1. ნიშანდება სამშენებლო პროდუქტზე ან მის ეტიკეტზე დატანილი უნდა იქნეს ადვილად აღსაქმელი ფორმით, მკაფიოდ და წაუშლელად. თუ აღნიშნული შეუძლებელია სამშენებლო პროდუქტის თავისებურების გამო, ნიშანდება დატანილი უნდა იქნეს თანდართულ დოკუმენტაციაზე ან სამშენებლო პროდუქტის შეფუთვაზე.
2. ნიშანდებასთან ერთად პროდუქტზე დატანილი უნდა იყოს მისი პირველად დატანის წლის აღმნიშვნელი ბოლო ორი ციფრი, ასევე მწარმოებლის რეგისტრირებული სახელი და მისამართი ან შესაბამისი საიდენტიფიკაციო ნიშანი, რომლის საშუალებითაც შესაძლებელია მწარმოებლის სახელისა და მისამართის ადვილად იდენტიფიცირება.
3. ნიშანდებასთან ერთად პროდუქტზე დატანილი უნდა იყოს:
ა) პროდუქტის ტიპის აღმნიშვნელი უნიკალური საიდენტიფიკაციო კოდი;
ბ) სამშენებლო პროდუქტის თვისებების დეკლარაციის საიდენტიფიკაციო ნომერი;
გ) სამშენებლო პროდუქტის თვისებების დეკლარირებულ დონისა და კლასის შესახებ ინფორმაცია;
დ) გამოყენებული სტანდარტების შესახებ ინფორმაცია;
ე) შესაბამის შემთხვევებში, შესაბამისობის შემფასებელი ორგანოს საიდენტიფიკაციო კოდი;
ვ) გამოყენებული სტანდარტების გათვალისწინებული გამოყენების დანიშნულება.
4. იმ შემთხვევაში, თუ ვერ ხერხდება ამ მუხლი მე-3 პუნქტით გათვალისწინებული ინფორმაციის პროდუქტზე დატანა, ინფორმაცია დატანილი უნდა იქნეს პროდუქტის შეფუთვაზე, ასეთის არსებობის შემთხვევაში ან თანდართულ დოკუმენტაციაზე.
5. ნიშანდება დატანილი უნდა იქნეს სამშენებლო პროდუქტზე ბაზარზე განთავსებამდე. ნიშანდებასთან ერთად პროდუქტზე ასევე შესაძლოა დატანილ იქნეს პიქტოგრამა ან სხვა მკაფიო ნიშანი სპეციფიკური გამოყენების ან რისკების შესახებ, რომელიც შესაძლოა გამოწვეულ იქნეს სამშენებლო პროდუქტის მიერ.
ეკონომიკური ოპერატორების ვალდებულებე