უცხოური საწარმოს ფილიალის „შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში“ სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №1380

2014 წლის 5 აგვისტო

ქ. თბილისი

უცხოური საწარმოს ფილიალის „შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში“სასარგებლო წიაღისეულის მოპოვების ლიცენზიისაგან გათავისუფლების თაობაზე

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკი­ცების თაობაზე“საქართველოს მთავ­რობის 2005 წლის 11 აგ­ვისტოს №136 დადგენილებით დამტკი­ცე­ბული დებულების 7⁴   მუხლის საფუძველზე, E-60 ჩქაროსნული ავტომაგისტრალის რუისი-აგარა-აგარის შემოვლითი გზის მოდერნიზაციის პროექტის (კმ95-კმ114) სამშენებლო სამუშაოების შეუფერხებლად განსახორციელებლად, უცხოური საწარმოს ფილიალი „შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში“ გათავისუფლდეს სასარგებლო წიაღისეულის (საშენ ი მასალები) მო­პო­ვების ლიცენზიისაგან 3 (სამი) თვის ვადით და მიეცეს უფლება, განახორციელოს:

ა) 153 300 მ³ აგარის ქვიშა-ხრეშის მოპოვება ქარელის მუნიციპალიტეტში, სოფ. მოხისის მიმდებარე ტერიტორიაზე, შემდეგ ი X და Y კო­­ორ­დინა­ტების საზღვრებში:

 

№	X	Y
1	400904	4653273
2	401040	4653285
3	401171	4653275
4	401255	4653236
5	401322	4653181
6	401245	4653147
7	401162	4653135
8	401045	4653132
9	400914	4653127
S=5,11 ჰა
WGS 1984

 

ბ) 189 600 მ³ აგარის ქვიშა-ხრეშის მოპოვება ქარელის მუნიციპალიტეტში, სოფ. მოხისის მიმდებარე ტერიტორიაზე, შემდეგ ი X და Y კო­­ორ­დინა­ტების საზღვრებში:

 

 

 

 

 

 

 

 

 

 

 

 

 

№	X	Y
1	400871	4653118
2	400749	4653092
3	400619	4653086
4	400583	4653164
5	400574	4653206
6	400559	4653301
7	400649	4653330
8	400779	4653369
9	400834	4653248
S=6 ,32ჰა
WGS 1984

 

       2. უცხოური საწარმოს ფილიალმა „შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში“ უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნ ებ ით (გეოსაინფორმაციო პაკეტები) განსაზ­ღვრული პირობების შესრულება.

3. უცხოური საწარმოს ფილიალი „შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში“ ვალდებულია:

ა) ამ განკარგულების საფუძველზე მოპოვებული სასარგებლო წიაღისეული გამოიყენოს მხოლოდ განკარგულების პირველი პუნქტით განსაზღვრული სამშენებლო პროექტით გათვალისწინებული მიზნებისათვის;

ბ) განკარგულების ძალაში შესვლიდან ერთი თვის ვადაში უზრუნველყოს საქართველოს სახელმწიფო ბიუჯეტში:

ბ.ა) 26 661 (ოცდაექვსი ათას ექვსას სამოცდაერთი) ლარის გადახდა - 153 300 მ³ აგარის ქვიშა-ხრეშის მოპოვების ლიცენზიისგან გათავისუფლებისთვის;

ბ.ბ) 32 974 (ოცდათორმეტი ათას ცხრაას სამოცდათოთხმეტი) ლარის გადახდა - 189 600 მ³ აგარის ქვიშა-ხრეშის მოპოვების ლიცენზიისგან გათავისუფლებისთვის.

4.უცხოური საწარმოს ფილიალის „შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში“ მიერ ლიცენზიისგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ - გარემოსდაცვითი ზედამხედველობის დეპარტამენტმა (შემდგომში – გარემოსდაცვითი ზედამ ხ ედველობის დეპარტამენტი).

5 . უცხოური საწარმოს ფილიალმა „შპს ჩაინა ნუქლეარ ინდასტრი 23 ქონსტრაქშენ კო-ს ფილიალი საქართველოში“, სასარგებლო წიაღისეულის მოპოვების ვადის გასვლიდან ორი კვირის ვადაში, გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

 

პრემიერ-მინისტრი                                 ირაკლი ღარიბაშვილი