საგადამხდელო სისტემა (სისტემა) – საგადამხდელო ურთიერთობის სუბიექტებს შორის ფულადი სახსრების მიმოქცევის ორგანიზაციულ-ტექნიკური ფორმების, ინსტრუმენტებისა და პროცედურების ერთობლიობა.
სისტემის ორგანიზატორი – საგადამხდელო სისტემის გამოყენებით მომხმარებლის მომსახურების უფლების მქონე იურიდიული პირი.
სისტემის მომხმარებელი – საბანკო სფეროს მომსახურებაში მყოფი ფიზიკური ან იურიდიული პირი, რომელსაც გაფორმებული აქვს ხელშეკრულება სისტემის ორგანიზატორთან საგადამხდელო სისტემის გამოყენების შესახებ.
არაუფლებამოსილი პირი – პირი, რომელიც ორგანიზატორის ან მომხმარებლის სახელით უკანონოდ წვდება სისტემას.
ელექტრონული შეტყობინება (ელექტრონული საბუთი) – ქაღალდის საბუთის ელექტრონული ასლი, წარმოადგენს საგადამხდელო ურთიერთობის სუბიექტებს შორის ოპერაციათა წარმოების საფუძველს, აქვს ბეჭდით და ხელმოწერებით დამოწმებული ქაღალდის საგადახდო საბუთის ტოლფასი იურიდიული ძალა.
სახსრების გადარიცხვა – გადამხდელსა და მიმღებს შორის სახსრების მოძრაობა.
საგადამხდელო სისტემის მეშვეობით მომსახურების გაწევა – სახელშეკრულებო პირობების თანახმად შესაბამისი მოქმედებები.
საგადამხდელო სისტემის მეშვეობით მომსახურების გაწევისას გამოყენებული ტექნიკური საშუალებები – პროგრამულ-ტექნიკურ და ტექნოლოგიურ საშუალებათა ერთობლიობა, რომელიც სისტემის ორგანიზატორს ან მომხმარებლებს აძლევს მომსახურების გაწევის ან მიღების საშუალებას.
საანგარიშსწორებო დაწესებულებები – საბანკო დაწესებულებას დაქვემდებარებული სტრუქტურული ქვედანაყოფები, საანგარიშსწორებო-საკლირინგო ან საპროცესინგო ცენტრები და სხვა მსგავსი დაწესებულებები, რომლებიც ეწევიან საგადამხდელო სისტემების ექსპლუატაცია-მომსახურებას, ამყარებენ კავშირს სხვა საგადამხდელო სისტემებთან, უზრუნველყოფენ სათანადო ამონაწერების გაცემას და სხვ