შპს „აჭარისწყალი ჯორჯიასთვის“ სახელმწიფო ტყის ფონდის სპეციალური დანიშნულებით სარგებლობისათვის გაცემის, 35 გრადუსისა და მეტი დაქანების ფერდობებზე სპეციალური ჭრების განხორციელებაზე და საქართველოს „წითელ ნუსხაში“ შეტანილი გადაშენების საფრთხის წინაშე მყოფი ველური მცენარეების ბუნებრივი გარემოდან ამოღებაზე თანხმობის მიცემის შესახებ

საქართველოს მთავრობის

განკარგულება №1745

2014 წლის 29 სექტემბერი

ქ. თბილისი

შპს ,,აჭარისწყალი ჯორჯია სთვის“ სახელმწიფო ტყის ფონდის სპეციალური დანიშნულებით სარგებლობისათვის გაცემის, 35 გრადუსისა და მეტი დაქანების ფერდობებზე სპეციალური ჭრების განხორციელებაზე და საქართველოს „წითელ ნუსხაში“ შეტანილი გადაშენების საფრთხის წინაშე მყოფი ველური მცენარეების ბუნებრივი გარემოდან ამოღებაზე თანხმობის მიცემის შესახებ

      ,,საქართველოს ტყის კოდექსის“ 33-ე მუხლის მე-3 ნაწილის, „საქართველოს „წითელი ნუსხისა" და „წითელი წიგნის“ შესახებ“ საქართველოს კანონის 24-ე მუხლის პირველი პუნქტის „ვ“ ქვეპუნქტის, ამავე მუხლის 2³ პუნქტის, „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული ტყითსარგებლობის წესის 27¹ მუხლის პირველი პუნქტის „ა“ ქვეპუნქტისა და 27⁴ მუხლის მე-5 პუნქტის შესაბამისად:

1. აჭარის რეგიონში აჭარისწყლის ჰიდროელექტროსადგურების სამშენებლო პროექტის განხორციელების მიზნით, ჰიდროელექტროსადგურების კასკადის მეორე საფეხურის (,,კორომხეთიჰესი“) საკვლევ-საძიებო/საინჟინრო-გეოლოგიური სამუშაოების წარმოებისა და ჭაბურღილებამდე მისასვლელი გზების მოწყობისათვის, საჯარო სამართლის იურიდიული პირის - აჭარის სატყეო სააგენტოს (შემდგომში - სააგენტო) მართვას დაქვემდებარებული სახელმწიფო ტყის ფონდის შუახევის სატყეო ადმინისტრაციის შუახევის სატყეოს კვარტალ №1-ში 2480 კვ.მ ფართობით სპეციალური დანიშნულებით სარგებლობის უფლება,ხე-მცენარეების მოჭრის უფლებით,12 თვის ვადით,მიენიჭოს ,,შპს ,,აჭარისწყალი ჯორჯიას“.

2. შპს ,,აჭარისწყალი ჯორჯიას“ მიეცეს უფლება, ამ განკარგულების პირველი პუნქტით გათვალისწინებულ ტერიტორიაზე:

ა) სპეციალური ჭრები განახორციელოს 35 გრადუსისა და მეტი დაქანების ფერდობებზე;

ბ) სააგენტოს მართვას დაქვემდებარებულ სახელმწიფო ტყის ფონდში შუახევის სატყეო კვარტალ №1-ში 170 კვმ ფართობზე, ბუნებრივი გარემოდან ამოიღოს საქართველოს „წითელ ნუსხაში" შეტანილი ველური მცენარე „უხრავის“(Ostrya carpinifolia Scop.) 14 (თოთხმეტი) ინდივიდი.

3. შპს ,,აჭარისწყალი ჯორჯია“ ვალდებულია:

ა) მოჭრილი მერქნული რესურსი დაასაწყობოს სააგენტოს მიერ მითითებულ ტერიტორიაზე და მიღება-ჩაბარების აქტის საფუძველზე გადასცეს სააგენტოს;

ბ) სახელმწიფო ტყის ფონდის სპეციალური დანიშნულებით სარგებლობაში გაცემის სანაცვლოდ, ტყითსარგებლობასთან დაკავშირებული რეკრეაციულ/საკონსერვაციო დანიშნულების საკომპენსაციო ღონისძიებების სახით:

ბ.ა)შუახევის სატყეოს კვარტალ „ნიგაზეულში“, 1480 კვ.მ ფართობზე, დარგოს 504 (ხუთას ოთხი) ძირი სტანდარტული ნერგი, მათ შორის, საქართველოს „წითელ ნუსხაში“ შეტანილი ველური მცენარე - უხრავის (Ostrya carpinifolia Scop.) 140 (ასორმოცი) ძირი და ჭოროხის მუხა (ლათ.Quercus dschorochensis C.Koch) – 182 ძირი და სოსნოვსკის ფიჭვი (ლათ. Pinussosnowskyi) – 182 ძირი;

ბ.ბ) ქედის სატყეო ადმინისტრაციის ცხმორისის სატყეოს კვარტალ „ჯალაბაშვილებში“, 1000 (ათასი) კვ.მ ფართობზე დარგოს 50 (ორმოცდაათი) ძირი სოსნოვსკის ფიჭვის (ლათ. Pinussosnowskyi)ნერგი;

გ) 2015 წლის 30 მაისამდე უზრუნველყოს ამ პუნქტის „ბ“ ქვეპუნქტით განსაზღვრული ტერიტორიების შეღობვა;

დ) 2017 წლის 30 ნოემბრამდე უზრუნველყოს ნერგების დარგვა და დარგვიდან 3 (სამი) წლის განმავლობაში მათი მოვლა, დაცვა და გახარება.

 

პრემიერ-მინისტრი                                                   ირაკლი ღარიბაშვილი