„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის N996 ბრძანებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი ფინანსური ადმინისტრირება გადასახადები

მიღების თარიღი

27.02.2014

გამომცემი ორგანო

საქართველოს ფინანსთა მინისტრი

ნომერი

№64

სარეგისტრაციო კოდი

200090000.22.033.016621

გამოქვეყნების წყარო

matsne.gov.ge , 28/02/2014

🧬 მსგავსი 10 📎 დანართები 3

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს ფინანსთა მინისტრის

ბრძანება №64

2014 წლის 27 თებერვალი

ქ. თბილისი

„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვ ბ რ ძ ა ნ ე ბ :

მუხლი 1

„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებით (სსმ, ვებგვერდი, 060111; 200090000.22.033.016112, 3.01.2011წ.) დამტკიცებული ინსტრუქციის:

1. მე-19 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. დაინტერესებული პირი, განსახორციელებელი ან განხორციელებული ოპერაციის მიხედვით საგადასახადო ანგარიშგების წესების ან/და შესასრულებელი საგადასახადო ვალდებულებების განსაზღვრის მიზნით წინასწარი გადაწყვეტილების გამოცემის მოთხოვნით მიმართავს შემოსავლების სამსახურს დანართი №I-15-ით გათვალისწინებული ფორმით, რომელიც ივსება დანართი №I-15¹-ით დადგენილი წესის შესაბამისად.“;

ბ) მე-4 პუნქტი ჩამოყალიბდეს შემდეგი რედაქციით:

„4. შემოსავლების სამსახური უფლებამოსილია უარი თქვას წინასწარი გადაწყვეტილების გამოცემაზე შემდეგი საფუძვლების არსებობისას:

ა) პირის მიერ წინასწარი გადაწყვეტილების მოთხოვნა იმ საკითხზე ან/და იმ პერიოდზე, რომლის შემოწმების მიზნითაც მას უკვე ჩაბარდა საგადასახადო შემოწმების ჩატარების შესახებ სასამართლოს ან საგადასახადო ორგანოს შესაბამისი გადაწყვეტილება/შეტყობინება ან რომელზედაც შედგენილია საგადასახადო სამართალდარღვევის ოქმი;

ბ) პირის მიერ წინასწარი გადაწყვეტილების მოთხოვნა იმ პერიოდზე, რომელიც უკვე შემოწმებულია საგადასახადო ორგანოს მიერ;

გ) პირის მიერ წინასწარი გადაწყვეტილების მოთხოვნა იმ საკითხზე რომელიც უკვე შემოწმებულია საგადასახადო ორგანოს მიერ, გარდა იმ შემთხვევისა, როცა საკითხის შემოწმებისას საგადასახადო ორგანოს მიერ არ განხორციელებულა დამატებით თანხის დარიცხვა ან/და საგადასახადო სანქციის გამოყენება და პირი ითხოვს წინასწარი გადაწყვეტილების გამოცემას მომავალში განსახორციელებელ ოპერაციებზე;

დ) საგადასახადო სფეროში ჩადენილი დანაშაულის გამო პირის წინააღმდეგ დაწყებულია სისხლისსამართლებრივი დევნა ან/და წინასწარი გადაწყვეტილების მოთხოვნით გათვალისწინებულ საკითხთან დაკავშირებით მის მიმართ მიმდინარეობს საგადასახადო სამართალდარღვევის ან ადმინისტრაციული სამართალდარღვევის საქმის წარმოება;

ე) პირის მიერ მოთხოვნაში არსებული ხარვეზის დადგენილ ვადაში აღმოუფხვრელობა;

ვ) პირის მიერ წინასწარი გადაწყვეტილების მოთხოვნა იმ საკითხზე, რომელიც არ არის გათვალისწინებული საქართველოს საგადასახადო კოდექსის 47-ე მუხლით;

ზ) შემოსავლების სამსახურის უფროსის ან მის მიერ შესაბამისი უფლებამოსილებით აღჭურვილი მოადგილის მოტივირებული გადაწყვეტილება.”;

გ) მე-8 პუნქტი ჩამოყალიბდეს შემდეგი რედაქციით:

„8. საქართველოს ფინანსთა მინისტრის მიერ წინასწარი გადაწყვეტილების პროექტის შეთანხმების შემთხვევაში, შემოსავლების სამსახურის უფროსი ან მის მიერ შესაბამისი უფლებამოსილებით აღჭურვილი მოადგილე, №I-16 დანართის შესაბამისად, გამოსცემს წინასწარ გადაწყვეტილებას, რომელიც ეგზავნება წინასწარი გადაწყვეტილების მოთხოვნის წარმდგენ პირს.“;

დ) მე-9 პუნქტი ამოღებულ იქნეს.

