1. წინამდებარე კონვენციის სხვა დებულებებში ჩამოთვლილის გარდა მხარეთა კონფერენციის ფუნქციებს შეადგენს შემდეგი:
ა) წინამდებარე კონვენციის მიზნების მიღწევისათვის ხელშეწყობა;
ბ) მსოფლიო დოპინგსაწინააღმდეგო სააგენტოსთან ურთიერთობის საკითხთა განხილვა და
სააგენტოს ძირითადი წლიური ბიუჯეტის დაფინანსების მექანიზმების შესწავლა.
სახელმწიფოებს, რომლებიც კონვენციის მხარეები არ არიან, შეიძლება შესთავაზონ ამ
განხილვაში მონაწილეობა;
გ) ნებაყოფლობითი ფონდის სახსრების გამოყენების გეგმის დამტკიცება მე-8 მუხლის შესაბამისად;
დ) მონაწილე სახელმწიფოთა მიერ 31-ე მუხლის შესაბამისად წარმოდგენილ მოხსენებათა განხილვა;
ე) წინამდებარე კონვენციის დაცვის მონიტორინგის შედეგების განხილვა მუდმივ საფუძველზე დოპინგსაწინააღმდეგო სისტემების შემუშავების გათვალისწინებით, 31-ე მუხლის შესაბამისად. მონიტორინგის ნებისმიერი მექანიზმი ან 31-ე მუხლით გაუთვალისწინებელი ღონისძიებანი ფინანსდება მე-17 მუხლის შესაბამისად დაფუძნებული ნებაყოფლობითი ფონდის სახსრებიდან;
ვ) წინამდებარე კონვენციის შესწორებათა განხილვა მათი შემდგომი მიღებისათვის;
ზ) მსოფლიო დოპინგსაწინააღმდეგო სააგენტოს მიერ მიღებული აკრძალული ნუსხის და აკრძალული სუბსტანციების გამოყენების ნებართვათა გაცემის სტანდარტების შესწორებათა განხილვა 34-ე მუხლის შესაბამისად მათი დამტკიცებისათვის;
თ) წინამდებარე კონვენციის ფარგლებში მონაწილე სახელმწიფოთა მსოფლიო დოპინგსაწინააღმდეგო სააგენტოს თანამშრომლობის მიმართულებებისა და მექანიზმების განსაზღვრა;
ი) მსოფლიო დოპინგსაწინააღმდეგო სააგენტოში თხოვნის გაგზავნა კოდექსის განხორციელების შესახებ მოხსენების წარდგენის თაობაზე ყოველ სესიაზე მისი განხილვისათვის.
2. თავისი ფუნქციების შესრულებისას მხარეთა კონფერენციას შეუძლია ითანამშრომლოს სხვა სამთავრობათაშორისო ორგანოებთა