„საქართველოს გენერალური პროკურატურის საპროკურორო საქმიანობაზე ზედამხედველობისა და სტრატეგიული განვითარების დეპარტამენტის დებულების დამტკიცების შესახებ“ საქართველოს გენერალური პროკურორის 2020 წლის 10 მარტის №005 ბრძანებაში ცვლილების შეტანის თაობაზე

1. მე-3 მუხლის:

ა) პირველ პუნქტს დაემატოს შემდეგი შინაარსის „პ²“ ქვეპუნქტი:

„პ²) საქართველოს პროკურატურის განვითარების სტრატეგიისა და სამოქმედო გეგმის  შემუშავება და სამოქმედო გეგმის შესრულების ანგარიშის მომზადება;“;

ბ) მე-2 პუნქტი ჩამოყალიბდეს შემდეგი რედაქციით:

„2. დეპარტამენტი დებულებით განსაზღვრული ფუნქციების შესასრულებლად თანამშრომლობს გენერალური პროკურატურის სტრუქტურულ დანაყოფებთან, საერთაშორისო ორგანიზაციებთან  და სახელმწიფო უწყებებთან.“.

2. მე-4 მუხლის მე-5 პუნქტი ჩამოყალიბდეს შემდეგი რედაქციით:

„5. სტრატეგიული განვითარების სამმართველო უზრუნველყოფს:

ა) პროკურატურის განვითარების სტრატეგიისა და სამოქმედო გეგმის შემუშავებას, მათი შესრულების პერიოდულ მონიტორინგს და შესაბამისი ანგარიშის მომზადებას;

ბ) პროკურატურის სამოქმედო გეგმით ნაკისრი ვალდებულებების შესრულების მიზნით პროკურატურის ორგანოებისა და სტრუქტურული დანაყოფების საქმიანობის კოორდინაციასა და აღნიშნული ვალდებულებების შესრულების მონიტორინგს;

გ) პროკურატურის განვითარების სტრატეგიით გათვალისწინებული ცალკეული მიმართულებებით სისხლის სამართლის საქმეთა მონიტორინგს;

დ) არასრულწლოვანთა განრიდება-მედიაციის პროგრამის კოორდინაციის მიზნით, შესაბამის სახელმწიფო უწყებებთან თანამშრომლობას, სტატისტიკური ინფორმაციის დამუშავებას, ანალიზსა და მიმოცვლას, პროგრამის დახვეწის მიზნით საჭირო ღონისძიებების დაგეგმვასა და განხორციელებას;

ე) პროკურატურის განვითარების სტრატეგიით გათვალისწინებული ცალკეული მიმართულებებით შესაბამისი ანალიზებისა და სახელმძღვანელო მითითებების მომზადებას;

ვ) სამმართველოს კომპეტენციას მიკუთვნებულ საკითხებზე სახელმძღვანელო მითითებების შესრულების კონტროლს;

ზ) სამმართველოს კომპეტენციას მიკუთვნებულ საკითხებზე შემოსული განცხადება-საჩივრების შესწავლასა და მათზე სათანადო რეაგირებას;

თ) სამმართველოს კომპეტენციას მიკუთვნებულ თემატურ საკითხებზე სტატისტიკური ინფორმაციის დამუშავებასა და ანალიზს;

ი) პროკურატურის განვითარების სტრატეგიით გათვალისწინებული ცალკეული მიმართულებებით სახელმწიფო უწყებებთან საქმიანობის კოორდინაციას;

კ) პროკურატურის განვითარების უზრუნველსაყოფად უცხოური პრაქტიკის შესწავლას;

ლ) პროკურატურის განვითარების სტრატეგიით გათვალისწინებული ცალკეული მიმართულებების განვითარების უზრუნველსაყოფად ქართული და უცხოური პრაქტიკის განზოგადებასა და საკანონმდებლო წინადადებების მომზადებას;

მ) შიდა კანონმდებლობის საერთაშორისო სტანდარტებთან შესაბამისობის უზრუნველსაყოფად ზოგადი სტანდარტების შემუშავებასა და ამ მიზნით სხვა სახელმწიფო ორგანოებთან თანამშრომლობას;

ნ) საერთაშორისო ორგანიზაციების დასკვნებისა და რეკომენდაციების შესწავლას/ანალიზს;

ო) დეპარტამენტის კომპეტენციას მიკუთვნებულ საკითხებზე საერთაშორისო ორგანიზაციებთან და სხვა სახელმწიფო უწყებებთან ურთიერთობის კოორდინაციას;

პ) კომპეტენციის ფარგლებში, სამუშაო ჯგუფებში, კომისიებსა და უწყებათაშორის საბჭოებში მონაწილეობასა და პროკურატურის წარმომადგენლობას;

ჟ) დანაშაულის პრევენციის მიზნით უცხოური პრაქტიკის შესწავლასა და განზოგადებას;

რ) პროკურატურის განვითარების სტრატეგიით გათვალისწინებული  მიმართულებების შესახებ ცნობიერების ამაღლების მიზნით შესაბამისი ღონისძიებების დაგეგმვას.“.

3. მე-5 მუხლის მე-2 პუნქტის:

ა) „ლ¹“ ქვეპუნქტი ჩამოყალიბდეს შემდეგი რედაქციით:

„ლ¹) ყოველი წლის იანვარში გენერალურ პროკურორს წარუდგენს  გასული წლის ანგარიშს დეპარტამენტის საქმიანობის პრიორიტეტული მიმართულებების,  მოქალაქეთა საჩივარ-განცხადებების განხილვის შედეგებისა და გატარებული  ღონისძიებების შესახებ, აგრეთვე წინადადებებს დეპარტამენტის კომპეტენციის ფარგლებში  მომავალში გასატარებელი ღონისძიებების თაობაზე;“;

ბ) „ლ ²“ ქვეპუნქტი ამოღებულ იქნეს.