„პერსონალურ მონაცემთა დაცვის სამსახურში საჯარო ინფორმაციის პროაქტიულად გამოქვეყნების წესის, პირობებისა და საჯარო ინფორმაციის ელექტრონული ფორმით მოთხოვნის სტანდარტის დამტკიცების შესახებ“ პერსონალურ მონაცემთა დაცვის სამსახურის უფროსის 2024 წლის 29 თებერვლის №24 ბრძანებაში ცვლილების შეტანის შესახებ

ა) პირველი მუხლის პირველი პუნქტის „ა“ ქვეპუნქტით დამტკიცებული, „პერსონალურ მონაცემთა დაცვის სამსახურში საჯარო ინფორმაციის პროაქტიულად გამოქვეყნების წესი და პირობების“ მე-4 მუხლის 4.3 პუნქტი ჩამოყალიბდეს შემდეგი რედაქციით:

„4.3. სამსახურში დასაქმებულ პირთა ოდენობა კატეგორიების მითითებით, აგრეთვე ქალისა და მამაკაცის თანასწორობის ჭრილში“;

ბ) პირველი მუხლის პირველი პუნქტის „ბ“ ქვეპუნქტით დამტკიცებული, „პერსონალურ მონაცემთა დაცვის სამსახურში საჯარო ინფორმაციის ელექტრონული ფორმით მოთხოვნის სტანდარტის“ მე-4 პუნქტი ჩამოყალიბდეს შემდეგი რედაქციით:

„4. განცხადება უნდა შეიცავდეს შემდეგ რეკვიზიტებს:

ა) იმ ადმინისტრაციული ორგანოს დასახელება, რომელსაც მიმართავს განმცხადებელი;

ბ) ფიზიკური პირის შემთხვევაში: განმცხადებლის სახელი, გვარი, პირად ნომერი, მისამართი, საკონტაქტო ტელეფონის ნომერი და ელექტრონული ფოსტის მისამართი;

გ) იურიდიული პირის შემთხვევაში: საწარმოს/ორგანიზაციის დასახელება, მისამართი, საკონტაქტო ტელეფონის ნომერი, ელექტრონული ფოსტის მისამართი;

დ) მოთხოვნილი ინფორმაციის დასახელება;

ე) განცხადებაზე დართული საბუთების ნუსხა, მათი არსებობის შემთხვევაში;

ვ) განმცხადებლის ხელმოწერა, მათ შორის, ელექტრონული ხელმოწერა ან/და შტამპი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.“;

გ) პირველი მუხლის პირველი პუნქტის „ბ“ ქვეპუნქტით დამტკიცებული, „პერსონალურ მონაცემთა დაცვის სამსახურში საჯარო ინფორმაციის ელექტრონული ფორმით მოთხოვნის სტანდარტს“ დაემატოს შემდეგი შინაარსის 4¹ პუნქტი:

„4¹. განმცხადებელი ვალდებულია განცხადებასთან ერთად წარმოადგინოს  პირადობის დამადასტურებელი დოკუმენტის ასლი, გარდა იმ შემთხვევისა, თუ განცხადება ელექტრონულად ხელმოწერილია ან/და შტამპდასმულია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.“.