„გადახდისუუნარობის საქმის წარმოების შესახებ“ საქართველოს კანონში ცვლილების შეტანის თაობაზე“

პროექტი საქართველოს კანონი „გადახდისუუნარობის საქმის წარმოების შესახებ“ საქართველოს კანონში ცვლილების შეტანის თაობაზე მუხლი 1. „გადახდისუუნარობის საქმის წარმოების შესახებ“ საქართველოს კანონში (საქართველოს საკანონმდებლო მაცნე, №9, 31.03.2007, მუხ. 87) შეტანილ იქნეს შემდეგი ცვლილება: 1. 26-ე მუხლის: ა) პირველი პუნქტი ჩამოყალიბდეს შემდეგი რედაქციით: „1. მეურვე გადახდისუუნარობის საქმის წარმოებისას არის საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირი აღსრულების ეროვნული ბიურო (შემდგომ - აღსრულების ეროვნული ბიურო), რომელსაც სასამართლო გამოტანიდან არა უგვიანეს მე-2 სამუშაო დღისა ელექტრონული სისტემის მეშვეობით უგზავნის განჩინებას გადახდისუუნარობის შესახებ განცხადების წარმოებაში მიღების თაობაზე და აცნობებს მეურვედ მისი დანიშვნის შესახებ.“; ბ) მე-2 პუნქტის „ნ“ ქვეპუნქტის შემდეგ დაემატოს შემდეგი შინაარსის „ო“ და „პ“ ქვეპუნქტები: „ო) გადახდისუუნარობის საქმის წარმოებაში მიღების შესახებ სასამართლო განჩინების გამოტანის შემდგომ, მოვალის მიმდინარე სამეწარმეო საქმიანობის შეუფერხებლად გაგრძელების მიზნით, მეურვე/მმართველი უფლებამოსილია წერილობით მიმართოს აღმასრულებელს მოვალის ქონებაზე, მათ შორის, საბანკო ანგარიშებზე, რეგისტრირებული ყადაღის გაუქმების დასაბუთებული მოთხოვნით იმ ფარგლებში, რაც აუცილებელია მოვალის მიმდინარე სამეწარმეო საქმიანობისა და ფუნქციონირებისათვის; პ) მოვალის მიმართ მიმდინარე გადახდისუუნარობის საქმის შეწყვეტის შემთხვევაში, მეურვე/მმართველი ვალდებულია აღნიშნულის თაობაზე დაუყოვნებლივ შეატყობინოს აღმასრულებელს, რომელიც ამ პუნქტის „ო“ ქვეპუნქტისა და აღსრულების კოდექსის 149-ე მუხლის შესაბამისად გაუქმებულ ყადაღებს ხელახლა არეგისტრირებს.“. 2. 44-ე მუხლს დაემატოს შემდეგი შინაარსის მე-8 და მე-9 პუნქტები: „8. იმ შემთხვევაში თუ გადახდისუუნარობის საქმის წარმოების პროცესში კრედიტორთა კრება დაამტკიცებს მოვალის რეაბილიტაციის უფლებამოსილია მიმართოს აღმასრულებელს გეგმას, რეაბილიტაციის მმართველი მოვალის ქონებაზე, მათ შორის, საბანკო ანგარიშებზე, რეგისტირებული ყადაღის სრულად გაუქმების თაობაზე. 9. იმ შემთხვევაში თუ მოვალის მიმართ მიმდინარე გადახდისუუნარობის საქმე შეწყდება, რეაბილიტაციის მმართველი ვალდებულია აღნიშნულის თაობაზე დაუყოვნებლივ შეატყობინოს აღმასრულებელს, რომელიც აღსრულების კოდექსის 149-ე მუხლის შესაბამისად გაუქმებულ ყადაღებს ხელახლა არეგისტრირებს.“. მუხლი 2. ეს კანონი ამოქმედდეს 2021 წლის 1 ოქტომბრიდან. საქართველოს პრეზიდენტი სალომე ზურაბიშვილი

