„ზოგიერთი ღონისძიების გატარების თაობაზე“ საქართველოს მთავრობის 2016 წლის 3 აგვისტოს №1585 განკარგულებაში ცვლილების შეტანის შესახებ

საქართველოს მთავრობის

განკარგულება №2240

2016 წლის 20 ოქტომბერი

ქ. თბილისი

 „ზოგიერთი ღონისძიების გატარების თაობაზე“ საქართველოს მთავრობის 2016 წლის 3 აგვისტოს  №1585 განკარგულებაში ცვლილების შეტანის შესახებ

  საქართველოს ზოგადი ადმინისტრაციული კოდექსის 63-ე მუხლის თანახმად, „ზოგიერთი ღონისძიების გატარების თაობაზე“ საქართველოს მთავრობის 2016 წლის 3 აგვისტოს №1585 განკარგულებაში შეტანილ იქნეს ცვლილება და მე-4 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) საქართველოს სოფლის მეურნეობის სამინისტროს - 24 000 000 (ოცდაოთხი მილიონი) ლარი, მათ შორის:

ა.ა) რთვლის ღონისძიებების შეუფერხებელი განხორციელებისათვის - 20 500 000 (ოცი მილიონ ხუთასი ათასი) ლარი, მათ შორის:

ა.ა.ა) კახეთისა და რაჭა-ლეჩხუმის რეგიონებში მევენახეობის სფეროში დასაქმებულ ყურძნის ჩამბარებელ ფიზიკურ პირებზე სუბსიდიის გაცემის მიზნით -   11 500 000 (თერთმეტი მილიონ ხუთასი ათასი) ლარი;

ა.ა.ბ) ყურძნის შესყიდვა-გადამუშავებისა და მასთან დაკავშირებული ღონისძიებების დაფინანსების მიზნით, სს „აკურას“ კაპიტალის გასაზრდელად - 9 000 000  (ცხრა მილიონი) ლარი;

ა.ბ) შპს „მექანიზატორის“ მიერ სასოფლო-სამეურნეო ტექნიკის ტექნიკურად გამართვისათვის საჭირო ღონისძიებებისა და 2016 წელს წარმოშობილი ვალდებულებების დაფინანსების მიზნით, შპს „მექანიზატორის“ კაპიტალის გასაზრდელად  -  3 500 000 (სამი მილიონ ხუთასი ათასი) ლარი;“.

 

პრემიერ-მინისტრი                                                                გიორგი კვირიკაშვილი