,,აჭარის ავტონომიური რესპუბლიკის ადმინისტრაციულ საზღვრებში, სტიქიით მიყენებული ზიანის სალიკვიდაციო შერეული სამთავრობო კომისიის მუშაობის წესისა და აჭარის ავტონომიური რესპუბლიკის ადმინისტრაციულ საზღვრებში, სტიქიით დაზარალებული ოჯახების დიფერენციის, დახმარების კრიტერიუმებისა და ზიანის აღმოფხვრის წესის შესახებ” აჭარის ავტონომიური რესპუბლიკის მთავრობის 2016 წლის 12 აპრილის N14 დადგენილებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
ავტონომიური რესპუბლიკის მთავრობის დადგენილება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველო აჭარის ავტონომიური რესპუბლიკის მთავრობის დადგენილება №4 |
|
2017 წლის 17 თებერვალი ქ. ბათუმი |
,,აჭარის ავტონომიური რესპუბლიკის ნორმატიული აქტების შესახებ” აჭარის ავტონომიური რესპუბლიკის კანონის 26-ე მუხლისა და ,,აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აჭარის ავტონომიური რესპუბლიკის კანონის მე-9 მუხლის შესაბამისად:
|
1.
,,აჭარის ავტონომიური რესპუბლიკის ადმინისტრაციულ საზღვრებში, სტიქიით მიყენებული ზიანის სალიკვიდაციო შერეული სამთავრობო კომისიის მუშაობის წესისა და აჭარის ავტონომიური რესპუბლიკის ადმინისტრაციულ საზღვრებში, სტიქიით დაზარალებული ოჯახების დიფერენციის, დახმარების კრიტერიუმებისა და ზიანის აღმოფხვრის წესის შესახებ” აჭარის ავტონომიური რესპუბლიკის მთავრობის 2016 წლის 12 აპრილის №14 დადგენილებით (სსმ, 19.04.2016, სარეგისტრაციო კოდი: 280090030.32.057.016225) დამტკიცებულ აჭარის ავტონომიური რესპუბლიკის ადმინისტრაციულ საზღვრებში, სტიქიით დაზარალებული ოჯახების დიფერენციის, დახმარების კრიტერიუმებისა და ზიანის აღმოფხვრის წესში შეტანილ იქნეს შემდეგი სახის ცვლილება:
|
ა)
მე-9 მუხლის მე-4 პუნქტი ჩამოყალიბდეს შემდეგი რედაქციით:
„4. ამ მუხლის მე-2 პუნქტის ,,ა.დ“ ქვეპუნქტით გათვალისწინებული ფინანსური მხარდაჭერა არაუმეტეს 25 000 (ოცდახუთი ათასი) ლარისა, შესაძლებელია გაეწიოს ეკომიგრანტ ოჯახებს, მათი უსაფრთხო გარემოში გადაყვანის მიზნით. წინამდებარე პუნქტით გათვალისწინებული შუამდგომლობის დაკმაყოფილების შემთხვევაში გამგეობა/მერია უზრუნველყოფს თანხის მიზნობრივი ხარჯვის კონტროლს. დახმარება შესაძლებელია განხორციელდეს: ა) გამგეობასა/მერიასა და ეკომიგრანტი ოჯახის სრულწლოვან წევრებთან გაფორმებული შეთანხმების საფუძველზე, რომლითაც ბენეფიციარი იღებს ვალდებულებას, რომ დახმარებისათვის მიღებულ თანხას გამოიყენებს უსაფრთხო საცხოვრისის შეძენის მიზნით. აღნიშნულ შემთხვევაში თანხა გადაირიცხება დაზარალებულის მიერ წარმოდგენილ საბანკო ანგარიშზე; ბ) გამგეობას/მერიას, ეკომიგრანტი ოჯახის სრულწლოვან წევრებსა და გამყიდველს შორის უძრავი ქონების ნასყიდობის მიზნით გაფორმებული ხელშეკრულების საფუძველზე, მერიის/გამგეობის შესაბამისი (ან სხვა კომპეტენტური) სამსახურის მიერ შესასყიდად წარმოდგენილი საცხოვრებელი სახლის ტექნიკური და/ან საკარმიდამო ნაკვეთის გეოლოგიური მდგომარეობის დამაკმაყოფილად შეფასების შემდგომ. აღნიშნულ შემთხვევაში თანხა გადაირიცხება გამყიდველის მიერ წარმოდგენილ საბანკო ანგარიშზე. “; |
ბ)
მე-9 მუხლს დაემატოს შემდეგი შინაარსის 41 პუნქტი:
„41. ამ მუხლის მე-4 პუნქტის ფარგლებში ეკომიგრანტი ოჯახის დაკმაყოფილების შემთხვევაში, თუ უძრავი ქონების გასაყიდი ღირებულება აღემატება 25 000 (ოცდახუთი ათასი) ლარს, სურვილისა და გამყიდველთან შეთანხმების შესაბამისად ეკომიგრანტი ბენეფიციარი თავად ფარავს დარჩენილ სხვაობას.“; |
გ)
მე-9 მუხლის მე-10 პუნქტი ჩამოყალიბდეს შემდეგი რედაქციით:
10. სტიქიური მოვლენის შედეგების აცილებისათვის/ლიკვიდაციისათვის, კომისიას შეუძლია იმსჯელოს მე-9 მუხლით გაუთვალისწინებელი განსხვავებული ქმედითი დახმარების აღმოჩენის თაობაზე (მათ შორის ბენეფიციართათვის ფინანსური დახმარების მიზნით) და მიიღოს გადაწყვეტილება საჯარო და კერძო ინტერესების გათვალისწინებით.“. |
2.
დადგენილება ამოქმედდეს გამოქვეყნებისთანავე.
|
|