ზოგიერთი საარჩევნო ღონისძიების ახალი ვადის განსაზღვრის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 010.190.020.13.007.006.299
საქართველოს ცენტრალური საარჩევნო კომისიის
დადგენილება №2/2004
2004 წლის 12 იანვარი
ქ. თბილისი
ზოგიერთი საარჩევნო ღონისძიების ახალი ვადის განსაზღვრის თაობაზე
საქართველოს ორგანული კანონის „საქართველოს საარჩევნო კოდექსი” 25-ე მუხლის მე-2 პუნქტის, 29-ე მუხლის პირველი პუნქტის „გ” ქვეპუნქტისა და მე-3 პუნქტის, 86-ე მუხლის მე-52 პუნქტის საფუძველზე, ასევე, „ამომრჩეველთა სიის ფორმირების წესისა და “საქართველოს პრეზიდენტის 2004 წლის 4 იანვრის რიგგარეშე არჩევნების ზოგიერთი საარჩევნო ღონისძიების ჩატარების ახალი ვადების განსაზღრის თაობაზე” საქართველოს ცენტრალური საარჩევნო კომისიის მიერ 2003 წლის 7 დეკემბრის №51/2003 დადგენილებაში ცვლილებების შეტანის თაობაზე” საქართველოს ცენტრალური საარჩევნო კომისიის 2003 წლის 9 დეკემბრის №54/2003 და „2004 წლის 4 იანვრის არჩევნებზე კენჭისყრის დღეს ამომრჩეველთა რეგისტრაციის თაობაზე” საქართველოს ცენტრალური საარჩევნო კომისიის 2003 წლის 30 დეკემბრის №63/2003 დადგენილებებიდან გამომდინარე, საქართველოს ცენტრალური საარჩევნო კომისია ადგენს:
მუხლი 1. საოლქო საარჩევნო კომისიების მიერ საქართველოს ცენტრალური საარჩევნო კომისიისათვის ამომრჩეველთა სიების (ამომრჩეველთა ერთიანი სია – ფორმა №1-1.01.03), მათ შორის, 2004 წლის 4 იანვარს არჩევნების/კენჭისყრის დღეს ამომრჩეველთა რეგისტრაციის საფუძველზე შევსებული სიის (ამომრჩეველთა ერთიანი სია – ფორმა №1-1.01.03), ასევე, ამომრჩეველთა სპეციალური სიის (ფორმა №1-1.02.03), ამომრჩეველთა სიის დანართისა (გადასატანი საარჩევნო ყუთის სია – ფორმა №1-1.03.03) და მოქალაქეთა საარჩევნო რეგისტრაციის განაცხადის შევსებული ფორმების (ფორმა №5-1.09.01) შეკრული და აკინძული პაკეტების, ამასთან, სოფელში, თემსა და დაბაში მცხოვრები ამომრჩევლების ამომრჩევლის მოწმობების (ფორმა №5-2.02.01) დალუქული პაკეტების გადმოცემის ახალ ვადად განისაზღვროს, არა უგვიანეს 2004 წლის 16 იანვრის 18 საათისა.
მუხლი 2. ეს დადგენილება შეიძლება გასაჩივრდეს თბილისის საოლქო სასამართლოში (მისამართი: ქ. თბილისი, გრ. რობაქიძის გამზ. №7ა) მისი მიღებიდან 3 კალენდარული დღის ვადაში.
მუხლი 3. ეს დადგენილება ძალაში შედის გამოქვეყნებისთანავე.
კომისიის თავმჯდომარე ზურაბ ჭიაბერაშვილი
კომისიის მდივანი დიმიტრი ქიტოშვილი
ხშირად დასმული კითხვები
- მოქმედებს თუ არა „ზოგიერთი საარჩევნო ღონისძიების ახალი ვადის განსაზღვრის თაობაზე“?
- დიახ, ცენტრალური საარჩევნო კომისიის დადგენილება „ზოგიერთი საარჩევნო ღონისძიების ახალი ვადის განსაზღვრის თაობაზე“ ამჟამად ძალაშია. ბოლო კონსოლიდირებული რედაქცია — 12.01.2004.
- როდის იქნა მიღებული „ზოგიერთი საარჩევნო ღონისძიების ახალი ვადის განსაზღვრის თაობაზე“?
- „ზოგიერთი საარჩევნო ღონისძიების ახალი ვადის განსაზღვრის თაობაზე“ მიღებულია 12.01.2004. მიმღები ორგანო — საქართველოს ცენტრალური საარჩევნო კომისია. დოკუმენტის ნომერი — №2/2004. სარეგისტრაციო კოდი — 010.190.020.13.007.006.299.
- რამდენი მუხლისგან შედგება „ზოგიერთი საარჩევნო ღონისძიების ახალი ვადის განსაზღვრის თაობაზე“?
- დოკუმენტი შედგება 3 მუხლისგან. თითოეული მუხლი ხელმისაწვდომია ცალკე ბმულით.
- სად არის „ზოგიერთი საარჩევნო ღონისძიების ახალი ვადის განსაზღვრის თაობაზე“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 12.01.2004 მდგომარეობით.
როგორ დავიმოწმოთ
ცენტრალური საარჩევნო კომისიის დადგენილება „ზოგიერთი საარჩევნო ღონისძიების ახალი ვადის განსაზღვრის თაობაზე“, №2/2004, 12.01.2004, სარეგისტრაციო კოდი 010.190.020.13.007.006.299 (კონსოლიდირებული რედაქცია 12.01.2004). ხელმისაწვდომია: https://legali.ge/law/57376/