„საქართველოს სამოქალაქო აეროდრომებზე განათების უზრუნველყოფის წესის დამტკიცების შესახებ” სსიპ სამოქალაქო ავიაციის დირექტორის 2016 წლის N59 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
სამოქალაქო ავიაციის სააგენტოს დირექტორის ბრძანება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
სსიპ – სამოქალაქო ავიაციის სააგენტოს დირექტორის ბრძანება №278 |
|
2024 წლის 12 დეკემბერი ქ. თბილისი |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„საქართველოს სამოქალაქო აეროდრომებზე განათების უზრუნველყოფის წესის დამტკიცების შესახებ” სსიპ – სამოქალაქო ავიაციის დირექტორის 2016 წლის №59 ბრძანებით (საქართველოს საკანონმდებლო მაცნე, 10/05/2016, სარეგისტრაციო კოდი: 310050020.54.066.016097) დამტკიცებულ ,,საქართველოს სამოქალაქო აეროდრომებზე განათების უზრუნველყოფის წესში“ შეტანილ იქნეს შემდეგი ცვლილება:
1. მე-3 მუხლი ჩამოყალიბდეს შემდეგი რედაქციით: ,,1. აეროდრომის ექსპლუატანტი ვალდებულია მის მიერ ექსპლუატირებად აეროდრომზე, ამ წესის მოთხოვნების შესაბამისად, უზრუნველყოს განათება და მისი შემდგომი ექსპლუატაცია ამ წესის შესაბამისად. 2. აეროდრომის ექსპლუატანტი ვალდებულია 5 წელიწადში ერთხელ განახორციელოს ბაქნის განათების შემოწმება ამ წესის №1 დანართით განსაზღვრული მეთოდიკის შესაბამისად და უზრუნველყოს შემოწმების შედეგების სააგენტოში წარდგენა ამ წესის №2 დანართით დადგენილი ფორმის მიხედვით ყოველი მე-5 წლის 30 ოქტომბრამდე. 3. ბაქანზე, ან მის ნებისმიერ ადგილას განათების საშუალებ(ებ)ის ადგილმდებარეობის ან/და მისი სიმაღლის ცვლილებისას, ასევე, სანათების სხვა ტიპის ან/და სიმძლავრის სანათებით შეცვლის შემთხვევაში ექსპლუატანტმა უნდა განახორციელოს შესაბამისი არ(ებ)ის განათების ამ წესის მოთხოვნებთან შესაბამისობის შემოწმება და შედეგების სააგენტოში წარმოდგენა ამ წესის №2 დანართით დადგენილი ფორმის შესაბამისად. 4. ამ მუხლის მე-2 პუნქტის მოთხოვნების შესასრულებლად აეროდრომის ექსპლუატანტმა ბაქნის განათების შემოწმება უნდა განახორციელოს სსიპ – საქართველოს სტანდარტების და მეტროლოგიის ეროვნული სააგენტოს მიერ დამოწმების ნიშნის ან/და დამოწმების მოწმობის მქონე ხელსაწყოთი, ხელსაწყოს მწარმოებლის მიერ დადგენილი ტექნიკური ექსპლუატაციის მოთხოვნების გათვალისწინებით.“. 2. მე-5 მუხლის მე-3 და მე-4 პუნქტები ჩამოყალიბდეს შემდეგი რედაქციით: ,,3. ჩრდილების მინიმუმამდე დაყვანის მიზნით, განათების საშუალებების განთავსება და მიმართულება უნდა შეირჩეს ისე, რომ საჰაერო ხომალდის სადგომის ღერძის ხაზი განათებული იყოს, სულ მცირე, ორი მიმართულებიდან. შენიშვნა: საჰაერო ხომალდის სადგომთან განათების საშუალებების განთავსების ნიმუშები მოცემულია ამ წესის №3 დანართში. 4. განათების საშუალებები არ უნდა კვეთდნენ ,,აეროდრომისა და ვერტოდრომის დაცვის არის დადგენისა და ამ არეში საავიაციო დაბრკოლების შემქმნელი შენობა-ნაგებობის მშენებლობის, აგრეთვე აღნიშნული შენობა-ნაგებობის ექსპლუატაციის, შეზღუდვისა და ნიშანდების წესის დამატკიცების თაობაზე” საქართველოს მთავრობის 2024 წლის 6 მარტის №73 დადგენილებით განსაზღვრულ აეროდრომის დაცვის არეს.“. 3. წესის №1, №2 და №3 დანართები ჩამოყალიბდეს თანდართული რედაქციით. |
| მუხლი 2 |
ბრძანება ამოქმედდეს გამოქვეყნებისთანავე. |
|
📎 დანართები (3)
278-1.docx ⬇
დანართი №1
განათების შემოწმების მეთოდიკა
აეროდრომის ექსპლუატანტმა განათების შემოწმება უნდა მოახდინოს 3-5 მეტრის ბიჯით როგორც ჰორიზონტალურ (საფარის დონეზე), ასევე ვერტიკალურ (2 მ-ის სიმაღლეზე) სიბრტყეში.
