2002 წლის სახელმწიფო ბიუჯეტში ენერგოსისტემის სუბსიდირებისათვის გათვალისწინებული სახსრების მიზნობრივად ხარჯვის დამატებით ღონისძიებათა შესახებ

საქართველოს პრეზიდენტის

ბრძანებულება №95

2002 წლის 5 მარტი

ქ. თბილისი

2002 წლის სახელმწიფო ბიუჯეტში ენერგოსისტემის სუბსიდირებისათვის გათვალისწინებული სახსრების მიზნობრივად ხარჯვის დამატებით ღონისძიებათა შესახებ

„საქართველოს 2002 წლის სახელმწიფო ბიუჯეტის შესახებ“ საქართველოს კანონის მე-17 მუხლის პირველი პუნქტის ა) და ბ) ქვეპუნქტებისა და ამავე მუხლის მე-2 პუნქტის შესაბამისად, სახელმწიფო ბიუჯეტში საქართველოს ენერგოსისტემის სუბსიდირებისათვის გათვალისწინებული სახსრების მიზნობრივად ხარჯვის მიზნით:

1. შეიქმნას კომისია შემდეგი შემადგენლობით:

ავთანდილ ჯორბენაძე – საქართველოს სახელმწიფო მინისტრი, კომისიის თავმჯდომარე

ამირან გამყრელიძე – საქართველოს შრომის, ჯანმრთელობისა და სოციალური დაცვის მინისტრი

გიორგი ისაკაძე – საქართველოს სახელმწიფო მინისტრის მოადგილე, კომისიის თავმჯდომარის მოადგილე

როლანდ გილიგაშვილი – საქართველოს იუსტიციის მინისტრი

დავით მირცხულავა – საქართველოს სათბობ-ენერგეტიკის მინისტრი, კომისიის მდივანი

ზურაბ ნოღაიდელი – საქართველოს ფინანსთა მინისტრი

დავით რამიშვილი – საქართველოს ფინანსთა სამინისტროს სახაზინო სამსახურის უფროსი

ალბერტო სოლისი – საქართველოს ელექტროენერგიის საბითუმო ბაზრის მენეჯმენტ-კონტრაქტის მმართველი დირექტორი

გიორგი შერაძე – თბილისის მუნიციპალიტეტის პრემიერი.

2. საქართველოს სათბობ-ენერგეტიკის სამინისტრომ კომისიას წარუდგინოს საქართველოს შრომის, ჯანმრთელობისა და სოციალური დაცვისა და საქართველოს ფინანსთა სამინისტროებთან შეთანხმებული წინადადებები ენერგოსისტემის სუბსიდირებისათვის „საქართველოს 2002 წლის სახელმწიფო ბიუჯეტის შესახებ“ საქართველოს კანონის მე-17 მუხლის შესაბამისად გათვალისწინებული სახსრების ხარჯვის თაობაზე.

3. საბიუჯეტო ორგანიზაციების მიერ 2002 წლის 1 იანვრამდე მოხმარებული ელექტროენერგიისა და ბუნებრივი აირის დავალიანების დაფარვა და 2002 წლის განმავლობაში უმწეო მდგომარეობაში მყოფ ოჯახთა მიერ მოხმარებული ელექტროენერგიისა და ბუნებრივი აირის ღირებულების ანაზღაურება განხორციელდეს დადგენილი წესებით კომისიის მიერ მიღებულ გადაწყვეტილებათა შესაბამისად.

ე. შევარდნაძე