2. №I-15; №I-15¹; №I-16 დანართები ჩამოყალიბდეს თანდართული რედაქციით.

მუხლი 2

ეს ბრძანება ამოქმედდეს გამოქვეყნებიდან მე-3 დღეს.

ფინანსთა მინისტრი

ნოდარ ხადური

📎 დანართები (3)

dan. 1.doc DOC ⬇

დანართი №I-15

მოთხოვნა

წინასწარი გადაწყვეტილების

გამოცემის თაობაზე

|I. წინასწარი გადაწყვეტილების გამოცემის თაობაზე მოთხოვნის წარმომდგენი |

| |

|სახელი, გვარი (სახელწოდება) პირადი (საიდენ.) ნომერი მისამართი (ფაქტიური ადგილსამყოფელი) |

| |

|საკონტაქტო ტელეფონი ელექტრონული ფოსტა |

| |

|II. წინასწარი გადაწყვეტილების გამოცემის თაობაზე მოთხოვნის წარმომდგენის წარმომადგენელი |

| |

|საკონტაქტო ტელეფონი ელექტრონული ფოსტა |

| |

|III. განსახორციელებელი ან განხორციელებული ოპერაციის შინაარსის და მასთან დაკავშირებული ფაქტობრივი გარემოებების დეტალური აღწერა |

| |

|IV. განსახორციელებელი ან განხორციელებული ოპერაციის მიხედვით საგადასახადო ანგარიშგების წესების ან/და შესასრულებელი საგადასახადო ვალდებულებების განსაზღვრასთან |

|დაკავშირებით პირის მოთხოვნა (დასმული კითხვები) |

|კითხვა #1 |

| |

|კითხვა #2 |

| |

|კითხვა #3 |

| |

|V. წინასწარი გადაწყვეტილების გამოცემის თაობაზე მოთხოვნის წარმომდგენი პირის პოზიცია მის მიერ დასმულ საკითხზე, აგრეთვე სამართლებრივი საფუძვლები, რომლებზედაც |

|აღნიშნული პირი ამყარებს თავის პოზიციას |

| |

|VI. წინასწარი გადაწყვეტილების გამოცემის თაობაზე მოთხოვნაზე თანდართული საბუთების ნუსხა |

| |დოკუმენტის დასახელება |გვერდების რაოდენობა |

|1 | | |

|2 | | |

|3 | | |

|4 | | |

| |

|VII. ინფორმაცია წინასწარი გადაწყვეტილების გამოცემაზე შესაძლო უარის თქმის საფუძვლის თაობაზე |

| |

|შესაბამისი უჯრის მონიშვნით (√) ვადასტურებ, რომ |

| |

|არ არსებობს „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის #996 ბრძანებით დამტკიცებული ინსტრუქციის მე-19 მუხლის მე-4|

|პუნქტის „ა“-„დ“ ქვეპუნქტებით გათვალისწინებული წინასწარი გადაწყვეტილების გამოცემაზე უარის თქმის საფუძვლები; |

| |

|არსებობს „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის #996 ბრძანებით დამტკიცებული ინსტრუქციის მე-19 მუხლის მე-4 |

|პუნქტის „ა“-„დ“ ქვეპუნქტებით გათვალისწინებული წინასწარი გადაწყვეტილების გამოცემაზე უარის თქმის საფუძვლები. არსებულის შემთხვევაში, დეტალურად მიუთითეთ კონკრეტული |

|გარემოების შესახებ. |

| |

|ამ მოთხოვნაში სრულად და სწორად არის წარმოდგენილი წინასწარი გადაწყვეტილების გამოცემისათვის არსებითი მნიშვნელობის მქონე ყველა ფაქტი და გარემოება. |

| |

|VIII. წინასწარი გადაწყვეტილების გამოცემის თაობაზე მოთხოვნის წარმომდგენი უფლებამოსილი პირის ხელმოწერა |

| |

|________________________________ ________________________________ ____/____/________ |

| ხელმოწერა სახელი, გვარი |

|თარიღი |

dan. 2.doc DOC ⬇

დანართი №I-16

წინასწარი გადაწყვეტილება

| |

|(წინასწარი გადაწყვეტილების საგანი) |

1. დასმული შეკითხვა/შეკითხვები

| |

2. ოპერაციის შინაარსი და ფაქტობრივი გარემოებები

| |

3. წინასწარი გადაწყვეტილება

| |

4. წინასწარი გადაწყვეტილების სამართლებრივი საფუძვლები

წინასწარი გადაწყვეტილება გამოცემულია საქართველოს საგადასახადო კოდექსის 47-ე მუხლის და „გადასახდების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის #996 ბრძანებით დამტკიცებული ინსტრუქციის მე-19 მუხლის საფუძველზე.

