წალენჯიხა-ნაკიფუ-ლეწურწუმეს საავტომობილო გზის რეაბილიტაციისა და ზუგდიდი-ნარაზენის გზიდან ახალსოფლის კოლხიდის უბანში მისასვლელი ხიდის რეაბილიტაცია-მშენებლობის შესახებ

საქართველოს მთავრობის

განკარგულება №290

2008 წლის 7 მაისი

ქ. თბილისი

წალენჯიხა-ნაკიფუ-ლეწურწუმეს საავტომობილო გზის რეაბილიტაციისა და ზუგდიდი-ნარაზენის გზიდან ახალსოფლის კოლხიდის უბანში მისასვლელი ხიდის რეაბილიტაცია-მშენებლობის შესახებ

წალენჯიხის, ჩხოროწყუსა და ზუგდიდის მუნიციპალიტეტების სოფლების მოსახლეობის საავტომობილო მიმოსვლის გაუმჯობესებისა და ამ თვალსაზრისით არსებული პრობლემების აღმოფხვრის მიზნით:

1. საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა (რ. დალაქიშვილი) განახორციელოს მიმდინარე წელს წალენჯიხა-ნაკიფუ-ლეწურწუმეს საავტომობილო გზის რეაბილიტაციის (შეკეთების) და ზუგდიდი-ნარაზენის გზიდან ახალსოფლის კოლხიდის უბანში მისასვლელი ხიდის რეაბილიტაცია-მშენებლობის საპროექტო დოკუმენტაციის მომზადება, მომდევნო წლიდან კი მათი რეაბილიტაცია-მშენებლობა „საქართველოს 2008 წლის სახელმწიფო ბიუჯეტის შესახებ“ საქართველოს კანონით საავტომობილო გზების დეპარტამენტისათვის „გზების მოვლა-შენახვის“ მუხლით (ორგანიზაციული კოდი 26 11 01 02) განსაზღვრულ ასიგნებათა საფუძველზე.

2. საჭიროების შემთხვევაში საპროექტო, საზედამხედველო, რეაბილიტაცია (შეკეთება) - მშენებლობის სამუშაოები განხორციელდეს ერთ პირთან მოლაპარაკების წესით „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის თანახმად.

3. განკარგულება ძალაშია ხელმოწერის დღიდან.

პრემიერ-მინისტრი                              ვ. გურგენიძე