„მშენებლობის საჯარო ზედამხედველობის ორგანოს მიერ მშენებლობის შეჩერების შესახებ ადმინისტრაციულ-სამართლებრივი აქტის შესრულების კონტროლის განხორციელების წესის დამტკიცების შესახებ“ ბორჯომის მუნიციპალიტეტის საკრებულოს 2023 წლის 24 მარტის N16 დადგენილებაში ცვლილების შეტანის შესახებ

1. პრეამბულა ჩამოყალიბდეს შემდეგი რედაქციით:

„საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის მე-2 პუნქტის,  „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ“ 2022 წლის 22 დეკემბრის №2484-Xრს-Xმპ საქართველოს კანონის მე-2 მუხლის, საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ 136-ე მუხლის მე-4 ნაწილის შესაბამისად, ბორჯომის მუნიციპალიტეტის საკრებულო ადგენს:“.

2. დადგენილების პირველი მუხლით დამტკიცებული დანართის (მშენებლობის საჯარო ზედამხედველობის ორგანოს მიერ მშენებლობის შეჩერების შესახებ ადმინისტრაციულ-სამართლებრივი აქტის შესრულების კონტროლის განხორციელების წესი)

ა) მე-2 მუხლის პირველი პუნქტი ჩამოყალიბდეს შემდეგი რედაქციით:          

„1. ბორჯომის მუნიციპალიტეტის მერიის ინფრასტრუქტურისა და ზედამხედველობის სამსახური, ასევე სსიპ – ბაკურიანის განვითარების სააგენტოს ზედამხედველობის სამსახური ვალდებულია მშენებლობის შეჩერების შესახებ ადმინისტრაციულ-სამართლებრივი აქტის სამშენებლო სამართალდამრღვევისათვის კანონით დადგენილი წესით გაცნობის შემდგომ, ამ ადმინისტრაციულ-სამართლებრივი აქტის შესრულების კონტროლის მიზნით არანაკლებ თვეში ერთხელ შეამოწმოს შესაბამისი მშენებლობა.“;

ბ)  მე-2 მუხლის მე-7 პუნქტი ჩამოყალიბდეს შემდეგი რედაქციით:

„7. მშენებლობის შეჩერების შესახებ ადმინისტრაციულ-სამართლებრივი აქტის შეუსრულებლობის შემთხვევაში, ბორჯომის მუნიციპალიტეტის მერიის ინფრასტრუქტურისა და  ზედამხედველობის სამსახური, სსიპ – ბაკურიანის განვითარების სააგენტოს ზედამხედველობის სამსახური იწყებს სამშენებლო სამართალდარღვევის საქმისწარმოებას მოქმედი კანონმდებლობის შესაბამისად და ამზადებს ადმინისტრაციულ-სამართლებრივი აქტის პროექტს მშენებლობის შეჩერების შესახებ ადმინისტრაციულ-სამართლებრივი აქტის შეუსრულებლობის შესახებ მერისთვის/სააგენტოს თავმჯდომარისთვის წარდგენის მიზნით. მშენებლობის შეჩერების შესახებ ადმინისტრაციულ-სამართლებრივი აქტის შეუსრულებლობის შესახებ ადმინისტრაციულ-სამართლებრივი აქტი აღსასრულებლად მიექცევა კანონმდებლობით დადგენილი წესით.“;

გ) მე-2 მუხლის მე-7 პუნქტის შემდეგ დაემატოს შემდეგი შინაარსის 7¹ პუნქტი:

„7¹. მშენებლობის შეჩერების შესახებ ბორჯომის მუნიციპალიტეტის მერის, სსიპ – ბაკურიანის განვითარების სააგენტოს ადმინისტრაციულ-სამართლებრივი აქტის შეუსრულებლობის გამო სახდელდადებული პირის მიერ ზემოაღნიშნული დადგენილების განმეორებით შეუსრულებლობის შემთხვევაში, ბორჯომის მუნიციპალიტეტის მერიის ინფრასტრუქტურისა და  ზედამხედველობის სამსახური, სსიპ – ბაკურიანის განვითარების სააგენტოს ზედამხედველობის სამსახური ადგენს ადგილზე დათვალიერების ოქმს და საქართველოს სისხლის სამართლის კოდექსის 360¹  მუხლის შესაბამისად სამშენებლო სამართალდარღვევის შესახებ ინფორმაციას უგზავნის საგამოძიებო ორგანოს.“.