ელექტროენერგიაზე შეღავათებით მოსარგებლე მოსახლეობის კატეგორიებს განესაზღვროს ფულადი კომპენსაცია შემდეგი ოდენობით:
ა) ომის ინვალიდებს – ყოველთვიურად 16 ლარის ოდენობით, ხოლო ამ კატეგორიის თბილისში მაცხოვრებლებს – 23 ლარის ოდენობით;
ბ) 70 წელს გადაცილებულ მეორე მსოფლიო ომის მონაწილეებს – ყოველთვიურად 16 ლარის ოდენობით, ხოლო ამ კატეგორიის თბილისში მაცხოვრებლებს – 23 ლარის ოდენობით;
გ) მეორე მსოფლიო ომში დაღუპულთა ქვრივებს – ყოველთვიურად 8 ლარის ოდენობით, ხოლო ამ კატეგორიის თბილისში მაცხოვრებლებს – 12 ლარის ოდენობით;
დ) ტერიტორიული მთლიანობისათვის და დამოუკიდებლობისათვის ომში დაღუპულთა შრომისუუნარო მშობლებს, მეუღლეს, შვილებს და 18 წლის ასაკამდე შვილებს (თითოეულ ოჯახს) – ყოველთვიურად 16 ლარის ოდენობით, ხოლო ამ კატეგორიის თბილისში მაცხოვრებლებს – 23 ლარის ოდენობით;
ე) ომის ვეტერანებთან გათანაბრებულ პირებს – ყოველთვიურად 8 ლარის ოდენობით, ხოლო ამ კატეგორიის თბილისში მაცხოვრებლებს – 12 ლარის ოდენობით;
ვ) ომის მონაწილეებს – ყოველთვიურად 8 ლარის ოდენობით, ხოლო ამ კატეგორიის თბილისში მაცხოვრებლებს – 12 ლარის ოდენობით;
ზ) სამხედრო ძალების ვეტერანებს – ყოველთვიურად 8 ლარის ოდენობით, ხოლო ამ კატეგორიის თბილისში მაცხოვრებლებს – 12 ლარის ოდენობით;
თ) ჩერნობილში ბირთვულ ობიექტებზე ავარიული სიტუაციების შედეგების ლიკვიდაციისას დაინვალიდებულ პირებს – ყოველთვიურად 2,5 ლარის ოდენობით, ხოლო თბილისში მაცხოვრებლებს – 3,5 ლარის ოდენობით;
ი) ჩერნობილში ბირთვულ ობიექტებზე ავარიული სიტუაციების შედეგების ლიკვიდაციის მონაწილეებს – ყოველთვიურად 2,5 ლარის ოდენობით, ხოლო ამ კატეგორიის თბილისში მაცხოვრებლებს – 3,5 ლარის ოდენობით;
კ) პოლიტიკური რეპრესიების მსხვერპლად აღიარებულ პირებსა და მათი ოჯახების შრომისუუნარო წევრებს – ყოველთვიურად 2,5 ლარის ოდენობით, ხოლო ამ კატეგორიის თბილისში მაცხოვრებლებს – 3,5 ლარის ოდენობით;
ლ) პერსონალურ პენსიონრებს – ყოველთვიურად 2,5 ლარის ოდენობით, ხოლო ამ კატეგორიის თბილისში მაცხოვრებლებს – 3,5 ლარის ოდენობით.
მ) მეორე მსოფლიო ომში დაღუპულთა პირების ბავშვობიდან შეზღუდული შესაძლებლობების მქონე შვილებს – ყოველთვიურად 8 ლარის ოდენობით, ხოლო ამ კატეგორიის თბილისში მაცხოვრებლებს – 12 ლარის ოდენობით;
ნ) ომის შემდგომ პერიოდში გარდაცვლილ ომის ინვალიდებისა და ომის მონაწილის კმაყოფაზე მყოფ შრომისუუნარო მშობლებს, მეუღლეს, შვილებს და 18 წლის ასაკამდე შვილებს (თითოეულ ოჯახს) – ყოველთვიურად 8 ლარის ოდენობით, ხოლო ამ კატეგორიის თბილისში მაცხოვრებლებს – 12 ლარის ოდენობით;
ო) ჩერნობილის ატომურ ელექტროსადგურზე ავარიის შედეგად მარჩენალის დაკარგვისათვის პენსიის მიმღებ ოჯახებს – ყოველთვიურად 2.5 ლარის ოდენობით, ხოლო ამ კატეგორიის თბილისში მაცხოვრებლებს – 3.5 ლარის ოდენობით