საგარეჯოს მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №119
2015 წლის 3 თებერვალი
ქ. თბილისი
საგარეჯოს მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების 74 მუხლის საფუძველზე, სოფლის მხარდაჭერის პროგრამით გათვალისწინებული ინფრასტრუქტურული პროექტების (გზების აღდგენა-რეაბილიტაცია) განხორციელების მიზნით, საგარეჯოს მუნიციპალიტეტი გათავისუფლდეს სასარგებლო წიაღისეულის (საშენი მასალები) მოპოვების ლიცენზიისაგან 3 თვის ვადით და მიეცეს უფლება, მოიპოვოს 9026 (ცხრა ათას ოცდა ექვსი) მ3 სასარგებლო წიაღისეული შემდეგ X და Y კოორდინატების საზღვრებში:
ა) საგარეჯოს მუნიციპალიტეტის სოფ. დიდი ჩაილურის მიმდებარე ტერიტორია – 2122 მ3 ქვიშა-ხრეში:
| N | X | Y |
| 1 | 541861 | 4617335 |
| 2 | 541910 | 4617372 |
| 3 | 541921 | 4617356 |
| 4 | 541871 | 4617325 |
| S = 0,10 ჰა | ||
| WGS 1984 |
ბ) საგარეჯოს მუნიციპალიტეტის სოფ. თულარის მიმდებარე ტერიტორია – 6430 მ3 ქვიშა-ხრეში:
| N | X | Y |
| 1 | 545604 | 4601971 |
| 2 | 545665 | 4601981 |
| 3 | 545691 | 4601974 |
| 4 | 545700 | 4601864 |
| 5 | 545613 | 4601861 |
| S = 0,99 ჰა | ||
| WGS 1984 |
გ) საგარეჯოს მუნიციპალიტეტის ქალაქი საგარეჯოს მიმდებარე ტერიტორია–474 მ3 ქვიშა-ხრეში:
| N | X | Y |
| 1 | 526892 | 4621350 |
| 2 | 526910 | 4621349 |
| 3 | 526897 | 4621283 |
| 4 | 526883 | 4621282 |
| S = 0,11 ჰა | ||
| WGS 1984 |
2. საგარეჯოს მუნიციპალიტეტი ვალდებულია:
ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ - გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზღვრული პირობების შესრულება;
ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნებისათვის.
3. დადგინდეს საგარეჯოს მუნიციპალიტეტის მიერ სასარგებლო წიაღისეულის მოპოვების ლიცენზიისაგან გათავისუფლებისთვის გადასახდელი თანხა შემდეგი ოდენობით:
ა) სოფ. დიდი ჩაილურის მიმდებარე ტერიტორიაზე 2122 მ3 ქვიშა-ხრეშის მოპოვებისათვის - 369 ლარი;
ბ) სოფ. თულარის მიმდებარე ტერიტორიაზე 6430 მ3 ქვიშა-ხრეშის მოპოვებისათვის – 1118 ლარი;
გ) ქალაქი საგარეჯოს მიმდებარე ტერიტორიაზე 474 მ3 ქვიშა-ხრეშის მოპოვებისათვის - 83 ლარი.
4. საგარეჯოს მუნიციპალიტეტმა უზრუნველყოს ამ განკარგულების მე-3 პუნქტით გათვალისწინებული თანხის გადახდა საქართველოს სახელმწიფო ბიუჯეტში, განკარგულების ძალაში შესვლიდან ერთი თვის ვადაში.
5. საგარეჯოს მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტი (შემდგომში - გარემოსდაცვითი ზედამხედველობის დეპარტამენტი).
6. საგარეჯოს მუნიციპალიტეტმა სასარგებლო წიაღისეულის მოპოვების ვადის გასვლიდან ორი კვირის ვადაში გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.
პრემიერ-მინისტრი ირაკლი ღარიბაშვილი