განმარტებითი ბარათი „გადახდისუუნარობის საქმის წარმოების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტზე ა) ზოგადი ინფორმაცია კანონპროექტის შესახებ: ა.ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი კანონპროექტი მიზნად ისახავს „გადახდისუუნარობის საქმის წარმოების შესახებ“ საქართველოს კანონის მოქმედ რედაქციასა და აღსრულების კოდექსის პროექტს შორის შეუსაბამობების აღმოფხვრას, ვინაიდან აღსრულების კოდექსის პროექტი ახლებურად არეგულირებს აღსრულების სისტემას და სააღსრულებო წარმოების ცალკეულ საკითხებს. ა.ა.ბ) არსებული პრობლემის გადასაჭრელად კანონის მიღების აუცილებლობა კანონის მიღება განპირობებულია „გადახდისუუნარობის საქმის წარმოების შესახებ“ საქართველოს კანონის აღსრულების კოდექსის პროექტთან შესაბამისობის აუცილებლობით. ა.ბ) კანონპროექტის მოსალოდნელი შედეგები კანონპროექტის მიღების შედეგად უზრუნველყოფილი იქნება „გადახდისუუნარობის საქმის წარმოების შესახებ“ საქართველოს კანონის აღსრულების კოდექსთან შესაბამისობა. ა.გ) კანონპროექტის ძირითადი არსი კანონპროექტით სწორდება კანონის 26-ე მუხლის პირველ პუნქტში არსებული ხარვეზი და საჯარო სამართლის იურიდიული პირის - აღსრულების ეროვნული ბიუროს დასახელებისას „მმართველობის სფეროში შემავალი“ იცვლება „მმართველობის სფეროში მოქმედით“. გარდა ამისა, კანონის 26-ე მუხლის მე-2 პუნქტს ემატება „ო“ და „პ“ ქვეპუნქტები, რომელთა თანახმად, გადახდისუუნარობის საქმის წარმოებაში მიღების შესახებ სასამართლო განჩინების გამოტანის შემდგომ, მოვალის მიმდინარე სამეწარმეო საქმიანობის შეუფერხებლად გაგრძელების მიზნით, შესაძლებელი ხდება მოვალის ქონებაზე, მათ შორის, საბანკო ანგარიშზე, აღმასრულებლის მიერ დადებული ყადაღის გაუქმება მეურვის/მმართველის დასაბუთებული წერილობითი მიმართვის შემთხვევაში იმ ფარგლებში, რაც აუცილებელია მოვალის მიმდინარე სამეწარმეო საქმიანობისა და ფუნქციონირებისათვის, ხოლო მოვალის მიმართ მიმდინარე გადახდისუუნარობის საქმის შეწყვეტის შემთხვევაში, მეურვე/მმართველი ვალდებული ხდება აღნიშნულის თაობაზე დაუყოვნებლივ შეატყობინოს აღმასრულებელს, რომელიც გაუქმებულ ყადაღებს ხელახლა დაარეგისტრირებს. კანონის 44-ე მუხლს ემატება მე-8 და მე-9 პუნქტები, რომელთა თანახმად, იმ შემთხვევაში, თუ გადახდისუუნარობის საქმის წარმოების პროცესში კრედიტორთა კრება დაამტკიცებს მოვალის რეაბილიტაციის გეგმას, რეაბილიტაციის მმართველი უფლებამოსილი ხდება მიმართოს აღმასრულებელს მოვალის ქონებაზე, მათ შორის, საბანკო ანგარიშებზე, რეგისტრირებული ყადაღის სრულად გაუქმების თაობაზე, ხოლო იმ შემთხვევაში, თუ მოვალის მიმართ მიმდინარე გადახდისუუნარობის საქმე შეწყდება, რეაბილიტაციის მმართველი ვალდებული იქნება აღნიშნულის თაობაზე დაუყოვნებლივ შეატყობინოს აღმასრულებელს, რომელიც, აღსრულების კოდექსის შესაბამისად, გაუქმებულ ყადაღებს ხელახლა დაარეგისტრირებს. ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიციირებული კანონპროექტის შემთხვევაში) აღნიშნული ქვეპუნქტი არ გამოიყენება წარმოდგენილ კანონპროექტთან მიმართებაში (კანონპროექტი არ არის ინიციირებული საქართველოს მთავრობის მიერ). ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში − აღნიშნულის თაობაზე შესაბამისი დასაბუთება კანონპროექტი 2021 წლის 1 ოქტომბრიდან ამოქმედდება, რაც აღსრულების კოდექსის ძირითადი ნაწილის ამოქმედებას უკავშირდება. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთება (თუ ინიციატორი ითხოვს კანონპროექტის დაჩქარებული წესით განხილვას) კანონპროექტის დაჩქარებული წესით განხილვა არ არის მოთხოვნილი. ბ) კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო კანონპროექტის მიღება არ გამოიწვევს სახელმწიფო ბიუჯეტიდან ხარჯების გამოყოფას. ბ.ბ) კანონპროექტის გავლენა სახელმწიფო ან/და მუნიციპალიტეტის ბიუჯეტის საშემოსავლო ნაწილზე კანონპროექტი გავლენას არ იქონიებს სახელმწიფო ან/და მუნიციპალიტეტის ბიუჯეტის საშემოსავლო ნაწილზე. ბ.გ) კანონპროექტის გავლენა სახელმწიფო ან/და მუნიციპალიტეტის ბიუჯეტის ხარჯვით ნაწილზე კანონპროექტი გავლენას არ იქონიებს სახელმწიფო ან/და მუნიციპალიტეტის ბიუჯეტის ხარჯვით ნაწილზე. ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით კანონპროექტი არ ითვალისწინებს სახელმწიფოს მიერ ახალი ფინანსური ვალდებულებების აღებას. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა ასეთი არ არსებობს. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი კანონპროექტი არ ითვალისწინებს გადასახადის, მოსაკრებლის ან სხვა სახის გადასახდელის (ფულადი შენატანის) დადგენას. ბ1) ბავშვის უფლებრივ მდგომარეობაზე კანონპროექტის ზეგავლენის შეფასება კანონპროექტი გავლენას არ ახდენს ბავშვის უფლებრივ მდგომარეობაზე. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის სამართალთან კანონპროექტი არ ეწინააღმდეგება ევროკავშირის სამართალს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან კანონპროექტის მიღება გავლენას არ ახდენს საერთაშორისო ორგანიზაციებში საქართველოს წევრობასთან დაკავშირებულ ვალდებულებებზე. გ.გ) კანონპროექტის ხელშეკრულებებთან და მიმართება საქართველოს ორმხრივ და მრავალმხრივ შეთანხმებებთან, აგრეთვე, ისეთი ხელშეკრულების/შეთანხმების არსებობის შემთხვევაში, რომელსაც უკავშირდება კანონპროექტის მომზადება, − მისი შესაბამისი მუხლი ან/და ნაწილი კანონპროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებს და შეთანხმებებს. კანონპროექტის მიღება არ უკავშირდება საქართველოს მიერ დადებულ ხელშეკრულებას/შეთანხმებას. გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან ასეთი არ არსებობს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში ასეთი არ არსებობს. დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში ასეთი მიმოხილვა არ მომზადებულა. ე) კანონპროექტის ავტორი საქართველოს პარლამენტის წევრები: მიხეილ სარჯველაძე, თეა წულუკიანი ვ) კანონპროექტის ინიციატორი საქართველოს პარლამენტის წევრები: მიხეილ სარჯველაძე, თეა წულუკიანი, ისკო დასენი, ბექა ლილუაშვილი, ალუდა ღუდუშაური, ანა ბუჩუკური, დავით სონღულაშვილი, მიხეილ დაუშვილი, ანრი ოხანაშვილი, დავით მათიკაშვილი, ელისო ბოლქვაძე, ნინო წილოსანი