საქართველოს მთავრობასა და კომპანია „Pomagalski“-ს შორის 2011 წლის 21 ოქტომბერს გაფორმებული ხელშეკრულებით გათვალისწინებული პროექტის ფარგლებში განსახორციელებელი ღონისძიებებისა და ,,საქართველოს მთავრობასა და კომპანია „Pomagalski“-ს შორის 2011 წლის 21 ოქტომბერს გაფორმებულ ხელშეკრულებაში ცვლილების შეტანის შესახებ შეთანხმების პროექტის მოწონებისა და საქართველოს რეგიონული განვითარებისა და ინფრასტრუქტურის სამინისტროსათვის უფლებამოსილების მინიჭების შესახებ“ საქართველოს მთავრობის 2012 წლის 31 დეკემბრის №2108 განკარგულებაში ცვლილების შეტანის თაობაზე

საქართველოს მთავრობის

განკარგულება №423

2013 წლის 7 მაისი

ქ. თბილისი

საქართველოს მთავრობასა და კომპანია „Pomagalski“-ს შორის 2011 წლის 21 ოქტომბერს გაფორმებული ხელშეკრულებით გათვალისწინებული პროექტის ფარგლებში განსახორციელებელი ღონისძიებებისა და ,,საქართველოს მთავრობასა და კომპანია „Pomagalski“-ს შორის 2011 წლის 21 ოქტომბერს გაფორმებულ ხელშეკრულებაში ცვლილების შეტანის შესახებ შეთანხმების პროექტის მოწონებისა და საქართველოს რეგიონული განვითარებისა და ინფრასტრუქტურის სამინისტროსათვის უფლებამოსილების მინიჭების შესახებ“ საქართველოს მთავრობის 2012 წლის 31 დეკემბრის  №2108 განკარგულებაში ცვლილების შეტანის თაობაზე

1. ცნობად იქნეს მიღებული :

ა) საქართველოს მთავრობის 2012 წლის 31 დეკემბრის №2108 გან­კარგულების საფუძველზე საქართველოს რეგიონული განვითარებისა და ინფრასტრუქტურის სამინისტროს (შემდგომში - სამინისტრო) მიერ წარ­მოდ­გენილი ინფორმაცია საქართველოს მთავრობასა და კომპანია „Pomagalski“‑ს შორის 2011 წლის 21 ოქტომბერს გაფორმებული ხელშეკ­რულებით გათვალისწინებული პროექტის სრულად განხორციელების მიზანშეწონილობის თაობაზე;

ბ) ამ პუნქტის „ა“ ქვეპუნქტით გათვალისწინებული პროექტის ფარ­გლებში საპროექტო, სამშენებლო-სამონტაჟო და სხვა ღონისძიებების განხორციელების მიზნით, საქართველოს ეკონომიკისა და მდგრადი განვითარების სამინისტროს მიერ შპს „თეთნულდი დეველოპმენტის“ (შემდგომ ტექსტში  - კომპანია) შექმნა;

გ) საქართველოს მთავრობასა და კომპანია „Pomagalski“-ს შორის 2011 წლის 21 ოქტომბერს გაფორმებული ხელშეკრულების პირობების შესაბამისად, კომპანია „Pomagalski“-სათვის 2013 წლის განმავლობაში ასა­ნაზღაურებელი თანხები, ასევე კომპანია „Pomagalski“-ს მიერ მოწოდე­ბული საქონლის იმპორტირებასთან დაკავშირებული თანხები „საქარ­თვე­ლოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებულია საქართველოს ეკონომიკისა და მდგრადი განვითარების სამინისტროს ასიგნებებში (პროგრამული კოდი 24 08 - სათხილამურო ინფრასტრუქტურის განვითარება ზემო სვანეთში (საფ­რანგეთის რესპუბლიკის მთავრობა));

დ) „საქართველოს 2013 წლის სახელმწიფო ბიუჯეტის შესახებ“ საქართველოს კანონში  ცვლილებების განხორციელებამდე, სამინისტროს დადასტურების საფუძველზე NATIXIS-ის ბანკიდან კომპანია „Pomagalski“-სათვის გადარიცხული თანხების ასახვა „საქართველოს 2013 წლის სახელმწიფო ბიუჯეტის შესახებ“ საქართველოს კანონით საქარ­თვე­ლოს ეკონომიკისა და მდგრადი განვითარების სამინისტროსათვის 24 08 პროგრამული კოდით გათვალისწინებული  ასიგნებების, „კრედიტის“ ნაწილში;

ე) კომპანია „Pomagalski“-ს მიერ მოწოდებული საქონლის და მომსა­ხუ­რების ღირებულება,  ასევე  კომპანიის მიერ ამ პუნქტის „ა“ ქვეპუნქ­ტით გათვალისწინებული პროექტის ფარგლებში საპროექტო, სამშენებ­ლო-სამონტაჟო და სხვა ღონისძიებების განხორციელების მიზნით, შესყი­დული სამუშაოების, საქონლისა და მომსახურების ღირებულება, აისახე­ბა კომპანიის კაპიტალში.

