„ფიზიკურ პირ გიორგი ბოლღაშვილისათვის სახელმწიფო საკუთრებაში არსებული უძრავი ნივთის იჯარით გადაცემის თაობაზე თანხმობის მიცემის შესახებ“ საქართველოს მთავრობის 2014 წლის

საქართველოს მთავრობის

განკარგულება №854

2016 წლის 18 მაისი

ქ. თბილისი

 „ფიზიკურ პირ გიორგი ბოლღაშვილისათვის სახელმწიფო საკუთრებაში არსებული უძრავი ნივთის იჯარით გადაცემის თაობაზე თანხმობის მიცემის შესახებ“ საქართველოს მთავრობის 2014 წლის 22 მაისის №914 განკარგულებაში ცვლილების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლისა და „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, „ფიზიკურ პირ გიორგი ბოლღაშვილისათვის სახელმწიფო საკუთრებაში არსებული უძრავი ნივთის იჯარით გადაცემის თაობაზე თანხმობის მიცემის შესახებ“ საქართველოს მთავრობის 2014 წლის 22 მაისის №914 განკარგულებაში შეტანილ იქნეს ცვლილება და:

ა) პირველი პუნქტი ჩამოყალიბდეს შემდეგი რედაქციით:

„1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა სსიპ – სახელმწიფო ქონების ეროვნულ სააგენტოს, რომ ფიზიკურ პირ გიორგი ბოლღაშვილს (პ/ნ: №40001001920) იჯარით გადასცეს სიღნაღის მუნიციპალიტეტში, სოფელ ილიაწმინდაში მდებარე 706 394 კვ.მ სასოფლო-სამეურნეო (საძოვარი) დანიშნულების მიწის ნაკვეთი და მასზე არსებული შენობა-ნაგებობები, განაშენიანების ფართით: №1 - 876 კვ.მ, №2 – 298 კვ.მ, №3 - 183 კვ.მ, №4 - 123 კვ.მ, №5 – 397 კვ.მ (ს/კ: №56.10.70.066) და სიღნაღის მუნიციპალიტეტში, ივრის აღკვეთილის ტერიტორიაზე მდებარე 26107 კვ.მ სასოფლო-სამეურნეო (საძოვარი) დანიშნულების მიწის ნაკვეთი (ს/კ: №56.10.70.067), შესაბამისი ხელშეკრულების გაფორმებიდან 10 (ათი) წლის ვადით, წლიური საიჯარო ქირით პირველ წელს – 7760 (შვიდი ათას შვიდას სამოცი) ლარად, მეორე წელს - 4000 (ოთხი ათასი) ლარად, მესამე წელს – 2000 (ორი ათასი) ლარად, ხოლო 2017 წლის 5 აგვისტოდან ყოველწლიურად – 7 760 (შვიდი ათას შვიდას სამოცი) ლარად, რომელიც ყოველწლიურად გადახდილი უნდა იქნეს შემდეგი გრაფიკის მიხედვით: 15 აგვისტომდე – 1940 (ათას ცხრაას ორმოცი) ლარი; 15 ნოემბრამდე – 1940 (ათას ცხრაას ორმოცი) ლარი; 15 თებერვლამდე – 1940 (ათას ცხრაას ორმოცი) ლარი; 15 მაისამდე – 1940 (ათას ცხრაას ორმოცი) ლარი.“;

ბ) მე-2 პუნქტის „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ბ) ამ პუნქტის „ა“ ქვეპუნქტით ნაკისრი ვალდებულების შესრულების მიზნით, არანაკლებ 120 000 (ას ოცი ათასი) ლარის ინვესტიციის განხორციელება;

გ) შესაბამისი ხელშეკრულების გაფორმებიდან ხუთი წლის განმავლობაში, პირველ და მე-2 წლებში არანაკლებ 5 (ხუთი) ადამიანის, ხოლო დანარჩენ პერიოდში, ყოველწლიურად, არანაკლებ 8 (რვა) ადამიანის დასაქმება;“.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

 

პრემიერ-მინისტრი                                                     გიორგი კვირიკაშვილი