2009-2010 წლების ზამთრის პერიოდისათვის მოსახლეობის, საბიუჯეტო ორგანიზაციებისა და საქართველოს საპატრიარქოს სათბობი შეშით უზრუნველყოფის ღონისძიებათა შესახებ

✨ ჰკითხე AI-ს ამ კანონის შესახებ
საქართველოს მთავრობის განკარგულება მოქმედი ბიუჯეტი
მიღების თარიღი
04.08.2009
გამომცემი ორგანო
საქართველოს მთავრობა
ნომერი
№578
სარეგისტრაციო კოდი
000000000.00(0).000.000000
გამოქვეყნების წყარო
matsne.gov.ge , გამოუქვეყნებელი, 0, 04/08/2009
🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 საქართველოს მთავრობის

განკარგულება №578

2009 წლის 4 აგვისტო

ქ. თბილისი

2009-2010 წლების ზამთრის პერიოდისათვის მოსახლეობის, საბიუჯეტო ორგანიზაციებისა და საქართველოს საპატრიარქოს სათბობი შეშით უზრუნველყოფის ღონისძიებათა შესახებ

მოსახლეობის, საბიუჯეტო ორგანიზაციებისა და საქარ­თვე­ლოს საპატრიარქოს სათბობი შეშით უზრუნველყოფის მიზნით:

1. 2009-2010 წლების ზამთრის სეზონის მზადებასთან და­კავშირებით საქართველოს გარემოს დაცვისა და ბუნებრივი რე­სურსების სამინისტროს სახელმწიფო საქვეუწყებო დაწესე­ბულებამ – სატყეო დეპარტამენტმა (შემდგომში – სატყეო დე­პარ­ტამენტი) უზრუნველყოს სახელმწიფო სამეურნეო ტყის ფონ­დის ტერიტორიაზე ტყეკაფების გამოყოფის სამუშაოების ორგანიზება, რეგიონალური სატყეო სამმართველოების მეშვეობით ადგილობრივი მოსახლეობის, საბიუჯეტო ორგანი­ზაციებისა და საქართველოს მართლმადიდებლური ეკლესიის ეპარქიებისთვის ტყეკაფების დამაგრება და სათბობი შეშის გაცემა მოქმედი კანონმდებლობის შესაბამისად.

2. მოსახლეობის სათბობი შეშით უზრუნველყოფისას ერთ კომლზე გასაცემი სათბობი შეშის რაოდენობა განისა­ზღვ­როს ადგილობრივი მოსახლეობის მუდმივი საცხოვრებელი ადგილის მიხედვით, კერძოდ, „მაღალმთიანი რეგიონების სო­ცი­ალურ-ეკონომიკური და კულტურული განვითარების შესა­ხებ” საქართველოს კანონით განსაზღვრულ მაღალმთიან რე­გი­ონებში – არა უმეტეს 12 მ3, ხოლო დანარჩენ ტერიტორიაზე – არა უმეტეს 7 მ3.

3. სატყეო დეპარტამენტის მიერ საქართველოს მართლმა­დიდებლური ეკლესიის ეპარქიებსა და საბიუჯეტო ორგა­ნიზა­ციებზე სათბობი შეშის გაცემა განხორციელდეს შესაბამისად საქართვე­ლოს საპატრიარქოსა და საბიუჯეტო ორგანიზაცი­ე­ბის არგუმენტირებული მოთხოვნის საფუძველზე.

4. საჭიროების შემთხვევაში სატყეო დეპარტამენტი უფ­ლე­ბა­მოსილია საქართველოს საპატრიარქოს (საქართველოს მართლმადიდებლური ეკლესიის ეპარქიებისათვის) და ადგი­ლობ­რივი თვითმმართველობის ორგანოების (ადგილობრივი მოსახლეობისა და საბიუჯეტო ორგანიზაციებისათვის) საშეშე მერქნის დამატებით გამოყოფის შესახებ არგუმენტირებული მოთხოვნის საფუძველზე განახორციელოს სახელმწიფო სა­მეურნეო ტყის ფონდის მიკროუბნებში, შესაძლებლობის ფარგ­ლებში, საშეშე კატეგორიის ხეების აღრიცხვა (მონიშვნა), აღრიცხვა-შეფასების მაუწყებელში მონიშნული ხეების ადგილმდებარეობის (სატყეო უბანი, კვარტალი, ლიტერი) მითი­თებით შეტანა, ხეების დამაგრება და გაცემა რეგიონალური სატყეო სამმართველოების მეშვეობით.

 

პრემიერ-მინისტრი       ნიკა გილაური