2. სამინისტროს მიერ წარმოდგენილი წინადადებების საფუძველ­ზე, ამ განკარგულების პირველი პუნქტის „ა“ ქვეპუნქტით გათვალისწი­ნებული ღონისძიებების განხორციელების მიზნით, კომპანიამ უზრუნ­ველ­ყოს თეთნულდის სათხილამურო ტრასებისა და მთის ინფრასტრუქ­ტურის განვითარების საპროექტო და მასთან დაკავშირებული საექს­პერტო მომსახურებების სახელმწიფო შესყიდვა „სახელმწიფო შესყიდვე­ბის შესახებ“ საქართველოს კანონის 10¹ მუხლის მე-3 პუნქტის „დ“ ქვე­პუნქტის შესაბამისად.

3. ამ განკარგულების მე-2 პუნქტით გათვალისწინებული მომსახუ­რებების შესყიდვისა და კომპანიის ფუნქციონირების ხარჯების დაფი­ნანსების მიზნით, საქართველოს ეკონომიკისა და მდგრადი განვითა­რების სამინისტრომ უზრუნველყოს:

ა) „საქართველოს 2013 წლის სახელმწიფო ბიუჯეტის შესახებ“ საქართველოს კანონით საქართველოს ეკონომიკისა და მდგრადი განვი­თა­რე­ბის სამინისტროსათვის 24 08  პროგრამული კოდით გათვალისწინე­ბული ასიგნებების „საბიუჯეტო სახსრების“ ნაწილიდან კომპანიისათვის 3 000 000 (სამი მილიონი) ლარის გადარიცხვა;

ბ)კომპანიის კაპიტალის გაზრდა 3 000 000 (სამი მილიონი) ლარით.

4. საქართველოს ეკონომიკისა და მდგრადი განვითარების სამინის­ტრომ უზრუნველყოს კომპანიის სახელმწიფო საკუთრებაში არსებული 100%-იანი წილის მართვის უფლებით სამინისტროსათვის გადაცემის პროცედურების დაწყება.

5. ამ განკარგულების პირველი პუნქტის „ა“ ქვეპუნქტით გათვა­ლისწინებული ხელშეკრულების ფარგლებში კომპანია „Pomagalski“‑ის მიერ მოწოდებული საქონლის იმპორტირებასა და მასთან დაკავშირე­ბული სხვა ხარჯების ანაზღაურების მიზნით, სამინისტრომ უზრუნ­ველყოს „საქართველოს 2013 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებების ფარგლებში რესურსის მოძიება და საქართველოს ფინანსთა სამინისტროსათვის შესაბამისი წინადადებების წარდგენა.

       6. საქართველოს ზოგადი ადმინისტრაციული კოდექსის 63-ე მუხ­ლის შესაბამისად, ,,საქართველოს მთავრობასა და კომპანია „Pomagalski“-ს შორის 2011 წლის 21 ოქტომბერს გაფორმებულ ხელშეკრულებაში ცვლილების შეტანის შესახებ შეთანხმების პროექტის მოწონებისა და სა­ქართ­ველოს რეგიონული განვითარებისა და ინფრასტრუქტურის სამი­ნის­ტრო­სათვის უფლებამოსილების მინიჭების შესახებ“ საქართველოს მთავრობის 2012 წლის 31 დეკემბრის  N2108 განკარგულებაში  შეტანილ იქ­ნეს  ცვლილება და განკარგულების პირველი პუნქტი ჩამოყალიბდეს შემდეგი რედაქციით:

„1. მოწონებულ იქნეს საქართველოს რეგიონული განვითარებისა და ინფრასტრუქტურის სამინისტროს მიერ წარმოდგენილი საქართვე­ლოს მთავრობასა და კომპანია „Pomagalski“-ს შორის გასაფორმებელი შე­თანხმების პროექტი, 2011 წლის 21 ოქტომბერს გაფორმებულ საქონლის მი­წოდების თაობაზე სახელმწიფო შესყიდვის შესახებ ხელშეკრულებაში ცვლილების შეტანის შესახებ.“.

 

პრემიერ-მინისტრი                                                              ბ . ივანიშვილი