი შინაარსის მე-5 პუნქტი:

„5. ყოველი თვის 5 და 15 რიცხვამდე წარსადგენი ანგარიშგების შევსებისას ახალი ვალუტის გამოყენების შემთხვევაში, პროვაიდერი ვალდებულია 5 კალენდარული დღით ადრე დაუკავშირდეს საქართველოს ეროვნული ბანკის საგადახდო სისტემების დეპარტამენტის, საგადახდო მომსახურების პროვაიდერების ზედამხედველობის განყოფილების პასუხისმგებელ ზედამხედველს და გამოაგზავნოს შეტყობინება ელექტრონულ ფოსტაზე psps@nbg.gov.ge“.

ბ) მე-6 მუხლის მე-3 პუნქტის:

ბ.ა)  „ა.ბ“ ქვეპუნქტი ჩამოყალიბდეს შემდეგი რედაქციით:

ა.ბ) სტრიქონი 1.2 „სხვა პროვაიდერისგან მიღებული ფულადი სახსრების ანგარიშმგები პროვაიდერის მიერ მიმღების საბანკო ანგარიშზე ჩარიცხვა“ – საანგარიშო პერიოდის განმავლობაში სხვა პროვაიდერისგან მიღებული მომხმარებლის ფულადი სახსრები, რომელიც პროვაიდერმა (როგორც შუამავალმა პროვაიდერმა) მიმღებს ჩაურიცხა მის საბანკო ანგარიშზე. ამ ქვესტრიქონის შესაბამისი რაოდენობის სვეტი არ ივსება;

ბ.ბ)  „ბ“ ქვეპუნქტი ჩამოყალიბდეს შემდეგი რედაქციით:

„ბ) სტრიქონი 2. „გადამხდელის პროვაიდერის (ანგარიშმგები პროვაიდერის) მიერ შუამავალი ან/და მიმღების პროვაიდერისათვის გადარიცხული თანხები“ – საანგარიშო პერიოდის განმავლობაში გადახდის ოპერაციების შესრულების მიზნით უშუალოდ გადამხდელისგან მიღებული ფულადი სახსრები, რომელიც პროვაიდერმა ჩაურიცხა მიმღების პროვაიდერს მიმღებისთვის გადაცემის ან შუამავალ პროვაიდერს  მიმღების პროვაიდერისთვის გადაცემის მიზნით;“.

ბ.გ)  „გ“ ქვეპუნქტი ჩამოყალიბდეს შემდეგი რედაქციით:

გ) სტრიქონი 3. „ანგარიშმგები პროვაიდერის მიერ სხვა პროვაიდერისაგან მიღებული  ფულადი სახსრები, რომელიც ჩაერიცხა სხვა პროვაიდერს“ – საანგარიშო პერიოდის განმავლობაში პროვაიდერის მიერ სხვა პროვაიდერისაგან მიღებული მომხმარებლის ფულადი სახსრები, რომელიც პროვაიდერმა ჩაურიცხა სხვა პროვაიდერს.“.

გ) მე-14 მუხლის:

გ.ა) პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ცხრილი 9.1 „ანგარიშმგები პროვაიდერის შუამავალი პროვაიდერები ან/და მიმღების პროვაიდერები“;

გ.ბ) მე-2 პუნქტი ჩამოყალიბდეს შემდეგი რედაქციით:

„2. ცხრილი 9.1 „ანგარიშმგები პროვაიდერის შუამავალი ან/და მიმღების პროვაიდერები“ – ინფორმაცია იმ შუამავალი ან/და მიმღების პროვაიდერების შესახებ, რომელთა მეშვეობითაც საანგარიშო პერიოდის განმავლობაში ანგარიშმგები პროვაიდერი ახორციელებს მიმღების პროვაიდერისთვის ან მიმღებისთვის თანხის გადაცემას.“;

გ.გ)  მე-3 პუნქტი ჩამოყალიბდეს შემდეგი რედაქციით:

„3. ცხრილი 9.1 -ის სვეტებს აქვთ შემდეგი შინაარსი:

ა) სვეტი 1 „პროვაიდერის დასახელება“ – შუამავალი ან მიმღების პროვაიდერის დასახელება, რომლის მეშვეობითაც ანგარიშმგები პროვაიდერი ახორციელებს მიმღების პროვაიდერისთვის ან მიმღებისთვის თანხის გადაცემას;

ბ) სვეტი 2 „სამართლებრივი ფორმა“ – შუამავალი ან მიმღების პროვაიდერის სამართლებრივი ფორმა;

გ) სვეტი 3 „გადასახადის გადამხდელის საიდენტიფიკაციო კოდი“ – შუამავალი ან მიმღების პროვაიდერის გადასახადის გადამხდელის საიდენტიფიკაციო კოდი;

დ) სვეტი 4 „პროვაიდერის ტიპი“ – შუამავალი ან მიმღების პროვაიდერის ტიპი (შუამავალი ბანკი, მიმღების ბანკი, შუამავალი პროვაიდერი, მიმღების პროვაიდერი, მიკროსაფინანსო ორგანიზაცია და სხვა პირი, რომელიც უფლებამოსილია განახორციელოს საგადახდო მომსახურება);

ე) სვეტი 5 „პროვაიდერის რეგისტრაციის ქვეყანა“ – ქვეყნის დასახელება, სადაც რეგისტრირებულია შუამავალი ან მიმღების პროვაიდერი;

ვ) სვეტი 6 „საზედამხედველო ორგანო“ – პირის დასახელება, რომელიც ზედამხედველობას უწევს შუამავალ ან მიმღების პროვაიდერს;

ზ) სვეტი 7 „პროვაიდერის მიერ განხორციელებული გადახდების თანხა“ – გადახდის ოპერაციების ჯამური თანხა, რომელიც ანგარიშმგები პროვაიდერის მიერ განხორციელდა შუამავალი ან მიმღების პროვაიდერის დახმარებით.“.

3. ბრძანების დანართი №3-ით დამტკიცებული „საგადახდო მომსახურების შესახებ ანგარიშგების ფორმების ეროვნულ ბანკში წარდგენის ვადა და მეთოდის“ მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველი პუნქტით განსაზღვრული ინფორმაცია პროვაიდერებმა ეროვნულ ბანკში უნდა წარადგინონ „NBFI დისტანციური ზედამხედველობის პორტალის გამოყენების წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 13 აპრილის №69/04 ბრძანებით განსაზღვრული წესით.“.