1. ტყის აღრიცხვის დეპარტამენტი უზრუნველყოფს:

ა) ტყის აღრიცხვისა და დაგეგმვის ღონისძიებების ორგანიზებას;

ბ) ტყის მართვის გეგმების შედგენის ორგანიზებას;

გ) ტყის მონიტორინგს და მიღებულ მონაცემთა დამუშავებას;

დ) ტყის ფართობების კარტოგრაფიული მასალების მომზადებას;

ე) ტყის საზღვრების კორექტირებას, დაზუსტებასთან დაკავშირებული საქმიანობის წარმართვას.

2. ტყის ინფორმაციისა და კადასტრის სამმართველოს უფლებამოსილებებია:

ა) ტყის ფართობების შესახებ ინფორმაციის, შესაბამისი კარტოგრაფიული მასალების მომზადება;

ბ) ტყის დაკავშირებულ გეოინფორმაციული სისტემის ფუნქციონირების ორგანიზება;

გ) ტყის საზღვრების დაზუსტების ან/და კორექტირების სამუშაოების კოორდინაცია და შესაბამისი დოკუმენტაციის მომზადება;

დ) დადგენილი წესით, საკადასტრო აზომვითი ნახაზების მომზადება;

ე) სარგებლობის უფლებით გასაცემი სხვა ობიექტის მომზადებაში მონაწილეობა;

ვ) ტყის ფართობის რეგისტრაციის მიზნით მასალების მომზადება და მარეგისტრირებელ ორგანოში წარდგენა;

ზ) ელექტრონული საინფორმაციო სისტემების შემუშავების ორგანიზება;

თ) კომპეტენციის ფარგლებში, კანონმდებლობით განსაზღვრული სხვა უფლებამოსილების განხორციელება.

3. ტყის ინვენტარიზაციისა და მონიტორინგის სამმართველოს უფლებამოსილებებია:

ა) ტყის სატყეო უბნებად, სატყეოებად, სატყეო კვარტალებად, ლიტერებად (სატაქსაციო უბნებად) დაყოფის მიზნით შესაბამისი რეკომენდაციების მომზადება;

ბ) ტყის აღრიცხვის ორგანიზება;

გ) ტყის მონიტორინგის ორგანიზება;

დ) ტყის მართვის გეგმების შედგენა ან/და შედგენის ორგანიზება;

ე) ტყითსარგებლობისა და ტყის მოვლა-აღდგენის დეპარტამენტებთან ერთად ტყის მართვისა და ტყითსარგებლობის გეგმების შედგენა-განხილვის ორგანიზება;

ვ) ტყის აღრიცხვის ტექნიკური დავალების შემუშავება;

ზ) საკუთარ უფლებამოსილებას მიკუთვნებულ საკითხებზე სააგენტოს უფროსის ბრძანების პროექტის მომზადება;

თ) კომპეტენციის ფარგლებში, კანონმდებლობით განსაზღვრული სხვა უფლებამოსილების განხორციელებ