1. სისტემის ორგანიზატორი ხელშეკრულებით დაკისრებული ვალდებულებების შეუსრულებლობის (არასათანადოდ შესრულების) შემთხვევაში პასუხს აგებს საქართველოს კანონმდებლობის შესაბამისად.
2. იმ შემთხვევაში, თუ სისტემის ორგანიზატორის მიერ ვალდებულებების შეუსრულებლობა (არასათანადოდ შესრულება) გამოწვეულია სისტემის მუშაობაში გამოყენებულ ტექნიკურ საშუალებათა გამო, პასუხისმგებლობა ეკისრება სისტემის ორგანიზატორს, თუ იგი არ დაამტკიცებს, რომ ვალდებულებების შეუსრულებლობა (არასათანადოდ შესრულება) გამოწვეული იყო მისგან დამოუკიდებელი მიზეზებით.
3. ზარალი, რომელიც მიადგება სისტემის მომხმარებელს სისტემის ორგანიზატორის არაუფლებამოსილი პირის გამო, დაეკისრება სისტემის ორგანიზატორს მისი ბრალეულობის შემთხვევაში, თუ ამას დაამტკიცებს მხარეთა მიერ შექმნილი კომისია (ამავე დებულების მე-17 მუხლის მე-2 პუნქტი) ან სასამართლო.
4. სისტემის ორგანიზატორი პასუხს აგებს მომხმარებლისადმი მიყენებული იმ ზარალისათვის, რომელიც წარმოიშვა საბუთების გაცვლისას არსებული შეცდომებით იმის გამო, რომ მან ვერ უზრუნველყო ამ დებულებით და ხელშეკრულებით გათვალისწინებული ვალდებულებების შესრულება ან გააგრძელა ელექტრონული მომსახურების გაწევა იმის მიუხედავად, რომ სისტემის მომხმარებელმა შეატყობინა არსებული შეცდომები