რიგ საწარმოებზე რიცხული საგადასახადო და სასესხო დავალიანებების შესახებ

საქართველოს მთავრობის

განკარგულება №674

2009 წლის 17 სექტემბერი

ქ. თბილისი

რიგ საწარმოებზე რიცხული საგადასახადო და სასესხო დავალიანებების შესახებ

     1. საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის მე-3 მუხლის მე-3 პუნქტის „ა“ ქვეპუნქტის შესაბამისად მიღებულ იქნეს საქართველოს ფინანსთა სამინისტროსთან შექმნილი ვადაგადაცილებული საგადასახადო და სასესხო დავალიანებების რესტრუქტურიზაციის მიზანშეწონილობის საკითხის შემსწავლელი კომისიის წინადადება და განხორციელდეს:

 ა) ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის მე-3 მუხლის მე-7 პუნქტის საფუძველზე – შეზღუდული პასუხისმგებლობის საზოგადოებებზე: ,,ჭიათურბაგირგზებსა“ და ,,შალვა (დავით) ქორიძის სახელობის სამშობიარო სახლზე“ რიცხული ვადაგადაცილებული საგადასახადო დავალიანებების რესტრუქტურიზაცია;

ბ) „საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის  მე-3 მუხლის მე-7 პუნქტის საფუძველზე – „საქართველოს ფინანსთა სამინისტროს, საქართველოს ენერგეტიკის სამინისტროს, სსიპ – „ენერგოგენერაციასა” და სს „ხრამჰესი-2”-ს შორის გაფორმებული მემორანდუმის საფუძველზე ჰიდროელექტროსადგურის რეაბილიტაციის მიზნით ათვისებული თანხების სახელმწიფოსათვის დაბრუნების თაობაზე” საქართველოს ფინანსთა სამინისტროს, სს „ხრამჰესი-2”-სა და სსიპ – „ენერგოგენერაციას” შორის 2008 წლის 10 დეკემბერს გაფორმებული ხელშეკრულებისა და მასზე თანდართული გრაფიკიდან გამომდინარე – სს „ხრამჰესი-2”-ზე 2009 წლის 1 მაისის მდგომარეობით რიცხული ვადაგადაცილებული სასესხო დავალიანების რესტრუქტურიზაცია  2 074 153.64 ლარის ოდენობით (მათ შორის: ძირითადი თანხა – 972 235.35 ლარი, პროცენტი – 946 278.63 ლარი და საურავი – 155 639.66 ლარი).

  2. განკარგულების პირველი პუნქტის „ა“ და „ბ“ ქვეპუნქტებში აღნიშნულ საწარმოებზე რიცხული საგადასახადო და სასესხო დავალიანებების რესტრუქტურიზაციის პირობები განისაზღვროს:

ა) შეზღუდული პასუხისმგებლობის საზოგადოება  ,,ჭიათურბაგირგზებსა“ და შეზღუდული პასუხისმგებლობის საზოგადოება ,,შალვა (დავით) ქორიძის სახელობის სამშობიარო სახლზე“ რიცხული ვადაგადაცილებული საგადასახადო დავალიანებების რესტრუქტურიზაციის პირობები, ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის მე-4 მუხლის პირველი პუნქტის საფუძველზე, დანართის შესაბამისად;

ბ) სააქციო საზოგადოება ,,ხრამჰესი-2“-ზე რიცხული ვადაგადაცილებული სასესხო დავალიანების რესტრუქტურიზაციის პირობები, ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის მე-5 მუხლის პირველი პუნქტის საფუძველზე, დანართის შესაბამისად.

3. „საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის  მე-3 მუხლის  მე-3 პუნქტის „ბ“ ქვეპუნქტის გათვალისწინებით:  

ა) როგორც უიმედო სასესხო დავალიანებები, ჩამოეწეროს შპს ,,საქართველო-ავსტრიის ერთობლივ საწარმო მეტეხს”, საქართველოს ფინანსთა სამინისტროსა და შპს ,,საქართველო-ავსტრიის ერთობლივ საწარმო მეტეხს შორის გაფორმებული 2000 წლის 26 დეკემბრის ,,სასესხო ხელშეკრულების” პირობების შეუსრულებლობის გამო, შპს ,,საქართველო-ავსტრიის ერთობლივი საწარმო მეტეხის~ მიმართ გაკოტრების საქმის წარმოების დამთავრების თარიღისათვის (2008 წლის 31 მარტისათვის) მასზე რიცხული  სასესხო დავალიანება, 51 147 740,18 ევროს ოდენობით;

ბ) საქართველოს ფინანსთა სამინისტრომ უზრუნველყოს საქართველოს ფინანსთა სამინისტროსა და შპს ,,საქართველო-ავსტრიის ერთობლივ საწარმო მეტეხს” შორის 2000 წლის 26 დეკემბერს გაფორმებული ,,სასესხო ხელშეკრულების” გაუქმება.

  პრემიერ-მინისტრი                 ნიკა გილაური    

                                         

 

                                                                                                                                                                                                                                                                                                                                                                                                                                                                                                                                                              

                                    დანართი                                                                                                                                   

 

რიგ საწარმოებზე რიცხული

საგადასახადო და სასესხო დავალიანებების შესახებ