1. „გაფრთხილება“ გაქარწყლებულად ჩაითვლება მისი შეფარდებიდან ექვსი თვის გასვლის შემდეგ, „საყვედური“ და „მკაცრი საყვედური“ – ცხრა თვის გასვლის შემდეგ, „სასამართლოს თავმჯდომარის, თავმჯდომარის პირველი მოადგილის ან მოადგილისა და კოლეგიის თავმჯდომარის თანამდებობიდან გათავისუფლება“ – ერთი წლის გასვლის შემდეგ, თუ მოსამართლე შესაბამის ვადაში არ ჩაიდენს ახალ დისციპლინურ გადაცდომას.
2. მოსამართლე, რომლის მიმართ სადისციპლინო კოლეგიამ გამოიტანა გადაწყვეტილება დისციპლინური დარღვევის ჩადენაში ბრალეულად ცნობის, დისციპლინური პასუხისმგებლობის დაკისრებისა და მისთვის კერძო სარეკომენდაციო ბარათით მიმართვის შესახებ, არ ითვლება დისციპლინური სახდელის მქონედ.
3. დისციპლინური სახდელის მოხსნა ამ მუხლის 1-ლ პუნქტში მითითებული ვადის გასვლამდე სადისციპლინო კოლეგიის ან სხვის მიერ დაუშვებელია