ადმინისტრაციული სახდელისაგან გათავისუფლების შესახებ

✨ ჰკითხე AI-ს ამ კანონის შესახებ
საქართველოს კანონი მოქმედი საბაჟო
მიღების თარიღი
19.12.2012
გამომცემი ორგანო
საქართველოს პარლამენტი
ნომერი
№109-Iს
სარეგისტრაციო კოდი
020080010.05.001.016895
გამოქვეყნების წყარო
matsne.gov.ge , 30/12/2012
🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 

საქართველოს კანონი

 
ადმინისტრაციული სახდელისაგან გათავისუფლების შესახებ
მუხლი 1
ამ კანონის მიზანია ერთჯერადი ხასიათის დროებითი და განსაკუთრებული ღონისძიების სახით იმ ფიზიკური და იურიდიული  პირების ადმინისტრაციული სახდელისაგან გათავისუფლება, რომელთაც „მოქალაქეთა პოლიტიკური გაერთიანებების შესახებ“ საქართველოს ორგანული კანონის (პარლამენტის უწყებანი, №45, 21.11.1997, გვ. 76) 342 მუხლით გათვალისწინებული ადმინისტრაციული სახდელი დაეკისრათ ან შეიძლება დაეკისროთ 2012 წლის 1 ოქტომბრამდე განხორციელებული ქმედებისათვის.
მუხლი 2
1. ამ კანონის პირველი მუხლით გათვალისწინებული ადმინისტრაციული სახდელისაგან გათავისუფლება გულისხმობს პირის გათავისუფლებას როგორც ძირითადი, ისე დამატებითი ადმინისტრაციული სახდელისაგან, აგრეთვე საურავისაგან.

2. ამ მუხლის პირველი პუნქტით გათვალისწინებული ადმინისტრაციული სახდელისაგან გათავისუფლება ვრცელდება როგორც ძირითადი, ისე დამატებითი ადმინისტრაციული სახდელის, აგრეთვე საურავის როგორც აღუსრულებელ, ისე აღსრულებულ  ნაწილზე. ასევე უქმდება ამ ადმინისტრაციული სამართალდარღვევის საქმის წარმოებასთან/აღსრულებასთან დაკავშირებული ყადაღა და სხვა სახის იძულებითი ღონისძიებები.

მუხლი 3
1. საქართველოს კანონმდებლობით გათვალისწინებულმა ადმინისტრაციულ სამართალდარღვევათა საქმეების განხილვის უფლებამოსილების მქონე ორგანოებმა და თანამდებობის პირებმა ამ კანონის პირველი მუხლით გათვალისწინებული ადმინისტრაციული სამართალდარღვევის საქმეზე სახდელისაგან გათავისუფლების საკითხი გადაწყვიტონ ამ კანონის შესაბამისად.

2. ამ კანონის საფუძველზე საქართველოს სააღსრულებო  დაწესებულებებმა შეწყვიტონ მათ წარმოებაში არსებული, ამ კანონის რეგულირების სფეროსთვის მიკუთვნებული საქმეების აღსრულება.

3. ამ კანონის პირველი მუხლით გათვალისწინებული ადმინისტრაციული სამართალდარღვევის საქმეზე აღსრულებული საჯარიმო თანხისა და საურავის დაბრუნება განხორციელდეს საქართველოს კანონმდებლობით დადგენილი წესით.

4. ამ კანონის პირველი მუხლით გათვალისწინებული პირი ამ კანონის ამოქმედებისთანავე ჩაითვლება ადმინისტრაციულსახდელდაუდებლად.

მუხლი 4
ეს კანონი ამოქმედდეს გამოქვეყნებისთანავე.

საქართველოს პრეზიდენტიმიხეილ სააკაშვილი

 

 

ქუთაისი,

19 დეკემბერი 2012 წ.

N109-Iს

ხშირად დასმული კითხვები

მოქმედებს თუ არა „ადმინისტრაციული სახდელისაგან გათავისუფლების შესახებ“?
დიახ, საქართველოს კანონი „ადმინისტრაციული სახდელისაგან გათავისუფლების შესახებ“ ამჟამად ძალაშია. ბოლო კონსოლიდირებული რედაქცია — 19.12.2012.
როდის იქნა მიღებული „ადმინისტრაციული სახდელისაგან გათავისუფლების შესახებ“?
„ადმინისტრაციული სახდელისაგან გათავისუფლების შესახებ“ მიღებულია 19.12.2012. მიმღები ორგანო — საქართველოს პარლამენტი. დოკუმენტის ნომერი — №109-Iს. სარეგისტრაციო კოდი — 020080010.05.001.016895.
რამდენი მუხლისგან შედგება „ადმინისტრაციული სახდელისაგან გათავისუფლების შესახებ“?
დოკუმენტი შედგება 4 მუხლისგან. თითოეული მუხლი ხელმისაწვდომია ცალკე ბმულით.
სად არის „ადმინისტრაციული სახდელისაგან გათავისუფლების შესახებ“-ის ოფიციალური ტექსტი?
ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 19.12.2012 მდგომარეობით.

როგორ დავიმოწმოთ

საქართველოს კანონი „ადმინისტრაციული სახდელისაგან გათავისუფლების შესახებ“, №109-Iს, 19.12.2012, სარეგისტრაციო კოდი 020080010.05.001.016895 (კონსოლიდირებული რედაქცია 19.12.2012). ხელმისაწვდომია: https://legali.ge/law/1804784/