5. წინასწარი გადაწყვეტილება გაიცემა და მოქმედებს იმ პირობით, რომ:

ა) არ არსებობს „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის #996 ბრძანებით დამტკიცებული ინსტრუქციის მე-19 მუხლის მე-4 პუნქტის „ა“-„დ“ ქვეპუნქტებით გათვალისწინებული წინასწარი გადაწყვეტილების გამოცემაზე უარის თქმის საფუძვლები, გარდა იმ შემთხვევისა, როდესაც, შემოსავლების სამსახურმა გამოსცა წინასწარი გადაწყვეტილება, მიუხედავად იმისა, რომ გადასახადის გადამხდელის მიერ აღნიშნული საფუძვლების შესახებ მითითებული იყო დანართი №I-15-ის შესაბამისად წინასწარი გადაწყვეტილების გამოცემის მოთხოვნით წარდგენილ განცხადებაში;

ბ) განმცხადებლის მიერ წინასწარი გადაწყვეტილების გამოცემის მოთხოვნაში სრულად და სწორად არის წარმოდგენილი წინასწარი გადაწყვეტილების გამოცემისათვის არსებითი მნიშვნელობის მქონე ყველა ფაქტი და გარემოება.

ფაქტები და გარემოებები წინასწარი გადაწყვეტილების გამოცემისათვის არსებითი მნიშვნელობის მქონედ ითვლება, თუ რომელიმე მათგანის წარმოუდგენლობის ან არასრულად წარდგენის შემთხვევაში წინასწარი გადაწყვეტილების მოთხოვნაში განმცხადებლის მიერ დასმულ საკითხზე წინასწარი გადაწყვეტილება სხვა შინაარსით გამოიცემოდა.

6. წინასწარი გადაწყვეტილების გასაჩივრება

წინასწარი გადაწყვეტილება შეიძლება გასაჩივრდეს საქართველოს საგადასახადო კოდექსის XIV კარით დადგენილი წესით, წინასწარი გადაწყვეტილების ჩაბარებიდან 30 დღის ვადაში, საქართველოს ფინანსთა სამინისტროს სისტემაში – წერილობითი ან ელექტრონული ფორმით საჩივრის შემოსავლების სამსახურში (მის.: ქ. თბილისი, ვ. გორგასლის ქ. №16 ან ქ. ქუთაისი, ჯავახიშვილის ქ. №5) წარდგენის გზით. აგრეთვე, თბილისის საქალაქო სასამართლოში (მის.: ქ. თბილისი, აღმაშენებლის ხეივანი, მე-12 კმ. №6) საქართველოს კანონმდებლობით დადგენილი წესით.

| | |20 | |

|(რიცხვი) (თვე) (წელი) |(სამსახურის უფროსის ან მის მიერ შესაბამისი უფლებამოსილებით აღჭურვილი მოადგილის |

| |ხელმოწერა) |

dan. 3.doc DOC ⬇

დანართი №I-151

წინასწარი გადაწყვეტილების გამოცემის თაობაზე

მოთხოვნის (შემდგომში - მოთხოვნის) შევსების წესი

I. მოთხოვნის წარმომდგენი

მოთხოვნის წარმომდგენი ხართ თქვენ (ფიზიკური პირი ან იურიდიული პირი საქართველოს სამოქალაქო კოდექსის შესაბამისად, საწარმო ან ორგანიზაცია საქართველოს საგადასახადო კოდექსის შესაბამისად), რომელიც დაინტერესებული ხართ განსახორციელებელი ან განხორციელებული ოპერაციის მიხედვით საგადასახადო ანგარიშგების წესების ან/და შესასრულებელი საგადასახადო ვალდებულებების განსაზღვრის თაობაზე.

II. მოთხოვნის წარმომდგენის წარმომადგენელი

შესაძლებელია გყავდეთ უფლებამოსილი ან კანონიერი წარმომადგენელი. თუ მოთხოვნის წარდგენის მომენტისათვის გყავთ წარმომადგენელი, მოთხოვნაში უნდა მიუთითოთ, როგორც თქვენი, ასევე, წარმომადგენლის მონაცემები. თუ მოთხოვნა შემოაქვს თქვენს წარმომადგენელს, მაშინ მან უნდა მიუთითოს როგორც საკუთარი, ასევე, თქვენი (მარწმუნებლის) მონაცემები. ამავე დროს, წარმომადგენელმა მოთხოვნას უნდა დაურთოს წარმომადგენლობითი უფლებამოსილების დამადასტურებელი დოკუმენტი.