შემოწმების დაწყების წინ ხორციელდება მოსამზადებელი სამუშაოები, რომლებიც ითვალისწინებს შემოწმებას დაქვემდებარებული არეს ბადისებრ მონიშვნას 3-5 მ-იანი ბიჯით (მაგალითი იხ. სურათი 1) და ამ წესის დანართი №2-ით გათვალისწინებული ფორმების მომზადებას.
ჰორიზონტალურ სიბრტყეში შემოწმებისას ხელსაწყოს მზომი ელემენტი იდება ხელოვნური საფარის ზედაპირზე, წინასწარ მონიშნულ წერტილზე ისე, რომ სინათლის სენსორი მიმართული იყოს ზევით (იხ. სურათი 2), იღება მონაცემები და ჩაიწერება დანართი №2-ის ცხრილი 1-ით გათვალისწინებულ ფორმაში.
ვერტიკალურ სიბრტყეში შემოწმებისას ხელსაწყოს მზომი ელემენტი თავსდება ხელოვნური საფარის ზედაპირიდან 2 მ-ის სიმაღლეზე ისევე, როგორც ჰორიზონტალურ სიბრტყეში გაზომვისას (იხ. სურათი 3), იღება მონაცემები და ჩაიწერება დანართი №2-ის ცხრილი 1-ით გათვალისწინებულ ფორმაში.
გაზომვის შემდეგ:
ა) ჰორიზონტალურ სიბრტყეში:
• საშუალო მაჩვენებლის დასაანგარიშებლად – მიღებული მონაცემები უნდა შეიკრიბოს და გაიყოს გაზომილი წერტილების რაოდენობაზე;
• ერთგვაროვნების კოეფიციენტის დასაანგარიშებლად – მიღებული საშუალო მაჩვენებელი გაყოფილ უნდა იქნეს შემოწმების შედეგად მიღებულ მინიმალურ მაჩვენებელზე.
ბ) ვერტიკალურ სიბრტყეში:
• საშუალო მაჩვენებელის დასაანგარიშებლად – მიღებული მონაცემები უნდა შეიკრიბოს და გაიყოს გაზომილი წერტილების რაოდენობაზე.
შენიშვნა: ჰორიზონტალურ სიბრტყეში განათებისთვის – საშუალო მაჩვენებელის დაანგარიშების შემდეგ, ერთგვაროვნების კოეფიციენტის განსაზღვრის წინ, საშუალო და მინიმალურ მაჩვენებლებს უნდა გამოაკლდეს მზომი ხელსაწყოს ცდომილება, ხოლო ვერტიკალურ სიბრტყეში განათებისთვის – საშუალო მაჩვენებელის დაანგარიშების შემდეგ, შედეგს უნდა გამოაკლდეს მზომი ხელსაწყოს ცდომილება და ამ მონაცემებზე დაყრდნობით უნდა განისაზღვროს განათების დონე.
გასაზომი არეს მონიშვნის ნიმუში 3-5-მეტრიანი ბიჯით
სურათი 1
გაზომვის დროს ლუქსმეტრის სენსორის განთავსების პოზიცია
სურათი 2 სურათი 3
278-3.docx ⬇
დანართი №3
საჰაერო ხომალდის სადგომთან განათების საშუალებების განთავსების მაგალითები
სურათი 4. გამჭოლი ტიპის სადგომი
სურათი 5. ჩიხური ტიპის სადგომი
სურათი 6. გამჭოლი ტიპის კომბინირებული სადგომი
სურათი 7. ჩიხური ტიპის კომბინირებული სადგომი