ფულადი სოციალური დახმარების მისაღებად სიღატაკის ზღვრული ქულის განსაზღვრის შესახებ

საქართველოს მთავრობის

განკარგულება №177

2006 წლის 13 აპრილი

ქ. თბილისი

ფულადი სოციალური დახმარების მისაღებად სიღატაკის ზღვრული ქულის განსაზღვრის შესახებ

„საქართველოს 2006 წლის სახელმწიფო ბიუჯეტის შესახებ” საქართველოს კანონის 50-ე მუხლის მე-7 პუნქტის ბოლო აბზაცის, „სიღატაკის ზღვარს მიღმა მყოფი ოჯახებისათვის მიზნობრივი სოციალური დახმარების შესახებ” საქართველოს მთავრობის 2006 წლის 16 მარტის № 59 დადგენილების მე-2 პუნქტისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-5 მუხლის „მ” ქვეპუნქტის საფუძველზე:

1. „სოციალურად დაუცველი ოჯახების მონაცემთა ერთიან ბაზაში” რეგისტრირებული ოჯახებისათვის ფულადი სოციალური დახმარების მისაღებად სიღატაკის ზღვრული ქულა (Q^­­₁) განისაზღვროს – 40 001 სიდიდით.

2. საქართველოს მთავრობის მიერ სიღატაკის ზღვრული ქულის (Q^­­) ოპტიმალური მნიშვნელობის დასადგენად ამ განკარგულებით გათვალისწინებული სიდიდის ცვლილება განხორციელდეს საქართველოს კანონმდებლობით დადგენილი წესის შესაბამისად, საქართველოს მთავრობის განკარგულებით.

3. განკარგულება ძალაშია ხელმოწერის დღიდან.

 

პრემიერ-მინისტრი        ზ. ნოღაიდელი