,,აფხაზეთის ავტონომიური რესპუბლიკის იუსტიციის დეპარტამენტის დებულების დამტკიცების შესახებ“ აფხაზეთის მთავრობის 2009 წლის 12 ოქტომბრის №25 დადგენილებაში ცვლილებების შეტანის თაობაზე

აფხაზეთის მთავრობის

დადგენილება №14

2011 წლის 28 ნოემბერი

ქ. თბილისი

,,აფხაზეთის ავტონომიური რესპუბლიკის იუსტიციის დეპარტამენტის დებულების დამტკიცების შესახებ“ აფხაზეთის მთავრობის 2009 წლის 12 ოქტომბრის №25 დადგენილებაში ცვლილებების შეტანის თაობაზე

მუხლი 1. ,,ნორმატიული აქტების შესახებ’’ საქართველოს კანონის მე-20 მუხლის, ,,ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის შესაბამისად, ,,აფხაზეთის ავტონომიური რესპუბლიკის იუსტიციის დეპარტამენტის დებულების დამტკიცების შესახებ“ აფხაზეთის მთავრობის 2009 წლის 12 ოქტომბრის №25 დადგენილებით (აფხაზეთის ავტონომიური რესპუბლიკის საკანონმდებლო მაცნე,№15, 15.10.2009წ., მუხლი 29) დამტკიცებულ დებულებაში შეტანილ იქნეს შემდეგი ცვლილება:

 1. დებულების პირველი მუხლის მე-3 პუნქტი ჩამოყალიბდეს შემდეგი რედაქციით:

,,3. დეპარტამენტის იურიდიული მისამართია: ქ.თბილისი, ჭავჭავაძის 17ა.’’.

2. დებულების მე-3 მუხლს დაემატოს შემდეგი შინაარსის ,,ე¹“ქვეპუნქტი:

,,ე¹) აფხაზეთის ავტონომიური რესპუბლიკის ტერიტორიაზე ლეგიტიმურად მცხოვრები – პირადობის ნეიტრალური მოწმობისა და ნეიტრალური სამგზავრო დოკუმენტის მიმღებ პირებზე ფოტოიდენტურობის დადასტურება;”.

3. დებულების მე-4 მუხლის ,,გ’’ პუნქტი ჩამოყალიბდეს შემდეგი რედაქციით:

,,გ) კანონით დადგენილ შემთხვევებში და წესით აფხაზეთის ავტონომიური რესპუბლიკის ნორმატიული აქტის მიმღებ (გამომცემ) ორგანოს (თანამდებობის პირს) ან ნორმატიული აქტის გაუქმების (შეჩერების) უფლებამოსილების მქონე ორგანოს (თანამდებობის პირს) ან/და საერთო სასამართლოსადმი ნორმატიული აქტის გაუქმების (შეჩერების) მოთხოვნით მიმართვის ვალდებულება;’’.

4.დებულების მე-5 მუხლი ჩამოყალიბდეს შემდეგი რედაქციით:

     „მუხლი 5. დეპარტამენტი მოვალეა:

ა) წარმართოს თავისი საქმიანობა საქართველოსა და აფხაზეთის ავტონომიური რესპუბლიკის კანონმდებლობის და ამ დებულების მოთხოვნათა შესაბამისად;

ბ) შეასრულოს აფხაზეთის ავტონომიური რესპუბლიკის მთავრობის დადგენილებები

და განკარგულებები;

გ) უზრუნველყოს საქართველოს იუსტიციის მინისტრის ნორმატიული აქტების მოთხოვნათა და მითითებათა შესრულება;

დ) შესაბამისი მოთხოვნის არსებობისას დაუყოვნებლივ მიაწოდოს საქართველოს იუსტიციის სამინისტროს დამატებითი ინფორმაცია დეპარტამენტის მიერ რეგისტრირებული ნორმატიული აქტებისა და სხვა საკითხების თაობაზე.“.

5. დებულების მე-13 მუხლის მე-2 პუნქტის ,,ა.გ)“ ქვეპუნქტი ჩამოყალიბდეს შემდეგი რედაქციით:

,,ა.გ) კანონით დადგენილ შემთხვევებში და წესით აფხაზეთის ავტონომიური რესპუბლიკის ნორმატიული აქტების მოქმედების შეჩერების ან გაუქმების მოთხოვნით შესაბამისი თანამდებობის პირებისადმი ან/და ორგანოებისადმი მიმართვას;“.

მუხლი 2. დადგენილება ძალაშია გამოქვეყნებისთანავე.

აფხაზეთის მთავრობის თავმჯდომარის

მოვალეობის შემსრულებელი         თ. კვარაცხელია