ვაზიანის სამხედრო ბაზასთან მისასვლელი საავტომობილო გზის შეკეთების შესახებ

საქართველოს მთავრობის

განკარგულება №299

2007 წლის 15ივნისი

ქ. თბილისი

ვაზიანის სამხედრო ბაზასთან მისასვლელი საავტომობილო გზის შეკეთების შესახებ

1. ვაზიანის სამხედრო ბაზასთან მისასვლელი გზის შეკეთების მიზნით საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებამ _ საქართველოს საავტომობილო გზების დეპარტამენტმა უმოკლეს დროში უზრუნველყოს ვაზიანის სამხედრო ბაზასთან მისასვლელი 3,3 კმ სიგრძის საავტომობილო გზის შეკეთების სამუშაოთა შესრულება.

2. შეკეთების სამუშაოს მოკლე ვადაში დასასრულებლად „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ვ“ ქვეპუნქტის შესაბამისად შესყიდვა განხორციელდეს ერთ პირთან მოლაპარაკების საშუალებით.

3. ზემოაღნიშნული სამუშაო დაფინანსდეს საქართველოს საავტომობილო გზების დეპარტამენტისათვის „საქართველოს 2007 წლის სახელმწიფო ბიუჯეტის შესახებ“ საქართველოს კანონით გათვალისწინებულ ასიგნებათა ფარგლებში.

4, განკარგულება ძალაშია ხელმოწერის დღიდან.

პრემიერ-მინისტრი           ზ. ნოღაიდელი