სს „ენერგო პრო ჯორჯიასთვის“ საქართველოს „წითელი ნუსხით“ დაცული მცენარეთა სახეობების ბუნებრივი გარემოდან ამოღებაზე თანხმობის მიცემის შესახებ

საქართველოს მთავრობის

განკარგულება №2342

2015 წლის 29 ოქტომბერი

ქ. თბილისი

სს „ენერგო პრო ჯორჯიასთვის“ საქართველოს „წითელი ნუსხით“ დაცული მცენარეთა სახეობების ბუნებრივი გარემოდან ამოღებაზე თანხმობის მიცემის შესახებ

„საქართველოს „წითელი ნუსხისა“ და „წითელი წიგნის“ შესახებ“ საქართველოს კანონის 24-ე მუხლის პირველი პუნქტის „ვ“ ქვეპუნქტისა და ამავე მუხლის 2³ პუნქტის შესაბამისად:

1. მცხეთის მუნიციპალიტეტის სოფელ ლელუბნის ელექტროფიცირებისთვის 6-0,4 კვ ელექტროგადამცემი ხაზის „ლელუბნის“ მშენებლობის მიზნით, სს „ენერგო პრო ჯორჯიას“ მიეცეს უფლება, ბუნებრივი გარემოდან ამოიღოს მცხეთის მუნიციპალიტეტის ტერიტორიაზე მდებარე საქართველოს „წითელ ნუსხაში“ შეტანილი 3 (სამი) ინდივიდი მცირენაყოფიანი ბალამწარა (Cerasus microcarpa C. A. Meyer).

2. სს „ენერგო პრო ჯორჯია“ვალდებულია:

ა) სახელმწიფო საკუთრებაში არსებულ მიწის ნაკვეთებზე ბუნებრივი გარემოდან ამოღებული მერქნული რესურსი გადასცეს სსიპ - საქართველოს ფინანსთა სამინისტროს მომსახურების სააგენტოს;

ბ) ამ განკარგულების ძალაში შესვლიდან 2 თვის ვადაში, საქართველოს გარემოსა და ბუნებრივი რესურსების დაცვის სამინისტროს შესათანხმებლად წარუდგინოს საქართველოს „წითელი ნუსხით“ დაცულ მცენარეთა სახეობების ბუნებრივი გარემოდან ამოღებით ბიომრავალფეროვნებისათვის მიყენებული ზიანის საკომპენსაციო ქმედებების პაკეტი;

გ) საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებას - გარემოსდაცვითი ზედამხედველობის დეპარტამენტს წინასწარ აცნობოს საქართველოს „წითელი ნუსხით“ დაცული მცენარეთა სახეობების ბუნებრივი გარემოდან ამოღების დაგეგმილი ვადების შესახებ.

3. ამ განკარგულების პირველი პუნქტით გათვალისწინებული, საქართველოს „წითელი ნუსხით“ დაცული მცენარეთა სახეობების ბუნებრივი გარემოდან ამოღებაზე კონტროლი განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ-გარემოსდაცვითი ზედამხედველობის დეპარტამენტმა.

 

პრემიერ-მინისტრი                                                                                  ი. ღარიბაშვილი