„ჭიათურის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ჭიათურის მუნიციპალიტეტის საკრებულოს 2018 წლის 26 იანვრის №18 დადგენილებაში ცვლილების შეტანის თაობაზე

ა) დადგენილების პირველი პუნქტით დამტკიცებული „ჭიათურის მუნიციპალიტეტის ბიუჯეტიდან სოციალური დახმარების გაცემის და მიღების წესის“ მე-2  მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ამ მუხლის პირველი პუნქტის „ბ“ ქვეპუნქტით განსაზღვრული სამედიცინო მომსახურების დაფინანსება მუნიციპალიტეტის მხრიდან განხორცილედება ბენეფიციარის მიერ გადასახდელი თანხის 100%-ით, წლის განმავლობაში არაუმეტეს 500 ლარის ოდენობით.“;

ბ) დადგენილების პირველი პუნქტით დამტკიცებული „ჭიათურის მუნიციპალიტეტის ბიუჯეტიდან სოციალური დახმარების გაცემის და მიღების წესის“ მე-2  მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ამ მუხლის პირველი პუნქტის „ა“, „გ“, „დ“ და „ე“ ქვეპუნქტით განსაზღვრული სამედიცინო მომსახურების დაფინანსება მუნიციპალიტეტის მხრიდან განხორცილდება ბენეფიციარის მიერ გადასახდელი თანხის 100%-ით, წლის განმავლობაში არაუმეტეს 2000 ლარის ოდენობით.“;

გ) ამოღებულ იქნეს დადგენილების პირველი პუნქტით დამტკიცებული „ჭიათურის მუნიციპალიტეტის ბიუჯეტიდან სოციალური დახმარების გაცემის და მიღების წესის“ მე-5 მუხლის მე-5, მე-6, მე-7 და მე-8 პუნქტები;

დ) დადგენილების პირველი პუნქტით დამტკიცებულ „ჭიათურის მუნიციპალიტეტის ბიუჯეტიდან სოციალური დახმარების გაცემის და მიღების წესს“ დაემატოს შემდეგი შინაარსის 2² მუხლი:

„მუხლი 2². შაქრიანი დიაბეტის პირველი ტიპის (ინსულინდამოკიდებული) ბავშვთა/მოზარდთა დახმარება

1. ჭიათურის მუნიციპალიტეტში რეგისტრირებული შაქრიანი დიაბეტის პირველი ტიპის (ინსულინდამოკიდებული) მქონე 0-დან 18 წლამდე ასაკის ბავშვებს/მოზარდებს მუნიციპალიტეტის ბიუჯეტიდან ყოველთვიურად მიეცემათ სოციალური დახმარება 200 ლარის ოდენობით.

2. დახმარებით მოსარგებლის (ბენეფიციარი) მშობელმა/კანონიერმა წარმომადგენელმა დახმარების მისაღებად ჭიათურის მუნიციპალიტეტის მერიაში უნდა წარმოადგინოს შემდეგი დოკუმენტაცია:

ა) წერილობითი განცხადება;

ბ) ბენეფიციარის დაბადების მოწმობის ასლი, იმ შემთხვევაში თუ განმცხადებელი კანონიერი წარმომადგენელია, წარმომადგენლობის დამადასტურებელი დოკუმენტი;

გ) ცნობა ჯანმრთელობის მდგომარეობის შესახებ (ფორმა №100);

დ) მშობლის/კანონიერი წარმომადგენლის პირადობის მოწმობის ასლი;

ე) მშობლის/კანონიერი წარმომადგენლის საბანკო ანგარიში;

ვ) ჭიათურის მუნიციპალიტეტში რეგისტრაციის დამადასტურებელი დოკუმენტი (საინფორმაციო ბარათი ჭიათურის მუნიციპალიტეტის მერიის მოთხოვნის შესაბამისად).“;

ე) ამოღებულ იქნეს დადგენილების პირველი პუნქტით დამტკიცებული „ჭიათურის მუნიციპალიტეტის ბიუჯეტიდან სოციალური დახმარების გაცემის და მიღების წესის“ მე-3 თავი.