შპს „ლილო-მოლთან“ დაკავშირებით გასატარებელი ზოგიერთი ღონისძიების შესახებ

საქართველოს მთავრობის

განკარგულება №1145

2012 წლის 13 ივნისი

ქ. თბილისი

შპს „ლილო-მოლთან“ დაკავშირებით გასატარებელი ზოგიერთი ღონისძიების შესახებ

     1. მიღებულ იქნეს ცნობად, რომ შპს „ლილო-მოლმა“ (ს/ნ 208150506) განცხადებით მიმართა საჯარო სამართლის იურიდიულ პირს – შემო­სავლების სამსახურს, რომ 2014 წლის 1 იანვრამდე უზრუნველყოფს სპე­ცი­ა­­ლური სავაჭრო ზონის შესაბამისობაში მოყვანას „სპეციალური სავა­ჭ­რო ზონის ფუნქციონირების წესის შესახებ“ საქართველოს მთავრობის 2011 წლის 27 დეკემბრის №493 დადგენილებით გათვალისწინებულ მო­თხო­ვნებთან. ამასთან, შპს „ლილო-მოლი“ (ს/ნ 208150506) ითხოვს თა­ვი­­­სი ტერიტორიის მიმდებარედ, ქ. თბილისის თვით­მმა­რ­­თვე­ლი ერთე­უ­ლის საკუთრებაში არსებული, დაახლოებით 9 ჰა მიწის ნაკ­­ვე­თის პირ­და­­პირი მიყიდვის ფორმით საკუთრებაში გადაცემას 1 000 000 ლა­­­რის ღი­რებულების ფარგლებში და, ასევე, საგადასახადო შეთან­ხმე­­ბის გა­ფორ_­­მებას შემდეგი პირობებით:

     ა) 2015 წლის საანგარიშო პერიოდში დასადეკლარირებელი დამატე­ბული ღირებულების გადასახადი შეუმცირდეს 3 360 000 ლარით, ხოლო ამავე წლის საანგარიშო პერიოდში დასადეკლარირებელი მოგების გა­და­სა­ხადი შეუმცირდეს 1 000 000 ლარით;

     ბ) 2016 წლის საანგარიშო პერიოდში დასადეკლარირებელი და­მატებული ღირებულების გადასახადი შეუმცირდეს 1 640 000 ლარით.

     2. ეთხოვოს ქ. თბილისის მთავრობას სათანადო ღონისძიებების გან­ხო­რ­ციელება შპს „ლილო-მოლისათვის“ (ს/ნ 208150506) ამ განკარ­გუ­ლე­­ბის მე-3 პუნქტის „ა“ ქვეპუნქტით გათვალისწინებული ვალდებუ­ლე­ბის შესრულების პირობით, შპს „ლილო-მოლის“ (ს/ნ 208150506) ტე­რი­ტო­რიის მიმდებარედ არსებული, დაახლოებით 9 ჰა მიწის ნაკვეთის 1 000 000 ლარის ღირებულებით, პირდაპირი მიყიდვის ფორმით სა­კუ­თ­­­რება­ში გადაცემის უზრუნველსაყოფად.

     3. საქართველოს ფინანსთა სამინისტრომ ამ განკარგულების მე-2 პუნ­ქტით გათვალისწინებული მიწის ნაკვეთის შპს „ლილო-მოლისათ­ვის“ (ს/ნ 208150506) საკუთრებაში გადაცემის შემთხვევაში:

     ა) საქართველოს მთავრობას წარუდგინოს განკარგულების შესაბა­მი­სი პროექტი, რომლის მიხედვითაც შპს „ლილო-მოლს“ (ს/ნ 208150506) „სპე­ციალური სავაჭრო ზონის ფუნქციონირების წესის შესა­ხებ“ საქარ­თ­ვე­ლოს მთავრობის 2011 წლის 27 დეკემბრის №493 დადგე­ნი­ლებით გათ­ვა­ლისწინებულ მოთხოვნებთან სპეციალური სავაჭრო ზო­ნის შესა­ბამი­სო­ბ­აში მოყვანის ვადა განესაზღვრება 2014 წლის 1 იან­ვრამ­დე;

     ბ) განახორციელოს სათანადო ღონისძიებები მოქმედი კანონმდებ­ლო­­ბის შესაბამისად, შპს „ლილო-მოლთან“ (ს/ნ 208150506) საგადასა­ხა­დო შეთანხმების გაფორმების უზრუნველსაყოფად, რომლის მიხედ­ვი­თაც:

     ბ.ა) შპს „ლილო-მოლის“ (ს/ნ 208150506) მიერ 2015 წლის საანგა­რი­შო პერიოდში დასადეკლარირებელი დამატებული ღირებულების გა­და­სახადი შემცირდება 3 360 000 ლარით, ხოლო ამავე წლის საანგა­რიშო პე­რიოდში დასადეკლარირებელი მოგების გადასახადი – 1 000 000 ლა­რით;

     ბ.ბ) შპს „ლილო-მოლის“ (ს/ნ 208150506) მიერ 2016 წლის საან­გა­რი­შო პერიოდში დასადეკლარირებელი დამატებული ღირებულების გა­და­სა­ხადი შემცირდება 1 640 000 ლარით.

     4. ამ განკარგულების მე-3 პუნქტის „ა“ ქვეპუნქტით გათვალისწი­ნე­ბუ­ლი ვალდებულების შესრულების შემდეგ შპს „ლილო-მოლს“ (ს/ნ 208150506):

     ა) 2015 წლის საანგარიშო პერიოდში დასადეკლარირებელი დამატე­ბუ­ლი ღირებულების გადასახადი შეუმცირდეს 3 360 000 ლარით, ხოლო ამა­ვე წლის საანგარიშო პერიოდში დასადეკლარირებელი მოგების გა­და­­სახადი – 1 000 000 ლარით;

     ბ) 2016 წლის საანგარიშო პერიოდში დასადეკლარირებელი დამა­ტე­­ბული ღირებულების გადასახადი შეუმცირდეს 1 640 000 ლარით.

 

     პრემიერ-მინისტრი                           ნიკა გილაური