„ადგილობრივ ბაზარზე ქართული ღვინოპროდუქციის პოპულარიზაციის ხელშეწყობის სახელმწიფო პროგრამის დამტკიცების შესახებ“ საქართველოს მთავრობის 2024 წლის 8 აპრილის №132 დადგენილებაში ცვლილების შეტანის თაობაზე

1. მე-4 მუხლის:    

ა) მე-3 პუნქტის შემდეგ დაემატოს შემდეგი შინაარსის 3¹-3² პუნქტები:

„3¹. სააგენტოს მიერ, პროგრამის ფარგლებში, ფინანსდება ერთი პოტენციური ბენეფიციარის არაუმეტეს 2 (ორი) ღონისძიება, ერთი კალენდარული წლის განმავლობაში.

3². პოტენციურ ბენეფიციარს/ბენეფიციარს არ დაუფინანსებდა ღონისძიება, თუ ღონისძიების შინაარსი და/ან დასახელება არ შეესაბამება  წინამდებარე პროგრამის და/ან პროგრამის განმახორციელებელი უწყების მიზნებს.“;

ბ) მე-4 პუნქტი ჩამოყალიბდეს შემდეგი რედაქციით:

„4. ბენეფიციარს, ამ მუხლის მე-5 პუნქტის შესაბამისად, პროგრამით გათვალისწინებული ღონისძიების ღირებულების ფაქტობრივად დადასტურებული ხარჯები აუნაზღაურდება შემდეგნაირად:

ა) არაუმეტეს 20%-ის ოდენობით, 50 000 ლარის ფარგლებში, თუ განაცხადის წარდგენამდე არ აქვს ჩატარებული ან ჩატარებული აქვს  არაუმეტეს ერთი, იმავე შინაარსის ან/და დასახელების ღონისძიება;

ბ)  არაუმეტეს 40%-ის ოდენობით, 100 000 ლარის ფარგლებში, თუ განაცხადის წარდგენამდე ჩატარებული აქვს ორი ან სამი, იმავე შინაარსისა და დასახელების  ღონისძიება;

გ) არაუმეტეს 70%-ის ოდენობით, 150 000 ლარის ფარგლებში, თუ განაცხადის წარდგენამდე ჩატარებული აქვს სამზე მეტი, იმავე შინაარსისა და დასახელების ღონისძიება.“.

2. მე-6 მუხლს მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3. დოკუმენტური შემოწმების ფარგლებში, ბენეფიციარის მიერ ანაზღაურების ხელშეკრულების პირობების დარღვევის შემთხვევაში, სააგენტო უფლებამოსილია, შემდგომში გამოცხადებული პროგრამის ფარგლებში, არ განიხილოს აღნიშნული ბენეფიციარის განაცხადი.“.