თბილისის შემოვლითი გზის რეკონსტრუქციის სამუშაოთა შესახებ

საქართველოს მთავრობის

განკარგულება №327

2007 წლის 27 ივნისი

ქ. თბილისი

თბილისის შემოვლითი გზის რეკონსტრუქციის სამუშაოთა შესახებ

ბოლო პერიოდში საგრძნობლად გაიზარდა საქართველოს მოსაზღვრე დასავლეთის ქვეყნებიდან სომხეთის, აზერბა­იჯანისა და შუა აზიის ქვეყნებში ტრანზიტული ავტოტრანს­პორტის მოძრაობის ინტენსიურობა. ამ მარშ რ უტით ავტოტრანს­პორ­ტის მოძრაობა ხორციელდება თბილისის შემოვლითი გზით, რომლის ცალკეულ მონაკვეთებს ესაჭიროება რეკონ­სტრუქცია-რეაბილიტაცია შეუფერხებელი ტრანზიტული მოძ­რაობის უზრუნველსაყოფად.

თბილისის შემოვლითი გზის ცალკეული მონაკვეთების რეკონსტრუქციისა და სავალი ნაწილის მოწესრიგების სამუშაოთა შესრულების მიზნით:

1. ცნობად იქნეს მიღებული, რომ 2007 წელს რეაბი­ლიტაცია ჩაუტარდება თბილისის შემოვლითი გზის 5,4 კმ სიგრძის მონაკვეთს (მე-9 კმ-დან მე-14 კმ-მდე).

2. საქართველოს ეკონომიკური განვითარების სამინის­ტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა:

ა) 2007 წელს უზრუნველყოს თბილისის შემოვლითი გზის 3,1 კმ სიგრძის დაზიანებული მონაკვეთის (მე-15 კმ-დან მე-17 კმ-მდე) რეკონსტრუქციის სამუშაოთა საპროექტო დო­კუმენტაციის შედგენა, რომლის დაფინანსება განხორ­ცი­ელდება „საქართვე­ლოს 2007 წლის სახელმწიფო ბიუჯეტის შესახებ“საქარ­თველოს კანონით საქართველოს საავტომობილო გზების დეპარტამენტისათვის „თბილისი-სენაკი-ლესელიძის საავტომობილო გზის ნატახტარი-რუისის მონა­კვეთის (81-ე კმ-დან 95-ე კმ-მდე) რეკონსტრუქცია-მოდერ­ნი­ზა­ციისათვის“გათვალისწინებული ასიგნებებიდან, ხოლო პროექ­ტის რეალიზაცია განახორციელოს 2008 წლის ბოლო­მდე;

ბ) რეკონსტრუქციის სამუშაოთა შესრულებამდე უზრუნველ­ყოს ამ მონაკვეთზე დროებითი სარეაბილიტაციო ღონისძიებათა განხორციელება თბილისის შემოვლითი გზის მთელ სიგრძეზე ავტოტრანსპორტის განვლადობის შედარებით გაუმჯობესებისათვის.

3. ეთხოვოს ქალაქ თბილისის მერიას 2007 წელს გა­ნიხილოს და გადაწყვიტოს თბილისის შემოვლითი გზის ზაჰესის (1-ლი კმ-დან მე-4 კმ-მდე) დასახლებაში (ავჭალის, ყოფილი ულიანოვის ქუჩაზე) მდებარე გამავალი მაგისტრა­ლური წყალსადენის რეაბილიტაციის საკითხი, რომლის შემ­დგომ საავტომობილო გზების დეპარტამენტმა განახორ­ციელოს გზის ამ მონაკვეთის სავალი ნაწილის საგზაო სა­მოსის რეაბილიტაცია.

4. განკარგულება ძალაშია ხელმოწერის დღიდან.

პრემიერ-მინისტრი                              ზ. ნოღაიდელი