III. განსახორციელებელი ან განხორციელებული ოპერაციის შინაარსის და მასთან დაკავშირებული ფაქტობრივი გარემოებების დეტალური აღწერა

წინამდებარე გრაფაში მიუთითეთ განსახორციელებელი ან განხორციელებული კონკრეტული ოპერაციის შინაარსი და მასთან დაკავშირებული ფაქტობრივი გარემოებები ნათლად და ლაკონურად. თქვენ თვითონ განსაზღვრეთ რომელი ფაქტობრივი გარემოება უნდა დაედოს საფუძვლად მოთხოვნას. ამავე დროს, არ მიუთითოთ იმ ფაქტობრივ გარემოებებზე, რომლებსაც საქმისათვის არ აქვთ მნიშვნელობა ან/და არ შეუძლიათ გავლენა მოახდინონ წინასწარ გადაწყვეტილებაზე. წინასწარი გადაწყვეტილება დაეყრდნობა მხოლოდ იმ ფაქტობრივ გარემოებებს, რომლებსაც მოცემულ გრაფაში აღწერთ.

IV. განსახორციელებელი ან განხორციელებული ოპერაციის მიხედვით საგადასახადო ანგარიშგების წესების ან/და შესასრულებელი საგადასახადო ვალდებულებების განსაზღვრასთან დაკავშირებით პირის მოთხოვნა (დასმული კითხვები)

აღნიშნულ გრაფაში უნდა მიუთითოთ კონკრეტული კითხვები, რომლებიც უკავშირდება განსახორციელებელი ან განხორციელებული ოპერაციის მიხედვით საგადასახადო ანგარიშგების წესების ან/და შესასრულებელი საგადასახადო ვალდებულებების განსაზღვრას და რაზეც გსურთ წინასწარი გადაწყვეტილების მიღება.

V. მოთხოვნის წარმდგენი პირის პოზიცია მის მიერ დასმულ საკითხზე, აგრეთვე სამართლებრივი საფუძვლები, რომლებზედაც აღნიშნული პირი ამყარებს თავის პოზიციას

წინამდებარე გრაფაში უნდა მიუთითოთ, ის მიზეზები რამაც განაპირობა წინასწარი გადაწყვეტილების მოთხოვნის წარმოდგენა. აგრეთვე, თქვენი პოზიცია და სამართლებრივი არგუმენტაცია თქვენს მიერ დასმულ მოთხოვნასთან (კითხვებთან) დაკავშირებით. კერძოდ, როგორ უნდა განისაზღვროს საგადასახადო ანგარიშგების წესები ან/და შესასრულებელი საგადასახადო ვალდებულებები.

VI. განაცხადზე თანდართული საბუთების ნუსხა

წინასწარი გადაწყვეტილების მოთხოვნას უნდა დაურთოთ ის დოკუმენტები, რომელიც საჭიროა წინასწარი გადაწყვეტილების გამოცემისათვის.

VII. ინფორმაცია წინასწარი გადაწყვეტილების გამოცემაზე შესაძლო უარის თქმის საფუძვლის თაობაზე

აღნიშნულ გრაფაში, შესაბამისი უჯრის მონიშვნით, მოთხოვნის წარმომდგენი პირი ადასტურებს, რომ არ არსებობს „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის #996 ბრძანებით დამტკიცებული ინსტრუქციის მე-19 მუხლის მე-4 პუნქტის „ა“-„დ“ ქვეპუნქტებით გათვალისწინებული წინასწარი გადაწყვეტილების გამოცემაზე უარის თქმის საფუძვლები. ხოლო მათი არსებობის შემთხვევაში, დეტალურად ფიქსირდება შესაბამის უჯრაში.

ამავე გრაფაში, შესაბამისი უჯრის მონიშვნით, მოთხოვნის წარმომდგენი პირი ადასტურებს, რომ მის მიერ წარმოდგენილ მოთხოვნაში სრულად და სწორად არის წარმოდგენილი წინასწარი გადაწყვეტილების გამოცემისათვის არსებითი მნიშვნელობის მქონე ყველა ფაქტი და გარემოება. ფაქტები და გარემოებები წინასწარი გადაწყვეტილების გამოცემისათვის არსებითი მნიშვნელობის მქონედ ითვლება, თუ რომელიმე მათგანის წარმოუდგენლობის ან არასრულად წარდგენის შემთხვევაში წინასწარი გადაწყვეტილების მოთხოვნაში განმცხადებლის მიერ დასმულ საკითხზე წინასწარი გადაწყვეტილება სხვა შინაარსით გამოიცემოდა.

VIII. განაცხადის წარმომდგენი უფლებამოსილი პირის ხელმოწერა

აღნიშნულ გრაფაში ხელს აწერს წინასწარი გადაწყვეტილების გამოცემის თაობაზე მოთხოვნის წარმოდგენაზე უფლებამოსილი პირი.